Европа Иттифоқи қароргоҳи жойлашган Брюсселга ўтган ҳафта охирида сафар қилган Қирғизистон президенти Алмазбек Атамбаев "Евроньюс" телеканалига 2010 йилги Ўш воқеаларида айбланиб умрбод қамоқ жазосига ҳукм қилинган этник ўзбек ҳуқуқ фаоли Азимжон Асқаров иши “сиёсийлашиб кетгани”ни айтди.
Россиянинг БМТдаги доимий вакили Виталий Чуркин 20 февраль куни Нью-Йоркда оламдан ўтди. Дипломатнинг ўлими сабаблари очиқланмаяпти.
Европа кенгаши президенти Дональд Туск АҚШ вице-президенти Майк Пенс билан сўзлашувлардан сўнг Европа Иттифоқи Дональд Трамп маъмуриятининг “ҳар томонлама ва аниқ мақсадли” қўллаб-қувватловига эришишга умид қилаётгани тўғрисида баёнот берди.
Ироқ кучлари Мосул шаҳрининг ғарбий қисмида жойлашган 15 қишлоқ “Исломий давлат” жангариларидан озод этилганини эълон қилди. Ироқ армияси АҚШ армияси кўмаги билан шаҳарни бутунлай озод этиш учун курашмоқда. 20 февраль куни Ироқ аскарлари Мосул жанубидаги аэропорт томон яқинлашди. Хабарларга кўра, “Исломий давлат” жангарилари зўр бериб қаршилик кўрсатмоқда.
Саратов вилоят полицияси Петровск-Саратов трассасида содир бўлган автоҳалокатда нобуд бўлган 6 кишидан 4 нафари Ўзбекистон, биттаси Тожикистон ва яна бири Россиядан эканини аниқлади. Дастлабки тахминларга кўра, паспортга кирди-чиқди муҳрини урдириш учун чегарага муҳожирларни олиб бориб, қайтаётган "Kia Rio" автомобили ҳайдовчиси рулда ухлаб қолган.
Ироқ Бош вазир ҳарбийлар Мосулнинг ғарбий қисми ишғолини бошлаганини маълум қилди. Шаҳарнинг "Ислом давлати" экстермист гуруҳи қўлида бўлган бу қисмида 650 - 800 минг тинч аҳоли қолмоқда. Гуруҳ 2014 йилда эгаллаганидан буён Мосулни ўз пойтахти, деб даъво қилиб келади.
Россия чегарачилари Сурияга жанг қилгани кетаётган бир гуруҳ хориж ватандошларини ҳибс этганини хабар қилди. Улардан бири экстремизм учун Ўзбекистонда қидирувда бўлгани айтилмоқда. Озодлик ўз манбаларидан ушланганларнинг уч нафари Ўзбекистондан, яна бири Қирғизистондан эканини аниқлади.
Сеул суди Samsung ширкати раҳбари Чже Ён Лини ҳибсга олиш ҳақида қарор қабул қилди. У президент Пак Кин Хенинг яқин дугонаси Чхве Сун Силга алоқадор иш бўйича тергов қилинади.
Шу кунларда Европа Иттифоқи қароргоҳи жойлашган Брюсселга сафар қилган Қирғизистон президенти Алмазбек Атамбаев 2010 йилги Ўш воқеаларида айбланиб умрбод қамоқ жазосига ҳукм қилинган этник ўзбек ҳуқуқ фаоли Азимжон Асқаров қамоқдан бўшатилмаслигини айтди.
Афғонистонга қайтган минглаб қочқин овқат ва бошпана излаб Қобул ташқарисидаги одам тўла бўлган ҳамда хароб аҳволдаги лагерларда қолмоқда.
Ўзбекистон ва Россия рус нефтининг ўзбек бозорига етказиб берилиши йўлларини изламоқда. Буни куни-кеча Тошкентда якунланган икки тарафлама иқтисодий ҳамкорлик йиғилишида Россия Энергетика вазири муовини Кирилл Молодцов овоза қилди. Аммо кузатувчилар Россиянинг нефт маҳсулотларини Ўзбекистонга бозор нархларидан арзонроқ сотишига жиддий шубҳа билдирмоқда.
Ўзбекистон президенти Шавкат Мирзиёев 4-5 апрель кунлари расмий давлат ташрифи билан Москвага келади. Олий тоифадаги икки томонлама учрашувлар ҳақида Тошкентда ўтаётган XVIII-чи Россия-Ўзбекистон Ҳукуматлараро иқтисодий ҳамкорлик бўйича комиссия йиғилишида эълон қилинди.
Давомини ўқинг
