Линклар

Шошилинч хабар
23 август 2019, Тошкент вақти: 23:47

Ўзбекистон

Марказий банк VISAга оид хабарларни шарҳлар экан, асосий масалага тўхталмади

Ўзбекистон Республикаси Марказий банки мамлакатдаги банклар томонидан чет эл валютасини расмий курс бўйича сотиш режими кучайтирилаётгани тўғрисидаги хабарларни 29 декабрда инкор этди, деб хабар қилди ca-news агентлиги.

Марказий банкка кўра, бу соҳада қонунларга қандайдир ўзгартишлар киритилиши режалаштирилмаган.

Марказий банкнинг бу баёноти айрим оммавий ахборот воситаларида пайдо бўлган хабарларга жавоб эканлиги айтилди.

Ўзбекистондаги айрим тижорат банклари мижозлар хорижга чиққанда ​фойдаланаладиган ​халқаро VISA пластик картаси беришни вақтинча тўхтатгани, банк мулозимлари бунинг сабабини валюта захирасининг камайганлиги билан изоҳлаётгани тўғрисида 29 декабрь куни Озодлик хабар қилган эди.

Унда валюта айирбошлашни тартибга солувчи қонунларга ўзгартиш киритилгани ёки киритилаётгани тўғрисида сўз йўқ, мижозларга VISA карталарини бериш тўхтатилганини банкларда чет эл валютаси камлиги ёки йўқлиги билан изоҳланаётгани тўғрисида хабар қилинган эди.

Масалан, “Капиталбанк” акциядорлик тижорат банкининг ўзини таништирмаган мулозими Озодлик билан суҳбатда ҳақиқатан ҳам мижозларга халқаро VISA карталари бериш тўхтатилганини тасдиқлар экан, бундай деган эди:

“Ҳақиқатан ҳам конверсион карталар ҳозир мижозларга очилмаяпти. Валюта балансимиз минусда бўлганлиги учун халқаро VISA картаси беришни вақтинча тўхтатдик. Мижозларга январь ойининг иккинчи ярмидан кейин хабар олинг, деяпмиз”, деди банк мулозими.

“Ўзбекэнерго” Тўрақўрғон ИЭС қурилиши учун тендер эълон қилди

“Ўзбекэнерго” ҳиссадорлик ширкати 29 декабрда Намангандаги Тўрақўрғон иссиқлик электр станциясининг икки энергоблоки қурилиши юзасидан тендер эълон қилди.

Ширкат бундан 1 ой муқаддам тендер натижалари 2016 йилнинг май – июнь ойларида эълон қилинажаги, 2016 йилнинг иккинчи ярмидан эса лойиҳани амалга ошириш ишлари бошланажаги тўғрисида хабар қилган эди.

Тўрақўрғон иссиққлик электр станциясини барпо этиш юзасидан қурилиш ишлари 2013 йил августида бошланган эди. Мазкур иншоотнинг лойиҳавий қуввати 900 МВтни ташкил қилади ва йилига 7 миллиард кВт соат электр энергияси ишлаб чиқаради.

Тўрақўрғон иссиқлик электр станциясининг биринчи энергоблоки 2018 йилда, иккинчи энергоблок 2019 йилда ишга туширилиши режалаштирилган.

Лойиҳанинг қиймати 1 миллиард 100 миллион доллардир. Бу маблағнинг 704 миллион доллари Япония халқаро ҳамкорлик агентлиги, 300 миллион доллари эса Ўзбекистон қайта қуриш ва тараққиёт жамғармаси томонидан берилмоқда.

Бугунги кунда Ўзбекистонда умумий қуввати 12,4 минг МВтга тенг бўлган 45 та электр станцияси бор.

Энергия, хусусан электр энергияси тақчиллиги кейинги йилларда Ўзбекистонда сурункали характер касб этган.

Ўзбекистонда жамоат жойларида ароқ ичганлар 15 суткага қамалиши мумкин

30 декабрдан бошлаб Ўзбекистонда жамоат жойларида алкоголли ичимликлар истеъмоли учун солинадиган жарима миқдори оширилди.

Иш жойлари, кўча, стадион, хиёбон, паркларда, барча турдаги жамоат транспортида ҳамда бошқа жамоат жойларида спиртли ичимлик ичганларга энг кам иш ҳақининг ярми миқдорида – 65120 сўм жарима солинади.

