Линклар

Шошилинч хабар
20 август 2019, Тошкент вақти: 08:04

Халқаро янгиликлар

ЕИ Суди ХАМАСни террорчи ташкилотларнинг Европа рўйхатидан чиқарди

Европа Иттифоқи Суди Фаластиндаги ХАМАС гуруҳини террорчи ташкилотларнинг Европа рўйхатига қўшиш тўғрисидаги Европа Иттифоқи Кенгашининг 2001 йилдаги қарорини бекор қилди.

Бу ҳақдаги хабарномада айтилишича, Умумий юрисдикция суди ХАМАСнинг протестини кўриб чиққач, мазкур гуруҳни террорчи ташкилотлар рўйхатидан процедура сабабларига биноан, яъни у (гуруҳ) рўйхатга “малакали органлар ўрганиб чиққан ва тасдиқлаган қилмишлари учун эмас”, балки оммавий ахборот воситалари ҳамда Интернетдаги материаллар асосида киритилгани учун шундай қарор қабул қилган

ХАМАСнинг банк ҳисоблари уч ой давомида – суд қарори устидан протест киритиш муҳлати ўтгунча - музлатилган ҳолда қолади.

Айни пайтда чоршанба куни Европа Иттифоқи ХАМАСни террорчи гуруҳ, сифатида ҳисоблашда давом этажагини билдирди.

Европа Комиссияси расмий вакили Майя Коцьянчич Европа Иттифоқи Суди қарори юзасидан берган баёнотида мазкур қарорнинг мутлақ ҳуқуққа оид қарор эканлиги, Европа Иттифоқига аъзо давлатлар ҳукуматларининг сиёсий қарори эмаслиги тўғрисида гапирди. Коцьянчичга кўра, суд қарори устидан шикоят аризаси киритиш имкониятлари ўрганилмоқда.

ХАМАСни Канада, Исроил, Япония ва АҚШ террорчи ташкилотлар рўйхатига киритган. Австралия билан Буюк Британия мазкур гуруҳнинг ҳарбий қанотинигина террорчи ташкилотлар рўйхатига киритган.

Рубли қулашда давом этаётган Россия президенти ҳануз сукут сақламоқда

Владимир Путининг матбуот котибига кўра, Россия президенти рублнинг кескин қадрсизланиши ҳамда мамлакат иқтисодиётидаги вазият тўғрисида “махсус баёнот” бермайди.

Россиядаги ахборот воситаларининг Дмитирий Песковга таяниб ёзишича, Путин ҳукумат билан доимий мулоқотда, лекин қандайдир фавқулодда баёнот билан чиқишни режалаштираётгани йўқ.

Жорий ҳафта бошидаги 2 “қора” кун – “қора душанба” ва “қора сешанба”дан сўнг Москвадаги пул алмаштириш шахобчаларининг кўпчилигида доллар ва еврони сотиш тўхтатилди.

Валюта сотиш йирик банклар филиалларида ҳам, кичик банкларда ҳам тўхтаган.

Москва биржасида бугун эрталаб иш куни бошланиши биланоқ рубль яна кескин ташлаб, 1 АҚШ доллари 72,5 рублга, 1 евро 88,0 рублга баҳоланди.

16 декабрь куни 1 евро 100 рублга, 1 доллар 80 рублга чиққанидан сўнг кечқурунга бориб ортга қайтган эди.

Покистонда ўлим жазоси қайта тикланди

Пешавордаги мактабни ҳужумчи жанггарилардан тозалаш бўйича 8 соат давом этган амалиёт давомида 9 жанггари ўлдирилди.

Покистон бош вазири Навоз Шариф терроризм билан боғлиқ жиноятларларда айбланганларга нисбатан ўлим жазосига мораторийни бекор қилиш тўғрисидаги фармонни имзолади.

Бугун Пашавор шаҳрида мамлакат парламентининг барча фракциялари вакиллари олдида қилган чиқиши чоғида Шариф Покистон терроризмга қарши курашни давом эттираверажаги тўғрисида баёнот берди.

Пешовар шаҳридаги мактабга сешанба куни қилинган ҳужум чоғида камида 130 киши киши, жумладан, 124 бола нобуд бўлган. Бу ҳақда билдирган Покистон ҳарбийларига кўра, мактабни ҳужумчи жанггарилардан тозалаш бўйича 8 соат давом этган амалиётдан сўнг 9 жанггари ўлдирилган.

