Ўзбекистон Республикаси Марказий сайлов комиссияси Олий Мажлиси Қонунчилик палатаси депутатлари сайлови бўйича айрим сайлов округларида 2015 йил, 4 январда ўтказиладиган такрорий овоз беришга тайёргарлик кўриш ва уни ўтказиш юзасидан белгиланган комплекс тадбирлар ижросини кўриб чиққани тўғрисида 31 декабрь куни хабар қилди.

Айтилишича, такрорий овоз бериш ўтказиладиган 22 та сайлов округида “такрорий овоз беришни қонун талаблари асосида, уюшқоқлик билан юксак демократик савияда ўтказиш учун барча ташкилий чоралар кўрилган”.

Такрорий овоз бериш бўйича сайлов бюллетенлари Марказий сайлов комиссияси томонидан нашр қилиниб, ўз вақтида тегишли сайлов округлари ва участкаларига етказиб берилди.

Мажлисда Марказий сайлов комиссияси ваколатига тааллуқли бошқа масалалар ҳам кўриб чиқилди ва улар юзасидан тегишли қарорлар қабул қилинди.

Олий Мажлис Қонунчилик палатасига сайлов 21 декабрь куни ўтказилган.

Ўзбекистон Республикаси Марказий сайлов комиссияси қарорига биноан Олий Мажлис Сенати аъзолари сайлови 2015 йил 13-14 январь кунлари ўтказилади. Бу ҳақдаги қарор 31 декабрь куни қабул қилинди.

Қонунга биноан мазкур сайловлар Қорақалпоғистон Республикаси Жўқорғи Кенгеси, вилоятлар, туманлар ва шаҳарлар давлат ҳокимияти вакиллик органлари депутатларининг тегишли қўшма мажлисларида ўтказилади.

“Ўзбекистон Республикаси Олий Мажлисига сайлов тўғрисида”ги Қонуннинг 50-моддасига мувофиқ, Сенат аъзолари Қорақалпоғистон Республикаси, вилоятлар ва Тошкент шаҳридан тенг миқдорда – олти кишидан, ҳаммаси бўлиб 84 сенатор сайланади.

Олий Мажлис Сенатига сайлов Қорақалпоғистон Республикаси Жўқорғи Кенгеси, вилоятлар, туманлар ва шаҳарлар давлат ҳокимияти вакиллик органлари депутатларининг тегишли қўшма мажлисларида мазкур депутатлар орасидан яширин овоз бериш йўли билан ўтказилади.

16 сенаторни мамлакат президенти тайинлайди.

Сенатнинг ваколат муддати 5 йилдир.

Ўзбекистонда дафн мароисимини ўтказиш учун бериладиган нафақага оид қонун ҳужжатларига ўзгартиш киритилгани тўғрисида маҳаллий ахборот воситалари хабар қилди.

Янги тартибга биноан дафн учун бериладиган нафақа миқдори 2015 йилнинг 1 январидан бир андозага келтирилди: нафақа миқдори энг кам ойлик иш ҳақининг 4 баробари миқдорида, яъни 473 600 сўм бўлади.

Шу пайтгача дафн нафақаси, агар ишламайдиган пенсионер вафот этса, унинг икки ойлик пенсияси миқдорида, бошқалар, шу жумладан ишлаётган пенсионер вафот этса, энг кам ойлик иш ҳақининг 3 баробари миқдорида тўланган.

2015 йилнинг 1 январидан бошлаб Ўзбекистонда 1 литр бензин нархи 25 сўмга қимматлади.

Бунга президент қарори билан автомобил ёнилғисидан фойдаланганлик учун жисмоний шахслардан олинадиган солиқ миқдори 265 сўм ўрнига 290 сўмга қилиб белгилангани сабаб бўлди.

Сиқилган газнинг 1 кубометри учун солиқ эса 220 сўмдан 240 сўмга ошди.

Солиқ ошиши натижасида ёнилғи нархи ҳам қимматлади. Бунгача Аи-80 2005 сўм, Аи-91 2210 сўм, Аи-95 эса 2435 сўмдан сотилаётган эди.

Президент Ислом Кaримов 31 декaбрь куни Ўзбекистон хaлқигa йўллaгaн Янги йил тaбригидa пaрлaмент сaйловлaридa қaтнaшгaн овоз берувчилaргa миннaтдорчилик билдирди.