Бу ҳақда хабар қилган gazeta.uzга кўра, агар бу тартиббузарлик жарима солинганидан сўнг бир йил давомида такрорланса, энг кам иш ҳақининг 2 дан 1 идан 2 миқдоригача жарима солинади ёки 15 суткагача маъмурий ҳибс билан жазоланади.

Алкоголли ичимлик ичишга тўй ва юбилей тадбирларида ҳамда спиртли ичимликларни қуйиб сотишга рухсати бор савдо ва умумий овқатланиш муассасаларида рухсат берилади.

Ўзбекистонда жамоат жойларида тамаки чекканлар жаримага тортилади

Ўзбекистонда жамоат жойларида тамаки маҳсулотлари истеъмол қилганларга бугун – 30 декабрдан бошлаб энг кам иш ҳақининг учдан бири – яъни 43 минг сўм миқдорида жарима солинади.

Ўзбекистонда тамаки чекишга оид биринчи марта жорий этилаётган бу жазо чораси Маъмурий жавобгарлик тўғрисидаги кодексга киритилди ва уни президент Каримов 29 декабрда имзолади. Ҳужжат 30 декабрь куни кучга кирди.

Янги қоидага биноан иш жойларида, соғлиқни сақлаш, таълим ва соғломлаштириш муассасаларида, ёнғин хавфи кучли жойлар, жумладан автомобилларга ёнилғи қуйиш шоҳобчаларида ва бошқа жамоат жойларида тамаки чекиш мумкин эмас.

Тамаки чекишга ажратилган махсус жойлардагина рухсат берилади.

Янги қоида нос чекишга нисбатан ҳам жорий этилгани хабар қилинди.

Бу ҳақда хабар қилган gazeta.uzга кўра, жамоат жойларида тамаки чекишни тақиқлаш тўғрисидаги қонун 2012 йили қабул қилинган, лекин у ҳужжатда жазо чоралари белгилаб қўйилмагани учун қонун ишламаётган эди.

Қаршида милиция ходимлари узоқ муддатларга қамалди

Ўзбекистон милицияси ходимлари (сурат дагиларнинг хабарда келтирилган воқеага алоқаси йўқ).

Қаршида 13 нафар милиция ходими пора олиш, қийноқ ва асоссиз равишда ҳибсда ушлаб туриш каби 11 жиноятда айбдор деб топилиб, узоқ йиллик қамоқ муддатларига ҳукм қилинди.

Озодлик радиоси мобил мухбирларининг хабар беришича, Қарши шаҳар Ички ишлар бошқармаси жиноят қидирув бўлими ходимларига нисбатан ҳукм 25 декабрь куни Қашқадарё вилоят Муборак туман суди томонидан ўқилган.

Милиция ходимлари қилган жиноятларининг оғирлигига қараб, 2,5 йилдан 11 йилгача озодликдан маҳрум этилган. Милиционерларга нисбатан суд жараёни ёпиқ эшиклар ортида ўтказилган.

Озодлик Қаршида милиция ходимиларига нисбатан жиноят ишлари очилгани ҳақида 4 ноябрь куни Ўзбекистондаги ҳуқуқ тартибот органларидаги манбаларига таяниб хабар берган эди.

Ўзбекистонда минимал солиқ миқдори 1 фоизга камайтирилди

Ўзбекистонда 2016 йил 1 январидан бошлаб жисмоний шахслардан олинадиган минимал солиқ миқдори 1 фоизга камайтирилди.

Norma.uz нашрининг хабар беришича, минимал иш ҳақининг 1дан 5 даражасигача бўлган миқдорида даромадга эга шахслардан олинадиган минимал солиқ миқдори 7,5 фоиз қилиб белгиланди. Аввал бу кўрсаткич 8,5 фоиз даражасида эди. Ўртача даромадга эга шахслардан олинадиган солиқ миқдори эса аввалги 6,2 фоиз ўрнига 5,5 фоиз қилиб белгиланди.

Хабарда айтилишича, солиқ миқдорининг озайтирилиши ортидан аҳолининг даромдалари 230 миллиард сўмга кўпаяди.