Сешанба куни Пешовардаги ҳарбий мактабга қилинган ҳужум учун масъулиятни “Таҳрики Толибон” гуруҳи ўз зиммасига олди. Гуруҳ матбуот котиби Муҳаммад Хуросоний бу ҳужум Покистон армиясининг Шимолий Вазиристондаги ҳаракатларига жавоб бўлганини айтди.

“Биз ҳужум учун ҳарбий мактабни танладик, чунки расмийлар бизнинг оилаларимиз ва аёлларимизни нишонга олаяпти”, деди Хуросоний.

Бугун Покистонда 3 кунлик мотам бошланди.

Москва саррофлари доллар ва евро сотишни тўхтатиб қўйди

Москвадаги пул алмаштириш шахобчаларининг кўпчилигида доллар ва еврони сотиш тўхтатилгани, бу ҳолат чет эл валютаси тақчиллиги билан изоҳланаётгани тўғрисида Новости агентлиги хабар қилди.

Валюта сотиш йирик банклар филиалларида ҳам, кичик банкларда ҳам тўхтаган.

Москва биржасида бугун эрталаб иш куни бошланиши биланоқ рубль яна кескин ташлаб, 1 АҚШ доллари 72,5 рублга, 1 евро 88,0 рублга баҳоланди.

16 декабрь куни 1 евро 100 рублга, 1 доллар 80 рублга чиққанидан сўнг кечқурунга бориб ортга қайтган эди.

Жаҳон лидерлари толибларнинг Пешовардаги мактабга қилган ҳужумини қораламоқда

Пешовардаги мактабга қилинган ва 130 ҳаётига зомин бўлган толиблар ҳужуми халқаро ҳамжамият ва жаҳондаги етакчи лидерлар томонидан кескин қораланди.

БМТ Бош котиби Бан Ки Мун содир бўлган воқеани “қўрқитиш ҳаракати ва айни пайтда ўтакетган қўрқоқлик”, деб атади.

АҚШ президенти Барак Обама ва Франция президенти Франсуа Олланд яна бир бор Покистонни экстремизм ва террорчиликка қарши курашда қўллашларини билдирдилар.

Афғонистон президенти Ашраф Ғани эса “айбсиз болаларни ўлдириш Ислом динига мутлақо зид” эканини таъкидлади.

Нобель тинчлик мукофоти лауреати, покистонлик ҳуқуқ фаоли Малала Юсуфзай содир бўлган воқеани “совуққонлик билан амалга оширилган мантиқсиз террорчилик хуружи”, дея баҳолади.

Amnesty International халқаро инсон ҳуқуқлари ташкилоти директор ўринбосари Дэвид Гриффитс эса болаларга қилинган ҳужумни ҳеч нарса билан оқлаб бўлмаслигини урғулади.

Бу орада Афғонистондаги Толибон ҳаракати ҳам покистонлик толиблар ҳаракатини қоралаб чиқди.

“Айбсиз одамлар, болалар ва аёлларни қасдан ўлдириш Ислом дини асосларига тамомила зид келади ва бу мезон ҳар бир исломий жамоат ва ҳукумат томонидан кўриб чиқилиши лозим”, дея иқтибос келтиради Толибон вакили Забиуллоҳ Мужоҳид сўзларидан Reuters ахборот агентлиги.

Россия миллий валютаси чўкишда давом этаяпти

Россия миллий валютаси сешанба куни рекорд даражада пастга шўнғиди. Кеча тушдан кейин Россияда 1 АҚШ доллари қиймати 80 рублдан, 1 евро қиймати эса 100 рублдан ошиб кетди.

Россия Марказий банкининг асосий устама фоиз миқдорини кескин тарзда ошириб, 17 фоиз қилиб белгилагани ҳам рубль қадрсизланишига ижобий таъсир қилолмади.

Кеча тунга бориб эса рубль бироз қаддини тиклаб олгандай бўлди. Сешанба якунида Россияда 1 АҚШ доллари курси 67 рубль 89 копейка, 1 евро курси эса 85 рубль 15 копейка бўлгани қайд этилди.