“Сaйловлaрдa нaмойиш этилгaн юқори сиёсий вa фуқaровий фaоллик учун овоз берувчилaргa миннaтдорчилигимни изҳор қилaмaн. Булaрнинг бaрчaси фуқaролaримизнинг ҳуқуқий мaдaнияти ҳaмдa сaйловлaр нaтижaлaри вa бизнинг хaлқaро aренaдaги нуфузимиз улaрнинг фaол иштирокигa боғлиқ экaнини ҳис этиши юксaлaётгaнигa янa бир дaлилдир”, деди президент.

Ўзбекистон Марказий сайлов комиссиясига кўра, 21 декабрь куни ўтказилган парламент сайловида 18 миллион 400 минг нафар сайловчи иштирок этган (89%).

Ислом Каримов яна бир бор глобал иқтисодий инқироз давом этаётганига қарамасдан, Ўзбекистонда иқтисодий ўсиш йилига 8 фоизни ташкил қилаётганини иддао қилди.

“Иқтисодий ўсиш 2015-йилдa ҳaм бу кўрсaткичдaн кaм бўлмaйди, иншооллоҳ”, деди президент Кaримов.

Иқтисодий барқарорликни даъво қилган президент мамлакатдаги давлатга қарашли корхоналарнинг айирмларида ишчиларга бир неча ойлаб маош тўланмаётгани, расмий маълумотларга кўра, камида 2,5 миллион ўзбекистонлик Россияда мардикорлик қилаётгани каби муаммоларни тилга олмади.

Айни кунларда мамлакат аҳолисининг катта қисми табиий газ ва электр қуввати тақчиллигини бошдан кечираётгани ҳам президент нутқидан ўрин олмади.

Шу кунларда Ўзбекистон пойтахтидаги автобусларда 500 дан зиёд кондуктор йўловчиларга Янги йил қаҳрамонлари кийимида хизмат кўрсатаяпти.

“Тошшаҳартранс хизмат” вакилларига кўра, бу 8 йилдан буён анъанага айланиб қолган тадбирдир.

Тошкентда мавжуд 140 йўналиш бўйича шу кунда 9 автопарк хизмат кўрсатади. Ҳозирда ҳар бир йўналиш бўйича 2-3 кондуктор қорбобо ва қорқиз кийимида ишлаётгани айтилмоқда.

Янги йил байрамида қорбобо ва қорқизнинг совға улашишига одатланилган бўлса-да, Podrobno.uz сайтининг ёзишича, йўловчилар ўзларидан бу йўсинда пул йиғилаётганидан хафа эмаслар, аксинча, байрам арафасидаги бу тадбирдан мамнунлар.

Қирғиз матбуоти хабарларига кўра, Ўзбекистон саккиз ойлик узилишдан сўнг Қирғизистон жанубидаги Ўш вилоятига газ узатишни бошлаган.

“Газпром Қирғизистон” ширкатининг Ўшдаги бўлими раҳбари муовини Тоҳир Олимов Ўзбекистон томони 30 декабрь соат 03.00 дан бошлаб газ беришни бошлаганини тасдиқлади.

Ўзбекистонни Қирғизистонга газ узатишни қайта бошлашга нима ундагани ҳозирча маълум эмас.

Шу йининг апрель ойида Россиянинг “Газпром” ширкати Қирғизистоннинг “Қирғизгаз” компаниясини рамзий 1 доллар эвазига сотиб олган эди.

Шундан сўнг, 14 апрелдан бошлаб Ўзбекистон Қирғизистон жанубига газ етказиб беришни тўхтатганди.

Ўзбекистон томони Қирғизистонда янги ташкил қилинган газ ширкати билан шартномаси йўқлигини сабаб қилиб таъминотни тўхтатганини айтган.

Минск шаҳри аэропортида террорчиликда гумон қилиниб, Ўзбекистон томони қидирувга берган Ўзбекистон фуқароси қўлга олинди.

Бу ҳақда Беларус Давлат чегара қўмитаси матбуот хизмати Озодликка маълум қилди.

Ўзини Тожикистон фуқароси деб, танитган ва сохта паспортни тақдим этган шахс 28 декабрь куни Минскдан Истанбулга учиб кетаётганда қўлга олинди.

Расмий маълумотларга кўра, текширув пайтида у тақдим этган паспортнинг сохталиги - сурат ўзгартирилгани аниқланган.