Айни пайтда Ўзбекистонда 2016 йил 1 январидан бошлаб бензин нархи ўртача 45 сўмга, мобил алоқа хизмати 750 сўмга қимматлаши эълон қилинган.

Ўзбекистонда ҲЖларга хориж сармояларини жалб қилиш мажбурияти юкланди

Ўзбекистонда хорижий сармоядорларнинг улушига эга бўлмаган ҳиссадорлик жамиятлари 2016 йилнинг 1 июлигача камида 15 фоиз хорижий сармояга эга бўлиши лозим.

Ўзбекистон президенти томонидан 21 декабрда имзоланган “Ҳиссадорлик жамиятларига хорижий сармоядорларни жалб этишнинг қўшимча чора-тадбирлари тўғрисида”ги Фармонда ҳиссадорлик жамиятларига мана шундай мажбурият юкланди.

Review.uz нашрининг 29 декабрда хабар беришича, бу талабни бажармаган ҳиссадорлик жамиятлари хўжалик юритишнинг бошқа ҳуқуқий – ташкилий формасига ўтишлари лозим бўлади.

Хабарда айтилишича, 2015 йил 25 декабрь ҳолатига кўра, Ўзбекистонда 717 ҳиссадорлик жамияти мавжуд.Уларнинг умумий низом капитали 16,38 триллион сўмни ташкил қилади. Ҳиссадорлик жамиятлари муомалага 2,31 триллион акция чиқарган.

Ўзбекистонда янги йилдан мобил алоқа хизматлари қимматлайди

2015 йилнинг 1 январидан бошлаб абонент номерларидан фойдаланганлик учун мобил алоқа компаниялари оладиган ҳақ икки баробарга ортиши мамлакат президенти қарорида белгилаб қўйилди.

Бу ҳақда хабар қилган норма.узга кўра, натижада мобил алоқа хизматлари абонентлар учун 6,3 фоизга ортади.

Абонент номеридан фойдаланганлик учун ҳар ойда олинадиган ҳақ ҳозирги 750 сўмдан 1500 сўмга кўтарилади.

Айтилишича, абонент номери учун олинадиган ҳақнинг 80 фоизи давлат бюджетига, қолгани Ахборот технологиялари ва коммуникацияларини ривожлантириш вазирлигининг махсус ҳисобига тушади.

1 январдан бошлаб 1 абонент учун мобил алоқа хизматининг ўртача нархи ҳозирги 11 757 сўмдан 12 507 сўмга, яъни 6,3 фоизга кўтарилади.

Ўзбекистонда Янги йилдан бензин қимматлайди

Президент Ислом Каримов имзолаган қарорга мувофиқ 2016 йилнинг 1 январидан бошлаб ёнилғи нархлари кўтарилиши автомобиль ёнилғиси истеъмоли учун жисмоний шахслардан олинадиган солиқ миқдори ошиши билан боғлиқдир.

1 январдан бошлаб 1 литр бензин учун солиқ миқдори 45 сўмга (ҳозирги 290 сўм ўрнига 335 сўм) 1 литр суюлтирилган газ учун 30 сўмга (200 < 230), ва қисилган газ учун 35 сўмга (240 < 275) ортади.

Бу ҳақда хабар қилган норма.уз сайтига кўра, шу кунда Ўзбекистонда Аи-80 бензинининг 1 литри 2030 сўм, Аи-91 – 2235 cўм, Аи-95 2460 сўм, дизель ёнилғисининг 1 литри 2200 сўмдир.

Мамлакат бўйлаб, ҳатто пойтахтда ҳам ёнилғи тақчиллиги сурункали характер касб этган.

Россияда жазо ўтаган фуқаросини Ўзбекистон қабул қилмади

Одам ўлимига сабаб бўлган оғир тан жароҳати етказгани учун Сибирда жазо ўтаган ва Россиядан чиқариб юборилган фуқаросини Ўзбекистон қабул қилмади.

Бу ҳақда mediakuzbass.ru сайти Россия Федерал миграция хизматининг Кемерево область бошқармасидан олинган маълумотга таяниб хабар қилди.

Тилга олинган бошқарма расмий вакили Евгений Невзоровга кўра, ўзбекистонлик Кузбассда жазо ўтаган ва жорий йил августида озодликка чиққан.