Мутахассислар буни бозорда нефть нархининг бироз кўтарилгани билан боғламоқдалар. Айни пайтда 17 декабрь куни рубль қиймати қандай бўлиши мумкинлиги ҳақида ҳеч ким аниқ гап айтолмаяпти.

Покистондаги ҳарбий мактабга ҳужум чоғида камида 130 киши ҳалок бўлди

Пешовар шаҳридаги мактабга қилинган ҳужум чоғида камида 130 киши киши, жумладан, 124 бола нобуд бўлган. Бу ҳақда билдирган Покистон ҳарбийларига кўра, мактабни ҳужумчи жанггарилардан тозалаш бўйича саккиз соат давом этган амалиётдан сўнг тўққиз нафар жанггари ўлдирилган.

Сешанба куни Пешовардаги ҳарбий мактабга қилинган ҳужум учун масъулиятни “Таҳрики Толибон” гуруҳи ўз зиммасига олди. Гуруҳ матбуот котиби Муҳаммад Хуросоний бу ҳужум Покистон армиясининг Шимолий Вазиристондаги ҳаракатларига жавоб бўлганини айтди.

“Биз ҳужум учун ҳарбий мактабни танладик, чунки расмийлар бизнинг оилаларимиз ва аёлларимизни нишонга олаяпти”, деди Хуросоний.

Воқеа гувоҳлари 16 декабрь куни эрталаб Пешовардаги ҳарбий мактабга бостириб кирган жанггарилар синфлардаги ўқувчи ва ўқитувчиларни палапартиш ўққа тутгани ҳақида гапирмоқдалар.

Обама Украинани дастаклашга оид қонунни ҳафта охиригача имзолаши мумкин

АҚШ президенти Барак Обама.

АҚШ президенти Барак Обама “Украинада озодликни қўллаш тўғрисида”ги янги қонунни жорий ҳафта охиригача имзолаши мумкин. Бу ҳақда 16 декабрь куни Оқ уй матбуот котиби Жош Эрнест билдирди.

13 декабрь куни АҚШ конгресси Россия мудофаа ва энергетика соҳаси, шу жумладан, қурол-аслаҳа сотадиган “Рособоронэкспорт” ширкатига қарши янги санкциялар жорий қилишга имкон берувчи қонун лойиҳасини қабул қилганди.

Қонун Украинага 350 миллион доллар миқдорида ёрдам бериш, шу жумладан, танкка қарши воситалар, ўқ-дори ва кузатув олиб бориш учун учувчисиз учқичлар етказиб беришга имкон яратади. Бунгача Оқ уй Киевнинг Украинага ҳарбий аслаҳалар етказиб бериш ҳақидаги илтимосларини рад қилиб келаётганди.

Оқ уй баёноти АҚШ Давлат котиби Жон Керрининг Россия сўнгги кунларда Украинадаги низо бўйича конструктив қадамларни қўяётганига оид сўзлари билан бир пайтда янгради.

Доллар -- 74 рубль, евро -- 93 рубль

Россия рубли 16 декабрь куни қулашда давом этди. Россия Марказий банки миллий валюта қадрсизланишини тўхтатиш уриниши ўлароқ, ярим кечасигача давом этган фавқулодда мажлисда асосий устама фоиз миқдорини кескин тарзда ошириб, 17 фоиз қилиб белгилади.

Шунга қарамасдан чоршанба куни эрталабдан рубльнинг асосий валюталарга нисбатан қадри 10 фоизга тушиб кетди.

Бугун тушдан кейин 1 АҚШ доллари 74 рубль, 1 евро эса 93 рубльдан сотилди.

Ўтган ҳафта охирида Марказий банкнинг устама фоизи 10,5 фоиз қилиб белгиланган эди, лекин 15 декабрь куни рубльнинг кескин шўнғиши ортидан бу кўрсаткич рекорд даражадаги 17 фоизга кўтарилди.

Россиянинг Украинадаги хатти-ҳаракатлари боис Ғарб жорий қилган санкциялар ва нефть нархининг тушиб кетиши Россия иқтисоди ва миллий валютаси путурини кетказмоқда.