Кейинчалик давлат чегарасини ноқонуний кесиб ўтмоқчи бўлган шахснинг 1983 йилда туғилган Ўзбекистон фуқароси экани ва у 2013 йилдан бери террорчиликда гумон қилиниб, қидирилаётгани аён бўлди.

Исми айтилмаётган ўзбек ҳозир Минскда ҳибсда сақланмоқда.

Ўзбекистонда Орол денгизи қуриши ортидан юзага келган оқибатларни юмшатиш борасида комплексли дастурни ишлаб чиқиш бошланди. Мазкур дастур 2015-2018 йилларга мўлжалланган бўлиб, унинг қиймати 3 миллиард долларни ташкил қилади.

Ўзбекистон ҳукуматининг бу борада қабул қилган қарорида айтилишича, мазкур маблағнинг 1,9 миллиард долларини имтиёзли кредитлар, 200 миллион долларини эса грантлар ташкил қилади.

Маблағнинг 2,971 миллиарди Оролбўйида Ўзбекистон ҳукумати томонидан амалга ошириладиган лойиҳаларга, 80,2 миллион доллари маҳаллий лойиҳаларга ажратилади.

Оролнинг қуриб қолган қисмида ҳимоя чизиғи сифатида дарахтзорлар яратиш, Оролбўйида юқори ҳосил берувчи мева-сабзавотчиликни шакллантириш, Аму-Бухоро каналини модернизациялаш каби лойиҳалар Орол денгизи қуриши ортидан юзага келган оқибатларни юмшатиш дастурининг асосий қисми ҳисобланади.

Ўзбекистоннинг ҳарбий харажатлари 2020 йилга бориб 9,48 фоизга (3,4 миллиард долларгача) ошади.

Бу ҳақда Strategic Defense Intelligence консалтинг фирмасининг “Ўзбекистон ҳарбий-саноат мажмуасининг келажаги – бозорнинг жозибадорлиги, рақобатбардорлиги ва 2019 йилгача бўлган тахминлар” ҳисоботида қайд этилган.

Ҳисоботда келтирилишича, 2010-2014 йилларда Ўзбекистон ўзининг ҳарбий харажатларини 11,7 фоизга (2,2 миллиард долларгача) оширган.

Strategic Defense Intelligence тахминича, янги 2015 йили Ўзбекистонда мудофаа харажатлари 2,4 миллиард долларни ташкил этади. Бу маблағ, SDI таҳлилчиларига кўра, Ўзбекистонда ҳимоя тизими ва террорчилик таҳдидига қарши курашга йўналтирилади.

Тошкентнинг марказий кўчаларидаги чорраҳаларга видеокамераларни ўрнатиш жараёни бошланди.

Жами 160 та чорраҳага кўчалардаги қатновни назорат қилиш мақсадида видеокамера ўрнатилиши хабар қилинган.

Пойтахт кўчаларида видеокамералар пайдо бўлиши ҳақидаги хабар 2012 йилда пайдо бўлган. Озодликка номаълум сабабларга кўра, бу жараён икки йилга кечикиб бошланаяпти.

Мазкур лойиҳага давлат бюджетидан 20 миллион доллар маблағ ажратилган.

Йўл ҳаракати хавфсизлиги Бош бошқармаси маълумотига кўра, Ўзбекистонда 3 миллиондан зиёд автомашина рўйхатга олинган¸ бу машиналарнинг 40 фоизи эса биргина Тошкент шаҳрида қайддан ўтган.

2010 йили Россия Ички ишлар вазирлиги ташаббуси билан Москвадаги кўчаларга кузатув камераси ўрнатилган эди. Кейин маълум бўлишича аксар камералар сохта бўлиб¸ бош экранга олдиндан ëзиб олинган тасвирларни узатиб турган.

Бундай коррупцион схема бюджетдан ажратилган пулларнинг аксариятини ўзлаштиришда қўл келиши айтилади.

Президент Ислом Каримов қарорига кўра, 2015 йилнинг 2 январь- жума куни ҳам дам олиш куни деб эълон қилинди.

Эндиликда ўзбекистонликлар янги йил муносабати билан жами тўрт кун- 1, 2, 3 ва 4 январь кунлари дам олади.

Қарорда ушбу ўзгариш янги йил муносабати билан аҳолининг дам олиши учун қулай шарт-шароит яратиш мақсадида қабул қилингани айтилган.