Мазкур шахснинг 2023 йил августигача Россия Федерацияси ҳудудида қолиши номақбул эканлиги тўғрисида Адлия вазирлиги қарор чиқарган ва уни Ўзбекистонга депортация қилмоқчи бўлганлар.

Шу мақсадда Ўзбекистон консулхонасига тегишли ҳужжатлар юборилган, лекин Ўзбекистон ҳокимияти вакиллари депортация қилинажак шахснинг фуқаролиги йўқлиги тўғрисида баёнот бериб, уни қабул қилишдан бош тортган.

Шу муносабат билан миграция хизмати шахсга нисбатан реадмиссия чорасини қўллаган, яъни уни Россияга қайси давлат ҳудудидан кириб келган бўлса, ўша давлат ҳудудига чиқариб юборган.

mediakuzbass.ru сайтининг ўз манбаси айтганларига таяниб ёзишича, бу жорий йилдаги учинчи реадмиссия ҳолати бўлиб, давлатнинг депортантни ўз фуқароси сифатида қабул қилмагани - биринчи ҳолатдир.

mediakuzbass.ru реадмиссия қилинган ўзбекнинг исм-фамилияси ва унинг шахсига оид бошқа маълумотларни келтирмади.

Samarqand Darvoza: Портлаш ҳақида миш-миш тарқатганлар қидирилмоқда

Ўзбекистон пойтахтидаги Samarqand Darvoza савдо маркази олдида портлаш бўлгани тўғрисидаги хабар ёлғон экани, миш-мишни тарқатганлар қидирилаётгани тўғрисида тилга олинган марказ маъмурияти вакилига таяниб, маҳаллий нашрлар хабар қилди.

“Ҳозир ижтимоий тармоқларда, шунингдек, Telegram каналларида Samarqand Darvozaга ҳужум қилингани тўғрисида бўҳтон тарқатилмоқда. Бу ёлғон! Айбдорларни излаш бошлаб юборилган ва улар республикамиз қонунларига биноан қаттиқ жазоланади”, деган Samarqand Darvoza савдо маркази маъмурияти вакили.

Ижтимоий тармоқларда Samarqand Darvoza савдо маркази олдида гўёки автомашина портлагани, қурбонлар борлиги тўғрисида хабар тарқатилган ва унга сурат ҳам илова қилинган эди.

Podrobno.uz сайтига кўра, суратда айнан шу марказ олдида 2014 йил 29 ноябрида содир бўлган воқеа акс этган бўлиб, ўшанда “Жигули” автомашинаси ёниб кетган эди.

Ўзбекистон билан Россия ўртасидаги мол айланмаси қарийб 30 фоизга қисқарди

Россиянинг Ўзбекистондаги элчиси Владимир Тюрденев.

Жорий йилнинг ўтган 9 ойи ичида Ўзбекистон ва Россия ўртасидаги мол айланмаси 29,2 фоизга қисқариб, 2 миллиард 140 миллион долларни ташкил қилди. Бу ҳақда Россиянинг Ўзбекистондаги элчиси Владимир Тюрденев билдирди.

Элчига кўра, бу пасайишга аввало Россия валютаси бўлмиш рублнинг қадрсизланиши сабаб бўлган.

“Бу тенденцияга қарамасдан, Ўзбекистон Россия учун Марказий Осиё мамлакатлари орасида асосий ҳамкорлардан бири бўлишда давом этмоқда”, деди Владимир Тюрденев.

Янги йилдан Ўзбекистон тижорат банкларининг айримлари нақдсиз валюта сотишни тўхтатиши айтилмоқда

Ўзбекистондаги тижорат банкларининг айримлари 2016 йил 1 январидан бошлаб хориж валютасини нақдсиз сотиш устидан назоратни кучайтиради. Қатор банклар конверсион пластик карталарни беришни тўхтатиши ҳақида РИА Новости агентлиги хабар қилмоқда.

Ўзбекистонда валютани эркин сотиб олиш имкони бўлмагани боис, хорижга сафар қилаётган фуқаролар тижорат банкларида банк тўлов карталарини очиб, икки минг АҚШ долларигача миқдорда нақдсиз валюта сотиб олиш имконига эга эди. Айтилишича, янги йилдан айрим банклар ана шу хизматни кўрсатишдан воз кечади.