Пешоварда мактабга ҳужум қилган Толибон 104 одам, жумладан 84 болани ўлдирди

Покистоннинг Пешовар шаҳрида жангариларнинг мактабга қилган ҳужуми оқибатида 104 киши, жумладан 84 нафар бола ўлдирилигани хабар қилинмоқда. Хайбар Пахтунгхва вилояти бош вазири Парвез Хаттакнинг маълум қилишича, Покистон Толибон ҳаракати масъулиятини ўз зиммасига олган ҳужум армияга қарашли мактабда эрталаб рўй берган.

Хаттак маҳаллий телеканалада қилган чиқишида “ҳарбий госпиталга 60 нафарга яқин, яна бир касалхонага 24 нафар жасад келтирилган”, дея маълум қилди.

Унинг айтишича, жароҳатланган болалар сони ҳалок бўлганлар билан тахминан бир хилдир.

Мактабнинг ўзини Ибод деб таништирган 10 синф ўқувчиси воқеага гувоҳ бўлгани, унинг кўз ўнгида ўнлаб синфдошларининг ўлдирилганини гапирди.

Ўзини Тахрики Толибон ҳаракати матбуот вакили Муҳаммад Хуросоний Озодликнинг Покистон хизматига телефон орқали боғланиб, ҳужум учун масъулиятни ҳаракат ўз зиммасига олиши, бу армиянинг Шимолий Вазиристондаги ҳаракатларига жавоб бўлганини иддао қилди.

Россия Марказий банки устама фоиз миқдорини 17 фоизгача оширди

Россия Марказий банки рублнинг қадрсизланишини секинлаштириш чораси ўлароқ устама фоиз миқдорини кескин даражада - 10,5 фоиздан 17 фоизгача оширди.

Банкнинг душaнбa куни кечқурун эълон қилингaн рaсмий бaёнотидa aйтилишичa, бу чорa “жиддий рaвишдa ошгaн рублнинг қaдрсизлaниш вa инфляция хaвфини пасайтириш” мaқсaдидa қўллaнилмоқдa.

15 декaбрь куни рублнинг қaдри янaдa пaсaйиб, 1 доллaр 63 рублгa, бир евро эсa 78 рублгa сотилгaн. Бу эсa рубль учун янги рекорддир.

Шундaй қилиб, Россия миллий вaлютaси жорий йил бошидaн бери доллaр вa еврогa нисбaтaн қaрийб 50 фоиз қaдрини йўқотди.

Рубль ва Россиянинг энергия экспортига қарам бўлган иқтисоди Қўшма Штатлар, Европа Иттифоқи ва бошқа давлатлар Москванинг Украинадаги хатти-ҳаракатлари боис жорий қилган санкциялардан қаттиқ зарар кўрмоқда.

Россия ҳукумaти жорий йилдa рубл қaдрини ушлaб туриш учун 80 миллиaрд доллaр сaрфлaгaн.

БМТ: Украина шарқида сўнгги саккиз ой ичида 4707 киши ҳалок бўлган

Жорий йилнинг aпрель ойидaн бери Укрaинa шaрқидa кaмидa 4,707 киши ҳaлок бўлгaн вa 10,322 киши жaроҳaт олгaн.

Бу ҳaқдa Бирлaшгaн Миллaтлaр Тaшкилотининг Укрaинaдaги Инсон ҳуқуқлaрини мониторинг қилиш миссияси эълон қилгaн ҳисоботдa aйтилaди.

15 декaбр куни Киевдa БМТ Бош котибининг инсон ҳуқуқлaри мaсaлaлaри бўйичa ёрдaмчиси Ивaн Симонович тaрaфидaн тaқдим этилгaн ҳисоботдa aйтилишичa, 5 сентябрдa эришилгaн ўқ отишни тўхтaтиш келишувидaн бери Укрaинa шaрқидa кaмидa 1,357 киши кўз юмгaн.

Шунингдек, ҳисобот муaллифлaригa кўрa, ушбу ҳудуддaги бaрбод бўлгaн инфрaтузилмaлaр туфaйли сувсиз вa иссиқликсиз қолгaн 5,2 миллион aҳолининг ҳaёт тaрзи кескин ёмонлaшгaн.

Киев вa россияпaрaст aйирмaчилaр ўтгaн ҳaфтa тўртинчи бор ўқ отишни тўхтaтишгa келишиб олдилaр.