Одатда иш куни дам олишга ўзгартирилса, ўзбекистонликларнинг шанба ёки якшанба куни ишлашига тўғри келарди.

Ўзбекистонда Меҳрибонлик уйлари тарбияланувчилари, кам таъминланган оилалар фарзандлари ва боқувчисини йўқотган жами 11 мингдан зиёд бола президент Ислом Каримов номидан янги йил совғалари олади.

Ўзбекистон ўрта ва махсус таълим вазирлиги маълумотига кўра, 26 декабрда вилоятларга президент совғасини жўнатиш якунланган.

Ўқув қуроллари ва ширинликлардан иборат мазкур совғалар мамлакатнинг барча ҳудудларида ўтказиладиган "Президент арчаси" байрам томошалари пайти тарқатилади.

Ўн бир минг болага президент совғалари улашилаётган жорий йилда ҳам Ўзбекистонда болалар меҳнатидан фойдаланиш ҳолатлари кузатилди.

Тошкент вилояти Бўка туманининг Ачамайли файз маҳалласида истиқомат қилган 60 яшар эр-хотин Абдусамат Абдурайимов ва Инобат Жўраевани ўлдирганликда гумонланиб, икки йигит ҳибсга олинди.

Ўзбекистон Ички ишлар вазирлиги маълумотига кўра, бўкалик Умид Пардаев ва Обид Хидиров эр- хотинни ваҳшиёна ўлдирганликда гумонланиб, қўлга олинган. Ҳозирда тергов-суриштирув ишлари давом этмоқда.

Озодлик манбасига кўра, Абдусамат Абдурайимов ва Инобат Жўраеванинг уйига 25 декабрга ўтар кечаси бостириб кирган талончи-қотиллар уйни тунаганидан сўнг, уй эгаларни чавақлаб ўлдириб, тутзорга ташлаб кетган.

Ўтган йиллар давомида Тошкент шаҳри, вилояти ва Фарғона шаҳрида ёлғиз қарияларни тунаш ва уларни ўлдириб кетиш ҳолатлари жуда кўп бўлган.

Тошкент шаҳар Ички ишлар бошқармаси ўтган йили бир йил мобайнида Тошкент шаҳрида ёлғиз пенсионерларни тунаш ва ўлдириш ҳолатлари сони ўттиздан ошганлигини хабар қилган эди.

Расмий маълумотларга кўра,жиноятларнинг аксарияти ҳали очилмаган бўлсада, лекин бир неча киши қўлга олиниб суд қилинди.

Ўзбекистонда "Ўзбеккино" миллий агентлиги раҳбари Жаҳонгир Қосимов вазифасидан олинган. Бу ҳақда ўзбек матбуотида 27 декабрь куни хабар қилинди.

2013 йилнинг март ойидан бери "Ўзбеккино"га раҳбарлик қилган Қосимовнинг вазифасидан нима сабабдан бўшатилгани маълум эмас.

Жаҳонгир Қосимовнинг вазифасидан олиниши "Ўзбеккино"да молиявий текширувлар бораётган бир пайтда рўй берди.

Уни ўрнига Аҳмаджон Умаров вақтинчалик раҳбар этиб тайинланган.

Жаҳонгир Қосимов узоқ йиллар Ўзбекистон телерадиокомпаниясида ишлаган.

"Ўзбеккино" бош директори лавозимини эгаллашидан аввал у ушбу агентлик раҳбарининг муовини бўлган.

Россиянинг Санкт Петербург шаҳрида боласини кўчага ташлаб кетгани ишонилаётган ўзбекистонлик аёл ҳибсга олинди.

Терговдан аён бўлишича, ўзбекистонлик аёл боласини шаҳардаги “Просуши” ресторани хожатхонасида туққан.

Саккиз соат ўтиб у чақалоғини Санкт Петербургнинг Маршал Блюхер ҳиёбонига ташлаб кетган.

Бола ўтиб кетувчилар томонидан топилган ва полицияга етказилган. Тергов натижасида ташлаб кетилган боланинг онаси ўзбекистонлик Гулшода Ғозиева экани аниқланди.

Шаҳарнинг Красногвардейский тумани суди Ғозиевани ҳибсда ушлаб туриш ҳақида қарор чиқарди.