РИА Новости агентлигининг Ўзбекистон Марказий банкидаги манбаси “2016 йилдан тижорат банкларига конверсион карталар бўйича хизмат кўрсатишни тўхтатиш тавсия этилди”, дея билдирган.

Айтилишича мазкур чора Ўзбекистонда валюта тушимининг камайиб кетгани билан изоҳланмоқда.

Россияда юзага келган иқтисодий бўҳрон оқибатида ўзбекистонлик меҳнат муҳожирлари Ўзбекистонга юбораётган валюта миқдори кескин камайб кетган.

Россия фуқаролигини олиш истагида бўлган ўзбекистонликлар сони ошмоқда

2015 йилда 20 мингга яқин Ўзбекистон фуқароси Россия фуқаролигини олиш истагини билдирган. Россиянинг Ўзбекистондаги элчиси Владимир Тюрденёвнинг Sputnik нашрига билдиришича, “Ватадоншларни Россияга кўчириш дастурида” иштрок этган ўзбекистонликлар сони шунчани ташкил этган.

“2015 йилда Россия элчихонасига кўчириш давлат дастурида иштирок этиш тўғрисида 8,3 минг ариза келиб тушган. Потенциал кўчирилувчилар, жумладан уларнинг оила аъзолари қўшиб саналганда 20 мингга яқин одамни ташкил этган”, дея иқтибос келтирди нашр элчи сўзларидан.

Унинг билдиришича, “ўзбекистонлик ватандошлар” учун 2016 йилда Калуга, Воронеж, Липецк, Калининград ва Тула вилоятлари кўчиш учун энг жозибадор минтақалар бўлиб қолади.

Тюрденёв “ҳеч кимни кўчишга тарғиб этмаётганимиз ва баландпарвоз ваъадалар билан жалб этмаётганимизни алоҳида қайд этмоқчиман”, дея таъкидлади.

Шунга қарамасдан, сўнгги йилларда Россияга кўчиб кетмоқчи бўлган Ўзбекистон фуқаролари, жумладан ўзбек миллатига мансуб оилалар сони ошаётгани кузатилмоқда.

Собиқ СССР фуқароларининг Россияга кўчишини тарғиб этиш дастури 2006 йилда Россия президенти фармонига кўра жорий этилган.

Бош прокуратура Тошкентда хусусийлаштирилган квартираларни текширмоқда

Қайд этилишича, текширувлар асосан ҳокимият ходимларига тааллуқли бўлмоқда.

Тошкентда сўнгги 15 йил давомида хусусийлаштирилган квартира ва умумий ётоқхоналар прокуратура томонидан текширилмоқда. Podrobno.uz нашри Ўзбекистон бош прокуратурасидаги манбага таяниб, бераётган хабарга кўра, ўндан ортиқ махсус гуруҳ куну-тун турар жойларни хусусийлаштириш жараёни қанчалик қонуний бўлганини текширмоқда.

“Ҳозирда ўндан ошиқ ишчи гуруҳ ишламоқда. Чунки иш ҳажми жуда катта, бўлмаса улгурмаймиз. Ҳатто вилоятлардан ҳам ёрдамга ходимларни жўнатишган”, дея иқтибос келтирмоқда нашр прокуратура ходими сўзларидан.

Бош прокуратура олдида ноқонуний хусусийлаштириш ҳолатларини аниқлаш вазифаси қўйилган, ҳозирча мулк эгалари чақиртирилиб, суҳбатдан ўтказилмоқда.

Кўчмас мулк ноқоуний тарзда хусусийлаштирилгани аниқланадиган ҳолда мулкдорлар давлатга келтирилган зарарни бозор нархида тўлаши ёхуд мулкни қайтариб бериши лозим бўлади.

Қайд этилишича, текширувлар асосан ҳокимият ходимларига тааллуқли бўлмоқда.

Ўзбекистон ва Россия меҳнат муҳожирларига доир келишув имзолаши мумкин

Россияда расман икки миллионга яқин ўзбек мардикори рўйхатга олинган

Россия ва Ўзбекистон меҳнат муҳожирларига доир келишув устида ишламоқда. Ишлаб чиқилаётган ҳукуматлараро келишувда Ўзбекистон фуқароларининг Россия ҳудудида вақтинча меҳнат фаолияти билан шуғулланишини тартибли ташкил этиш ҳақида гап бориши айтилмоқда.