Мaкзур келишув ортидaн Минск шaҳридa Европa вa Россия дипломaтлaри иштирокидa Укрaинa шaрқидa тинчлик ўрнaтиш бўйичa навбатдаги сўзлaшувлaрнинг бошлaниши кутилaётгaн эди.

Бироқ томонлaрнинг музокaрaлaр кун тaртиби бўйичa келишa олмaгaни туфaли учрaшув қолдирилгaн.

Россия рубли рекорд даражада арзонлади

15 декабрь куни Москва биржасида евро ва долларнинг рублга нисбати янги рекорд кўрсаткични ташкил қилди.

Бугун биржада 1 АҚШ доллари 60,2 рублдан сотилди. 1 евронинг нархи эса 71 рублга чиқди.

Россия миллий валютаси ва иқтисоди жаҳон бозорида нефть нархининг кескин тушиб кетиши ва Москванинг Украинадаги хатти-ҳаракатлари боис Ғарб жорий қилган санкциялардан қаттиқ зарар кўрмоқда.

Brent маркасидаги нефтнинг бир бaррели 64 долларга тушди, 1 янвaр ойидaн бошлaб 72,74 доллaрдaн сотилиши кутилмоқдa. Бу эсa сўнгги тўрт йилдa кузaтилгaн энг пaст нaрхдир.

Жaҳон бозоридaги нефть нaрхи июнь ойидaн бери 30 фоизгa aрзонлaди.

HRW Россияни чеченистонлик фаолларни тинч қўйишга чақирди

"Қийноқларга қарши қўмита" офиси ёнғиндан сўнг

Human Rights Watch ва Amnesty International ташкилотлари Россий ҳукуматини чеченистонлик ҳуқуқ ҳимоячиларини таъқиб қилишни тўхтатиш ва улар ҳимоясини таъминлашга чақирди.

Душунба куни тарқатилган икки ташкилотнинг қўшма баёноти "Қийноқларга қарши қўмита" офисига ўт қўйилгани муносабати билан эълон қилинди.

Кеча тунда Грозний шаҳрида ҳуқуқ ҳимоячиларининг "Қийноқларга қарши қўмита" офисига ўт қўйилди. Ёнғиндан сўнг полиция қўмитанинг икки аъзосини ҳибсга олиб, кечга яқин қўйиб юборди.

Шанба куни ушбу қўмитанинг икки ходими ўтирган машина номаълум шахслар томонидан таъқиб қилинган.

Қўмита ходими Сергей Бабинецнинг Озодликка айтишича, ҳамкасбларини юзига ниқоб таққан беш нафар қуролли шахс таъқиб қилган. Шунингдек, кузатув камерасида бинога бостириб киришга уринган қуролли кишилар акс этгани айтилмоқда.

Медведев: Украинани боқиш жонимизга тегди!

Россия Бош вазири Дмитрий Медведов

Россия Бош вазири Дмитрий Медведев "Украина ўзидаги иқтисодий бўҳрон боис Европа Иттифоқига қўшилиши амримаҳол" деб ҳисоблайди.

Бу ҳақда Медведев қаламига мансуб "Россия ва Украина: янги қоидалар бўйича яшаш" мақоласида ёзилган.

"Независимая газета"да эълон қилинган Медведев мақоласида ёзилишича, Иттифоқ парчаланганидан сўнг Россия Украинага бир неча бор иқтисодий кўмак кўрсатиб, "деярли уни боқиб келган".

Жаноб Медведев фикрича, Украина бўйнига ташқи иқтисодий қарздан қутилиш масаласи осилган бўлиб, мамлакат дефолт ёқасида турибди.

Медведев "Украинадаги қийинчиликлар Киев раҳбариятининг Россияга қарамликни камайтиш ва Европага яқинлашиш ҳаракатларидан сўнг бошланган" деб ҳисоблайди.

Бош вазирга кўра, эндиликда расмий Москва қардошлик туйғуларидан воз кечиб, Украинани иқтисодий таъминлашни тўхтатади.

"Биз бундан манфаатдор эмасмиз. Тўғриси жонимизга тегди", дея қўшимча қилади Медведев.