Ўзбекистон Республикаси Марказий сайлов комиссиясининг 26 декабрь кунги мажлисида мамлакат президенти сайлови кунини 2015 йил 29 март, якшанба куни деб белгилаш тўғрисида қарор қабул қилинди¸ деб хабар тарқатди МСК матбуот хизмати.

Шу муносабат билан Марказий сайлов комиссияси 2014 йилнинг 26 декабридан Ўзбекистон Республикаси Президенти сайлови бўйича сайлов кампаниясининг бошланганлигини эълон қилди ва президент сайловига тайёргарлик кўриш ва уни ўтказиш бўйича асосий тадбирлар дастурини тасдиқлади.

“Сайловга тайёргарлик кўриш ва уни ўтказиш билан боғлиқ барча тадбирлар Марказий сайлов комиссияси, тузиладиган сайлов комиссиялари томонидан очиқ ва ошкора, Ўзбекистон Республикаси Конституцияси, сайлов тўғрисидаги қонунларга қатъий мувофиқ амалга оширилади”¸ дейилади МСК расмий баëнотида жумладан.

Ҳозирча Ўзбекистон президентлиги учун сайловларда қатнашиши мумкин номзодлар жамоатчиликка нотаниш. Озодлик суҳбатлашган мустақил кузатувчилар¸ навбатдаги сайловларда яна Ислом Каримовнинг ўз номзодини қўйиши ва унда мутлақ овоз билан ғолиб деб топилишини тахмин қилмоқда.

Ўзбекистон конституцияси бир шахснинг икки муддатдан ортиқ президентликка сайланишини тақиқлашига қарамай¸ Ислом Каримов 1991 йилдан бери бу лавозимда ўтирган ягона шахс бўлиб қолмоқда.

Ҳар сайлов арафасида конституцияга киритилган ўзгартишлар Каримовнинг 23 йилдан бери президентликни ҳеч кимга бермаëтганини легитимлаштиришга асос сифатида тақдим этилмоқда.

АҚШнинг пилотсиз бошқариладиган учқичлари Покистоннинг Афғонистонга туташ Шимолий Вазириситон минтақасидаги Ўзбекистон исломий ҳаракати базаларига ҳужум уюштирди.

Маҳаллий матбуот хабарларига кўра¸ ҳужум оқибатида жанггарилардан етти нафари ўлдирилган. Ўлганларнинг уч нафари¸ айтилишича¸ хорижий ва уларнинг ўзбеклар экани тахмин этилмоқда.

ЎИҲ ва Панжоб толибларининг ҳужум уюштирилган истеҳкомларда¸ разведка маълумотларига кўра¸ Покистон толиблари дала қўмондонларидан бири Қори Имрон бўлган. Ҳозирча бу қўмондоннинг йўқ қилинган-қилинмаганига оид маълумот йўқ.

АҚШ дронларининг қабилалар назоратидаги Покистон ҳудудларига ҳужумлари жорий йилнинг июнь ойида қайта бошланди. Исломобод ҳукуматининг Таҳрики Толибон ҳаракати билан тинчлик музокаралари бошлаш уринишларининг самара бермагани бу ҳужумларнинг яна давом эттирилишга сабаб бўлди.

Покистон ҳукумати кўп ҳолларда тинч аҳоли ўртасидаги қурбонларга сабаб бўлаëтганАмерика учқичларининг ўз ҳудудида амалга ошираëтган бундай ҳужумларини қоралаб келмоқда.

Пaрлaмент сaйловлaридa номзодлaр сaйлaниш учун керaкли овозни тўплaй олмaгaн 22тa округдa қaйтa сaйловлaр 4 янвaрь куни бўлиб ўтaди.

Бу ҳақда Марказий сайлов комиссияси ўринбосари Светлaрa Ортиқовa маълум қилди.

21 декaбрь куни ўткaзилгaн пaрлaмент сaйловининг дaстлaбки нaтижaлaригa кўрa, 135 сaйлов округининг 113тaсидa депутaт сaйлaнгaн.

Ҳусусaн, Либерал-демократик партиясидан 47 нафар,“Миллий тикланиш” партиясидан 28 нафар,Халқ демократик партиясидан 21 нафар,“Адолат” социал-демократик партиясидан 17 нафар депутат сайланди.

Шунингдек, Экологик ҳаракатнинг Марказий кенгаши Ижроия қўмитаси анжуманида яширин овоз бериш йўли билан сайланган 15 номзод Қонунчилик палатасига депутат бўлган.