Бу ҳақда easttime.ru нашри Россиянинг Ўзбекистондаги элчиси Владимир Тюрденёвга таяниб, хабар қилмоқда. “Мазкур келишув бизнинг мамлакатимизда меҳнат қилиш истагида бўлган Ўзбекистон фуқароларининг келишини тартибга солиш имконини беради”, дея иқтибос келтирди нашр элчининг сўзларидан.

Элчининг таъкидлашича, Россиянинг миграцияга доир қонунчилиги мунтазам такомиллаштирилиб бормоқда.

Россияда расман икки миллионга яқин ўзбекистонлик меҳнат муҳожири рўйхатга олинган. Лекин мустақил манбалар ўзбек мардикорлари сони беш миллионга яқин эканини тахмин қилади.

Шу билан бирга Россияда иқтисодий инқироз вужудга келиши меҳнат муҳожирлари сони камаяётганига сабаб бўлаётгани ҳам айтилади.

Равшан Эрматов жаҳоннинг энг яхши футбол арбитри деб эълон қилинди

Равшан Эрматов (марказда) жаҳон чемпионатида ҳакамлик қилганидан сўнг Тошкентга қайтиб келган пайтда олинган сурат.

Ўзбекистонлик футбол рефериси Равшан Эрматов футбол ассосиацияларининг Бирлашган Араб амирликларида ўтган анжуманида йилнинг энг яхши арбитри сифатида Globe Soccer Awards мукофоти билан тақдирланди.

Европа клублари ассосиациясининг мазкур мукофотига 38 ёшли Равшан Эрматовдан ташқари Жюнейт Чакир, Вильмар Рольдан, Хоэль Агиляр, Бакари Папа Гассама ва Норберт Хауата номзодлари ҳам кўрсатилган эди.

Дубайда 27 декабрь куни ўтган мукофотни топшириш маросимида мукофот совриндори сифатида Равшан Эрматовнинг номи эълон қилинди

Маросимда йилнинг энг яхши футболчиси мукофоти “Барселона” клуби ўйинчиси Лионел Мессига топширилди. “Барселона” клуби эса йилнинг энг яхши командаси, деб эълон қилинди.

“Ravon Matiz” Россиянинг энг арзон машинаси аталди

Matiz автомашинаси.

Россияда 2015 йилдаги энг арзон машиналар ўнлигининг биринчи поғонасини Ўзбекистонда ишлаб чиқарилган “Ravon Matiz” эгаллади. “Российская газета” нашрининг билдиришича, “Ravon Matiz” 314 минг рублдан сотилган.

Ўзбекистонда ишлаб чиқарилаётган “Matiz” автомашиналари шу йилнинг кузидан бошлаб Россияда “Ravon” бренди остида сотила бошланган эди.

Ўзбекистоннинг ўзида эса автомашиналар нархи 15 декабрдан 37 фоизга оширилган. Нархлар оширилганидан сўнг “Matiz” Ўзбекистонда миллий валюта ҳисобида 32 миллион сўмдан 33.5 миллион сўмгача бўлган нархда сотилмоқда.

“Российская газета”нинг ёзишича, 2016 йилнинг иккинчи ярмидан бошлаб “Ravon Matiz” нархи Россияда ҳам кўтарилиши мумкин.

"Ўзбекистон ҳаво йўллари" онлайн авиачипта сотишни йўлга қўймоқда

"Ўзбекистон ҳаво йўллари" учоғи

“Ўзбекистон ҳаво йўллари” авиакомпанияси Ўзбекистон ичкарисида парвозлар учун онлайн тартибда авиачипта сотиш ва жойни брон қилиш хизматини йўлга қўймоқда.

Gazeta.uz сайти хабарига кўра, онлайн чипта сотиш хизмати 2016 йилнинг 5 январидан йўлга қўйилади.

Йўловчилар чипталарни интернетда сотиб олиш учун ҳаво йўлларининг веб саҳифасига мурожаат қилиш лозим бўлади.

Тўловлар пластик картаси билан амалга оширилиши айтилмоқда.

Янги тартибга кўра, авиачиптани брон қилиш ва сотиб олиш парвоздан кечи билан уч соат олдин амалга оширилиши керак.

“Ўзбекистон ҳаво йўллари” мамлакатда ягона монополист авиакомпания ҳисобланади.