"ТВ-2" ёпилишига қарши 5000 кишилик намойиш бўлди

"ТВ-2"ни қўлловчилар акциясидан олинган сурат

Бугун Томск шаҳри марказида "ТВ-2" телеканалини қўллаб ўтказилган пикетда беш мингдан зиёд одам иштирок этди.

Мазкур телеканал шартномаси узайтирилмаётгани ортидан лицензиясидан маҳрум бўлиш арафасида турибди.

Кеча ҳам Томскда икки минг киши иштирокида намойиш ўтказилиб, акция иштирокчилари "ТВ-2"ни қўлловчилар имзосини тўплаб, ҳукумат раҳбариятига жўнатишган.

1991 йилдан буён фаолият юритаётган "ТВ-2" телеканали 2015 йилнинг 1 январидан эфирга чиқишни тўхтатиш ҳақида буйруқ олган.

Украинага дастак бўйича қонун лойиҳаси АҚШ президентига имзолаш учун юборилди

Вашингтонда Украинага мудофаа учун ҳарбий аслаҳалар етказиб беришга рухсат берувчи ва Россияга қарши янги санкциялар жорий этишга қаратилган қонун лойиҳаси АҚШ Сенати томонидан бир овоздан маъқулланиб, имзолаш учун президент Барак Обамага йўлланди.

Оқ уй мазкур қонун лойиҳаси юзасидан ҳали ўз позициясини билдирганича йўқ. Лойиҳа АҚШ президентига украиналик ҳарбийлар учун 350 миллион долларлик мудофаа аслаҳалари ажратиб бериш имконини беради, аммо у бу ишни амалга оширишга мажбур эмас.

Қонун лойиҳаси, шунингдек, Россиянинг мудофаа ҳамда энергетика соҳаларига қарши, шу жумладан, қурол экспорт қилувчи “Рособоронэкспорт” ширкатига қарши санкциялар жорий этилишига имкон яратади. Аммо АҚШ президенти миллий хавфсизлик нуқтаи назаридан келиб чиққан ҳолда бу санкцияларни қўллашдан бош тортиши ҳам мумкин.

Лойиҳа АҚШ Сенати ва Намояндалар палатаси томонидан 11 декабрь куни қабул қилинган, бироқ Қўшма Штатлар қонунчилигидаги маблағ ажратишда риоя қилинадиган ўзига хос жиҳатлар туфайли Сенат бу ҳужжат юзасидан яна бир марта овоз бериши лозим.

Россия ташқи ишлар вазири муовини Сергей Рябков бу қонун лойиҳасини “АҚШдаги аксилроссиячилик кайфиятларининг яна бир кўриниши”, дея баҳолади.

БМТ: Украина шарқида тўқнашув қурбонлари сони 4600 дан ошди

Бу сурат шу йил сентябрида Донецк кўчаларидан бирида олинган.

Украина шарқида ҳукумат кучлари ва россияпараст айирмачилар ўртасида бўлиб ўтаётган жангларда апрель ойидан 7 декабргача 4634 киши ҳалок бўлган, 10243 киши яраланган. Бу ҳақда БМТнинг Гуманитар масалаларни мувофиқлаштириш бўйича бошқармаси томонидан шанба куни эълон қилинган Украина шарқидаги вазият тўғрисидаги ҳисоботда айтилади.

Ҳужжатда қуролли тўқнашувлар юз бераётган ҳудудда бир миллион бир юз мингдан зиёд одам яшаб турган уйини ташлаб кетишга мажбур бўлгани ҳам қайд этилади. Улардан 542 мингдан кўпроғи Украинанинг бошқа ҳудудларига кўчган, 568 мингдан зиёди эса қочқин сифатида мамлакатни тарк этган. Бу одамлардан тақрибан 466 минги Россияга ўтиб кетган.

Маълумотларга кўра, ҳозирги пайтда жанглар бораётган ҳудудда 5 миллион 200 минг чоғли киши яшаяпти.

БМТнинг Гуманитар масалаларни мувофиқлаштириш бўйича бошқармасининг 20 ноябрь куни эълон қилинган сўнгги ҳисоботида Украина шарқидаги тўқнашувларда ҳалок бўлган кишилар сони 4317 нафарга етгани қайд этилганди. Бошқарманинг кейинги ҳисоботи 26 декабрь куни эълон қилиниши кутилмоқда.