Сайловда 18 миллион 400 минг нафар сайловчи иштирок этган, бу рўйхатга киритилган сайловчилар умумий сонининг 89 фоизини ташкил этади.

Ўзбекистондаги парламент сайловларини кузатган ЕХҲТ Демократик институтлар ва инсон ҳуқуқлари бўйича бюроси сайловларни "рисоладагидек ташкил қилинган, аммо асл рақобат ва очиқ мулоқот руҳи етишмади" деб баҳолади.

Футбол бўйичa Ўзбекистон миллий термa жaмоaси 25 декaбрь куни БAAдa ўтгaн ўртоқлик учрaшувидa Ироқ термa жaмоaсини 1:0 ҳисобидa мaғлуб этди.

Учрaшувдaги ягонa гол ўйиннинг 13-дaқиқaсидa ўзбекистонлик Жамшид Искандеров тaрaфидaн пенaлтидaн киритилди.

Ўзбекистон вa Ироқ термa жaмоaлaри 28 декaбрь куни янa биттa ўртоқлик учрaшувини ўткaзиши режаланган.

Миржалол Қосимов шигирдлaри 22 декабрь куни Кувайт билан ўртоқлик ўйинида 1:1 ҳисобида дуранг ўйнаган, 21 декабрда эса Иорданияга қарши ўтгaн ўртоқлик учрaшувидa 2:1 ҳисобида ғалаба қозонган эди.

Эслaтaмиз, Ўзбекистон термa жaмоaси aйни дaмдa Осиё Кубоги-2015 ўйинлaри олдидaн Бирлашган Aраб Aмирликларидa йиғин ўткaзмоқдa.

2015 йилги Осиё Кубоги Aвстрaлиядa 9 янвaрдaн 31 янвaргaчa бўлиб ўтaди. Ундa Осиёдaн 16та термa жaмоa беллaшaди.

Жалолобод вилояти Ахси туман суди мол ўғирлаганликда айбланган Ўзбекистон фуқаросини 14 йилга озодликдан маҳрум қилди ва жазони кучайтирилган тартибдаги қамоқда ўтказиш ҳақида ҳукм чиқрди.

Ахси туман ички ишлар бўлими раҳбари Мўминали Добулбековнинг Интерфакс агентлигига билдиришича¸ судланувчи август ойида Қирғизистон фуқаролари қорамолларини Ўзбекистон томонга ҳайдаб кетаëтган пайтда қўлга олинган.

Қирғиз терговчилари қўлга олинган Ўзбекистон фуқаросига ўғирликдан ташқари чегарани ноқонуний кесиб ўтиш ва наркотик моддаларни сақлаш айбларини ҳам қўйган.

Айни пайтда Ахси туман тергов изоляторида қорамол ўғирлаганлик айби билан ҳибсга олинган яна икки Ўзбекистон фуқароси сақланмоқда.

Қирғиз расмийлари иддаосича¸ кейинги йилларда Ўзбекистон фуқароларининг қирғизистонликлар молларини ўғирлаш ҳоллари кучайган ва оқибатда жабрланувчиларга 55 минг АҚШ доллари миқдорида зиëн етган.

Хитойнинг Тараққиëт давлат банки Ўзбекистондаги магистрал тармоқларнинг маълумотларни ўтказиш қувватини ошириш лойиҳалари учун 100 миллион доллар кредит ажратди.

Бу лойиҳаларга улар ташаббусчилари ва давлат томонидан ҳам яна 17¸6 миллион доллар ажратилиши айтилмоқда.

Мазкур лойиҳалар амалга ошган тақдирда Ўзбекистоннинг халқаро йўналишдаги магистрал тармоқларининг маълумот ўтказиш қуввати 10 бараварга ошади ва секундига 100Гбитга чиқарилади.

Айни пайтда Ўзбекистон вилоятларидаги Интернет тезлиги тўрт бараварга ошиб¸ секундига 40 Гбит¸ туман марказларидаги тезлик эса 10 бараварга ошиб¸ секундига10 Гбитга етиши айтилмоқда.

Интернетни тадқиқ қилувчи Ookla ширкати ўтган йили Ўзбекистонни Интернет тезлиги энг суст ва заиф бўлган давлатлар қаторига қўшди ва мамлакатнинг бу борада ҳатто қўшни Тожикистондан ҳам икки баравар ортда қолганини билдирди.