Москва ИДга қарши курашишда Тошкент билан алоқаларини кучайтирмоқда

Россиянинг Ўзбекистондаги элчиси Владимир Тюрденевнинг айтишича, Россия "Исломий давлат" гуруҳига қарши курашиш мақсадида Ўзбекистон билан алоқаларни кучайтирмоқда.

Бу ҳақда kun.uz веб саҳифаси маълум қилди.

2015 йилдаги Ўзбекистон-Россия муносабатлари якунларига бағишланган давра суҳбатида Россия элчиси мамлакати "Исломий давлат"га қарши курашишда "БМТ низоми қоидалари негизида ҳеч қандай сиёсийлашув ва шартларсиз кенг коалиция шакллантиришни ёқлаб чиқаётганини айтган.

“Яқин Шарқ ва Шимолий Африка ҳудудидан солинаётган террорчилик хавфини бартараф қилиш бугунги кунда ўта муҳим вазифа ҳисобланади. Бизнинг давлат учун Россияга қарши қаратилган террорчилик салоҳиятига қарши узоқ сарҳадларда курашиш муҳим вазифа ҳисобланади, ўзишга ишлаш керак”, Владимир Тюрденевдан иқтибос келтиради kun.uz.

Унга кўра, Владимир Тюрденев Россия ва Ўзбекистоннинг долзарб халқаро масалалар бўйича фикрлари мос тушиши ёки бир-бирига жуда яқин эканлигини таъкидлаб ўтган.

Ўзбекистонда "кучсиз, бироқ давомли" ер силкиниши кузатилди

Зилзила эпицентри

Ўзбекистон Фавқулодда вазиятлар вазирлигининг “Тошкент” сейсмостанциясига таяниб хабар беришича, шанбага ўтар кечаси Тошкентда “кучсиз, бироқ давомли — бир дақиқадан кўпроқ — зилзила сезилди”.

Вазирликка кўра, қисқа танаффусли иккита силкиниш юз берган.

“Тошкент” сейсмостанцияси маълумотларига кўра, ерости силкинишлари кучи Ўзбекистон пойтахтида 3 баллни, Фарғонада — 5 балл, Самарқандда — 3,5 балл, Жиззахда — 3 балл, Сурхондарё вилоятида — қарийб 3 баллни ташкил этган.

Зилзила маркази Афғонистоннинг Бадахшон вилояти бўлгани хабар қилинади. У ерда зилзила магнитудаси 6,3 га тенг бўлган. Ўзбекистонда талафотлар қайд этилмагани хабар қилинади.

Ўзбекистонда янги йилгача биометрик паспорт ололмаганлар жаримага тортилмайди

Ўзбекистоннинг янги биометрик паспорти

Ўзбекистон Республикаси Ички ишлар вазирлигининг Кириш ва чиқиш ҳамда фуқароликни расмийлаштириш бошқармасининг бошлиғи Бадриддин Шорихсиев 2015 йил охиригача биометрик паспорт олишга улгурмаган фуқаролар жаримага тортилмаслигини тасдиқлади.

Бадриддин Шорихсиев бу ҳақда Gazeta.uz веб саҳифаси билан бўлган суҳбат чоғида айтди.

“2015 йилнинг 31 декабридан кейин нобиометрик паспортни биометрик паспортга алмаштиришда, нобиометрик паспорт муддати ўтиб кетмаган тақдирда, жаримага тортилмайди,” – дея таъкидлади Бадриддин Шорихсиев.

Аввалроқ Озодлик Ўзбекистонда нобиометрик паспортларни биометрик паспортларига алмаштириш муддати 2,5 йилга узайтирилгани ҳақида хабар берганди.

Ўшанда Ички ишлар вазирлиги вакили Озодликка паспортларни алмаштириш жараёни 2018 йилнинг 1 июлига қадар давом этишини билдирган эди.

Ўзбек ва тожик дипломатлари 23 йилда илк бор сиёсий маслаҳатлашув ўтказди

Душанбедаги Тожикистон Ташқи ишлар вазирлиги биноси.

24 ва 25 декабрь кунлари Душанбе шаҳрида Ўзбекистон ва Тожикистон Ташқи ишлар вазирликларининг сиёсий маслаҳатлашувлари бўлиб ўтди.

