АҚШ президенти Дональд Трамп Хитой билан Россияни рақиблар деб атади ҳамда уларга “енгиб бўлмайдиган куч” билан қарши туриш зарурлигини уқтирди. Трамп, шунингдек, Конгрессни 2015 йилда Эрон билан ядро дастури борасида эришилган битимнинг “асосий камчиликлари”ни тузатишга чақирди.
30 январь куни Стокҳольмда бошланган матбуот анжуманида прокурор Ханс Иҳрман Ўзбекистон ватандоши Раҳмат Оқиловни террорчиликда айблади. Раҳмат Оқилов ўтган йилнинг апрелида Стокҳольмда пиёдалар устига юк машинасини ҳайдаган ва бу ҳужумда 5 киши ўлган эди. Прокурор унга умрбод қамоқ жазосини сўради.
АҚШ Молия вазирлиги янги санкциялар жорий қилиниши мумкин бўлган Россия президенти Владимир Путинга яқин бўлганлар рўйхатини эълон қилди. “Кремл маърузаси” деб номланган бу ҳужжатда келтирилган Россия ҳукумати, президент Маъмурияти, йирик бизнесменлар ва сиёсий етакчилар акс этган 210 кишилик рўйхатда келиб чиқиши ўзбекистонлик бўлган олигархлар Алишер Усмонов ва Искандар Маҳмудов фамилиялари ҳам бор.
Москвага совуқ ҳаво ёпирилмоқда. Январь ойида бу ерда ҳавонинг кескин совиб кетишига фақат Арктикадан келаётган аёзли ҳаво оқими сабаб бўлаётгани йўқ.
Ўтган жума, 26 январь куни Петербургда йўқолган 11 яшар қирғизистонлик Салмон Мадумаровни қидириш ишлари давом этмоқда. Полиция хабарига кўра, футбол ўйнагани чиққанича уйга қайтмаган муҳожир фарзанди Санкт-Петербургга ота-онаси билан бир ой олдин келган.
Россиянинг йирик шаҳарларида мухолифатчи Алексей Навальнийнинг тарафдорлари президентлик сайловини бокот қилиш чақириғи билан намойишга чиқди. Намойишчилар сайловларга Навальний қўйилмаганидан ва унда яна Владимир Путин ғолиб бўлиши мумкин, деб норози бўлмоқда.
Афғонистон пойтахти Кобулда ҳудкуш бомба ҳужумида камида 103 киши қурбон бўлди. Ҳодиса ортидан 28 январь Афғонистонда мотам куни, деб эълон қилинди. АҚШ президенти Доналд Трамп барча мамлакатларни ушбу ҳужумни уюштирган Толибларга қарши “кескин чора” кўришга чақирди.
Москванинг Якиманка муниципал округи депутатлар Кенгаши Ўзбекистон консуллиги биқинида барпо этилган скверда Ислом Каримов ҳайкали ўрнатилиши масаласини референдумга олиб чиқди.
АҚШ Сенатидаги бир гуруҳ демократ ва республикачи қонунчилар Мьянмада роҳинжалик мусулмонларга қарши этник тозалашларни танқид қилмоқда. Демократ сенаторлардан бирининг айтишича, юқори палатада кўпчилик сардори, республикачи Митч Макконел Мьянманинг норасмий раҳбари Ау Сан Су Чи билан яқинлиги сабаб бу мамлакат ҳукуматига қарши чорани пайсалга солмоқда.
Россиянинг Санкт-Петербург шаҳрига аэропорт орқали кириб келган барча муҳожирлар суғурта полисини олишга мажбурланаяпти. Бу хабарга етказган Озодлик мухлисларидан бири суғурта полисини олиш мажбурий эканлиги-эмаслиги тўғрисида савол қўйди. Мутахассислар эса Россияга кириб келишда мигрантларга тиббий суғурта полиси зарур эмаслигини исботлаб кўрди.
Қолганини юкланг