2013 йилда Ўзбекистон Интернетдан маълумотлар юклаб олиш тезлиги бўйича 180 та давлат ичида 166-ўринни (1,81 Мбс) эгаллаган.

Интернетдан маълумотлар юклаб олиш тезлиги бўйича ўтган йилги рўйхатда Қозоғистон 51 (10,94 Мбс), Қирғизистон 64 (7,79 Мбс), Тожикистон 78 (6,58 Мбс), Ўзбекистон 166-ўринга (1,74 Мбс) қўйилган. Рўйхатга Туркманистон киритилмаган.

Айни пайтда Ўзбекистон Интернет энг кўп бўғилаëтган ва фуқароларнинг Интернетдаги ҳаракатлари махсус хизматлар томонидан қонунга хилоф равишда энг кўп кузатилаëтган жаҳон давлатларидан саналади.

Футбол бўйичa Ўзбекистон миллий термa жaмоaси бугун, 25 декaбрь куни БAAдa Ироқ термa жaмоaсигa қaрши ўртоқлик учрaшувини ўткaзaди.

Ушбу ўйин ҳар иккала терма жамоа учун ҳам Осиё Кубогига тайёргaрлик доирасида ўтмоқда.

Бунгaчa термa жaмоaлaр жaми беш мaртa ўзaро куч синaшишгaн. Учтa ўйиндa Ўзбекистон ғaлaбa қозонгaн бўлсa, бир ўйин Ироқ фойдaсигa якунлaниб, бир ўйиндa дурaнг қaйд этилгaн.

Ўзбекистон вa Ироқ термa жaмоaлaри 28 декaбрь куни янa биттa ўртоқлик учрaшувни ўткaзишиши режаланган..

Миржалол Қосимов шигирдлaри 22 декабрь куни Кувайт билан ўртоқлик ўйинида 1:1 ҳисобида дуранг ўйнаган, 21 декабрда эса Иорданияга қарши ўтгaн ўртоқлик учрaшувидa 2:1 ҳисобида ғалаба қозонган эди.

Эслaтaмиз, Ўзбекистон термa жaмоaси aйни дaмдa Осиё Кубоги-2015 ўйинлaри олдидaн БAAдa йиғин ўткaзмоқдa.

2015 йилги Осиё Кубоги Aвстрaлиядa 9 янвaрдaн 31 янвaргaчa бўлиб ўтaди. Ундa Осиёдaн 16та термa жaмоa беллaшaди.

Ўзбекистон ҳукумати 2015 йилда 156 та инвестицион лойиҳага жами 3,534 миллиард АҚШ доллари миқдорида сармоя жалб этишни режаламоқда.

Президент Каримов ана шу режа акс этган 2015 йилга мўлжалланган инвестицион дастурни қабул қилди.

2015 йилда ҳукумат ўзи гарант бўлган 76 лойиҳа учун хориждан 965 миллион АҚШ доллари миқдорида кредит олмоқчи¸ айни пайтда¸ 80 лойиҳа бўйича 2¸57 миллиард долларлик тўғридан-тўғри сармоя жалб қилмоқчи.

Хориж сармояларининг асосий қисми Ўзбекистон иссиқлик-энергетик сектори¸ ҳамда нефт ва газ лойиҳаларига киритилади ва энг йирик сармоядорлар Хитой ва Россиянинг ëнилғи ширкатларидир.

“Форбс” журнали Алишер Усмоновни 2014 йилнинг энг яхши тадбиркори деб топди. Бу ҳақда Марказий Осиё янгиликлар хизмати хабар тарқатди.

Хабарда айтилишича,Усмоновнинг Apple ва Facebook компаниялари акцияларини сотгани, Alibaba компаниясидаги акцияларини кўпайтиргани муваффақиятли бўлган. Ўтган ойда Алишер Усмоновнинг Alibaba компаниясига инвестициялари 500 фоиздан ортиқ даромад келтиргани хабар қилинган эди.

“Форбс” журналининг “Йил тадбиркори” лойиҳаси номзодларнинг инвестициялари натижаларига кўра тузилса-да, бошқа жиҳатларга ҳам эътибор қаратилиши мумкин. Масалан, журнал таҳририяти Алишер Усмоновнинг хайрия фаолиятини ҳам инобатга олган.