Бу икки давлат дипломатик алоқа ўрнатган 1992 йилдан бери ўзбек-тожик дипломатлари ўртасида илк маротаба ўтказилган маслаҳатлашувдир.

Ўзбекистон Ташқи ишлар вазирлиги маълумотига кўра, тадбирда ўзаро муносабатларнинг бугунги аҳволи ва уни ривожлантириш бўйича истиқболлар муҳокама қилиниб, минтақавий ва ҳалқаро миқёсда долзарб бўлган муаммолар бўйича фикр алмашилган.

Gazeta.uz сайти ушбу учрашувда савдо-иқтисодий, транспорт-коммуникация, маданий- инсонпарварлик ва бошқа соҳалар бўйича ўзаро алоқаларни мустаҳкамлаш масалалари ҳам кўрилгани ҳақида ёзди.

Томонлар маданий-инсонпарварлик, илмий ва спорт соҳалари бўйича алоқаларни кенгайтиришга тайёрликларини билдиришган.

Икки давлат делегацияси ШҲТ доирасидаги муносабатларнинг истиқболлари бўйича фикр алмашишган. Тожик томони Ўзбекистоннинг ШҲТ салоҳияти мустаҳкамланиши йўлида олиб бораётган ишларини юксак баҳолашларини айтишган. Ўзбек томони эса Тожикистоннинг ушбу ташкилот доирасида Ўзбекистонни қўллаб-қувватлаётганига миннатдорчилик билдирган.

Даставвал икки мамлакат дипломатларининг сиёсий маслаҳатлашувлари 17-18 декабрь кунларига белгиланганди. Кейинроқ бу тадбир муддати кечиктирилди.

 Россияда ўзбекистонлик аёл ярим кило героин билан ушланди

Россиянинг Кострома вилояти полицияси ўзбекистонлик 38 яшар аёлни 500 граммдан зиёд наркотик модда билан қўлга олди.

CA-NEWS сайтининг полиция маълумотига таяниб ёзишича, ўзбекистонлик аёл гиёҳвандлик моддасини сотиш мақсадида сақлаган.

Дастлаб аёл ушланган пайти унинг ёнидан 50 граммга яқин героин топилган. Унинг Костромада ижарага олган квартирасида ўтказилган тинтув пайти яна 450 граммдан зиёд героин топилган.

Дастлабки тергов натижаларига кўра, ўзбекистонлик ушбу аёл наркотик сотиш орқали бир ойда 300 минг рубль (тахминан 4300 АҚШ доллари) фойда кўриб келганини тан олган.

Ҳозирда тергов-суриштирув ишлари давом этаяпти.

Қирғизистонда экстремистликда айбланган ўзбекистонликлар қўлга олинди

Қирғизистонда ўтказилган аксилтеррор амалиётларидан бирида олинган сурат.

Пайшанба куни Қирғизистоннинг Жалолобод вилоятида ўтказилган махсус амалиёт чоғида Ўзбекистон ва Қирғизистон фуқароларидан иборат диний-экстремистик гуруҳ қўлга олингани хабар қилинди.

Расмий маълумотларга қараганда, гуруҳ Ўзбекистоннинг икки, Қирғизистоннинг тўрт нафар фуқаросидан иборат бўлган. Гуруҳ аъзолари 22 декабрь куни Ўш шаҳри яқинидаги Қашқарқишлоқ қишлоғида 37 яшар Юнусжон Абдужалиловни отиб ўлдирганликда гумонланмоқада.

Ички ишлар расмийлари гуруҳ аъзоларининг исмларини тўлиқ очиқламаяпти. Озодлик радиосининг аниқлашича, қўлга олинган ўзбекистонликлардан бири 1985 йилда туғилган Н.У., бўлиб, у Самарқанд вилоятида яшаган. Қўлга олинган иккинчи ўзбекистонлик А.А,, бўлиб, у 1993 йилда туғилган ва Тошкент вилоятида яшаган.

Милиция маълумотига кўра, гумонланувчиларни қўлга олиш чоғида, уларнинг ёнидан ўқ дориси билан Макаров пистолети ва бошқа қуроллар, ниқоб, ДВД диск ҳамда флеш карталар топилган.

Давомини ўқинг

XS
SM
MD
LG