Сиднейда номаълум шахслар бир неча кишини гаровга олди

Сидней қаҳвахонаси яқинидаги полициячилардан бири, 2014 йилнинг 15 декабри.

Австралиянинг Сидней шаҳридаги қаҳвахонада номаълум жанггарилар бир неча кишини гаровда ушлаб турибди.

Австралия телевидениеси 15 декабрь куни эрталаб қаҳвахона деразаси олдида камида уч киши қўлини кўтариб тургани, улар ёнида эса арабча ёзуви бўлган қора байроқ турганини намойиш қилди.

Воқеа гувоҳлари қаҳвахонадан ўқ овозлари эшитилганини айтганлар.

Ҳозир воқеа жойи полиция томонидан ўраб олинган, қаҳвахонага одамлар яқинлаштирилмаяпти. Шунингдек, қаҳвахона атрофидаги бинолардан одамлар эвакуация қилинган.

Автралиялик полициячилар сентябрь ойида “Исломий давлат” гуруҳига алоқадорликда гумонланган бир неча киши ҳибсга олингани ҳақида маълум қилгандилар.

Туркияда мухолифатчи журналистларга қарши рейд ўтказилди

Истанбулдаги "Замон" газетаси бош идораси, 2014 йилнинг 14 декабри.

Турк полицияси мухолифат партиялари билан тиғиз алоқада бўлган оммавий ахборот воситалари идораларида тинтув ўтказди. 14 декабрь куни ўтказилган бу рейдлар чоғида камида 27 киши ҳибсга олингани, уларга “таҳдид қилиш”, “ҳокимиятни эгаллаб олиш мақсадида гуруҳ тузиш”, “туҳмат” ва бошқа айбловлар эълон қилингани айтилмоқда.

Ҳибсга олинганлар орасида АҚШда истиқомат қилувчи руҳоний Фатҳуллоҳ Гулен раҳбарлигидаги “Хизмат” жамоати билан алоқада бўлган “Замон” газетаси муҳаррири ҳамда Сомонйўли телекомпанияси раиси ҳам бор. Фатҳуллоҳ Гулен Туркия президенти Ражаб Тоййиб Эрдўғоннинг ашаддий рақибларидан бири сифатида қаралади.

Европа Иттифоқи ташқи сиёсат бўйича мутасаддиси Федерика Могерини ва ЕИнинг кенгайиш бўйича комиссари Йоҳаннес Ҳан Туркиядаги ҳибсга олишлар “европача қадриятларга зид” эканига оид баёнотлар билан чиқишди.

АҚШ Давлат департаменти эса Анқарани турк расмийлари ҳаракати сўз эркинлиги ва бошқа демократик қадриятларга путур етказмаслигини таъминлашга чақирди.

Грознийда "Қийноқларга қарши қўмита" биносига ўт қўйилди

"Қийноқларга қарши қўмита" офиси ёнғиндан сўнг

Бугун тунда Грозний шаҳрида ҳуқуқ ҳимоячиларининг "Қийноқларга қарши қўмита" офисига ўт қўйилди. Бу ҳақда Озодликка мазкур қўмита раҳбари Игорь Каляпин маълум қилди.

Шанба куни ушбу қўмитанинг икки ходими ўтирган машина номаълум шахслар томонидан таъқиб қилинган.

Қўмита ходими Сергей Бабинецнинг Озодликка айтишича, ҳамкасбларини юзига ниқоб таққан беш нафар қуролли шахс таъқиб қилган. Шунингдек, кузатув камерасида бинога бостириб киришга уринган қуролли кишилар акс этгани айтилмоқда.

Ёнғиндан сўнг полиция қўмитанинг икки аъзосини ҳибсга олиб, кечга яқин қўйиб юборди.

4 декабрь куни Грознийда ҳалок бўлган 14 полициячининг яқинларини қўллаб шанба куни намойиш бўлиб ўтди.

Чеченистон пойтахтида қуролланган шахслар ва хавфсизлик кучлари ўртасидаги отишмада 11 нафар жанггари ҳам ўлдирилган.

Томскда "ТВ-2" ёпилишига қарши норозилик акцияси ўтказилди

"ТВ-2"ни қўлловчилар акциясидан олинган сурат

Бугун Томск шаҳри марказида "ТВ-2" телеканалини қўллаб пикет бўлди. Мазкур телеканал шартномаси узайтирилмаётгани ортидан лицензиясидан маҳрум бўлиш арафасида турибди.

Интерфакс хабарига кўра, акция иштирокчилари "ТВ-2"ни қўлловчилар имзосини тўплаб, ҳукумат раҳбариятига жўнатишмоқчи.

Акция ташкилотчиларига кўра, пикетда тахминан икки минг киши иштирок этган. Ички ишлар вазирлиги ҳисоб-китобича, эса намойиш иштирокчилари сони бир ярим минг атрофида бўлган.

1991 йилдан буён фаолият юритаётган "ТВ-2" телеканали 2015 йилнинг 1 январидан эфирга чиқишни тўхтатиш ҳақида буйруқ олган.

Польшада аёллар зўравонлигига қарши 16 кунлик акция якунланди

Польшадаги оилавий зўравонликка қарши "Панда марши"дан лавҳа

Польшанинг кўплаб шаҳарларида “Биз аёлларга нисбатан зўравонликка қаршимиз” шиори остида ўтказилган 16 кунлик норозилик акцияси ўз ниҳоясига етди.

Акция ташаббускори - Польша парламентининг қуйи палатаси Аёллар конгресси“Панда марши” номи остида чиқди. Айтиш керакки, панда оилавий зўравонлик қурбони бўлган бир аёл сифатида гавдаланади.

Намойишда аёллар юз-кўзлари кўкарган ҳолатлардаги грим билан шаҳар марказларида намойиш кўрсатишди.

Маълумотларга кўра, Польшада аёлларга нисбатан зўравонлик охирги йилларда одат тусига айланиб бормоқда. Ҳар йили оилавий зўравонлик туфайли 150 нафар аёл ҳаётдан кўз юмади, 800 минг аёл жисмоний ва жинсий зўравонлик, тахминан 4 миллион нафари эса руҳий босим ва иқтисодий танглик қурбонига айланмоқда.

Японияда парламент сайловлари ўтмоқда

Япония Бош вазири Синдзо Абэ

Бугун Японияда навбатдан ташқари парламент сайловлари ўтмоқда.

Праламентнинг қуйи палатасидаги 475 ўрин учун 1191 номзод курашмоқда.

Япония Бош вазири Синдзо Абэ агар ҳукмрондаги Либерал демократик партияси сайловчиларнинг асосий овозини олишга муваффақ бўлмаса, истеъфога кетишини маълум қилган.

Ахборот агентликлари мухолиф партияларнинг сайловда яхши кўрсаткич олишига ишонч йўқлиги ҳақида ёзишди.

Икки йил аввал Вазирлар Маҳкамасига раҳбарликка келган Синдзо Абэ Японияни иқтисодий равнақ билан таъминлашга ваъда берган.

Жорий йилнинг апрелида савдо солиғи 5 фоиздан 8 фоизга кўтарилгач, Япония иқтисодий таназзулга юзланди. Шу боис жаноб Абэ 21 ноябрь куни парламентнинг қуйи палатасини тарқатишга қарор қилди.

Кобулда Афғонистон Олий суди мулозими отиб ўлдирилди

13 декбарь куни Кобулда Афғонистон Олий суди мулозими отиб ўлдирилди. Кобул полициясининг билдиришича, Олий суд котибияти раҳбари Атиқуллаҳ Равуфий шанба куни эрталаб уйи олдида отиб кетилган.

Полицяи ҳозирча қотилликка алоқадорликда гумонланганларни аниқлай олагни йўқ.

Шунингдек, жума куни кечқурун жангарилар Парван вилоятидаги Бағром ҳаво базаси олдида ҳарбий конвойга ҳужум қилиб, хорижлик икки аскарни ўлдиргани хабар қилинди.

НАТО етакчилигидаги Халқаро хавфсизлик ёрдами кучлари маъмуриятининг 13 декабрь куни маълум қилишича, икки аскар “шарқий Афғонистонда душман кучлар ҳужуми оқибатида нобуд бўлган”.

Иккала ҳужум учун масъулиятни Толибон ҳаракати ўз зиммасига олди.

Давомини ўқинг

XS
SM
MD
LG