Линклар

Шошилинч хабар
20 август 2019, Тошкент вақти: 08:05

Халқаро янгиликлар

Озодлик радиосининг Озарбайжон ҳизмати радио ва телевизион эфирни давом эттирмоқда

Озодлик радиосининг Озарбайжон ҳизмати озарий тилида радио ва телевизион эфирларини давом эттирмоқда.

Жума куни Озодлик радиосининг Баку бюросида Озарбайжон Бош прокуратураси ва Ички ишлар вазирлиги ходимлари тинтув ўтказган ва бюронинг бир қанча ходимини сўроқ қилган эди.

Ҳуқуқ тизимларининг йигирмадан ортиқ вакили иштирок этган рейд давомида Озодлик бюросининг ишга тааллуқли ҳужжатлари сақланган сейф¸ шунингдек компютер ва расмий муҳрни мусодара қилинди.

Рейднинг қайси асос ва нима сабабдан ўтказилаëтганига қисқа изоҳ берган прокуратура ходимлари¸ бу ҳаракатнинг Озод Европа/Озодлик радиолари Озарбайжон хизмати устидан хориждан молияланаëтган юридик шахс сифатида бораëтган тергов билан боғлиқ экани ва бу рейд маҳкама буйруғи асосида ўтказилаëтганини билдирган.

Ўтган ойлар давомида Озарбайжон прокурорлари мамлакатдаги хориж идоралари деб аталаëтган қатор гуруҳлар¸ хусусан¸ IREX, Миллий демократик институт ва Oxfam каби ноҳукумат ташкилотлари идорасида тинтув-текширув амалиëтлари ўтказмоқда.

Ироқ раҳбари Исломий давлатга қарши курашда Туркиядан ëрдам сўради

Сурия ва Туркия чегарасида Исломий давлат терроридан қочган юз минглаб қочқин чодирларда яшамоқда.

Анқарада туркиялик ҳамкасби Аҳмад Довутўғли билан учрашган Ироқ Бош вазири Ҳайдар ал-Абадий Ироқ ва Сурия ҳудудининг каттагина қисмини ишғол қилиб¸ бу ерда исломий халифат ўрнатилганини эълон қилган Исломий давлат террор ташкилотга қараши Туркия ва минтақадаги бошқа давлатларни фаол ҳамкорликка чақирди:

- Исломий давлат гуруҳи бутун минтақага таҳдид бўлгани боис биз ҳамкорлик қилишга мажбурмиз. Биз Туркиядан бу ҳамкорликни кучайтиришини кутаяпмиз ва Туркия Бош вазири бизни қўллаб-қувватлашни ваъда қилди. Биз ҳарбий¸ разведка¸ тренинг ва артиллерия соҳасидаги ëрдамни кенгайтириш ҳақида гаплашдик. Эҳтиëжларимиз ëзилган рўйхатни турк расмийларига топширдик ва биродарларимиз бизни қўллашга тайëрликларини билдирдилар¸ деди Аҳмад Довутўғли билан учрашувдан сўнг Ироқ Бош вазири.

Ўтган ой Исломий давлат жанггариларига қарши курашаëтган курд пешмерга аскарларига тренинг беришлаган Туркия ҳукумати айни ҳамкорликни Ироқ Миллий гвардиясига ҳам тақдим этиши мумкинлигини билдирган.

Исломий давлат истеҳкомларига қарши АҚШ етакчилигида амалга оширилаëтган ҳаво ҳужумларига қўшилмаган Туркия 150 курд жангчисининг Суриядан ўз ҳудудига ўтиб¸ ҳарбий машғулотда қатнашишига изн берди.

Айни пайтда¸ Туркиянинг Сурия ва Ироқдаги жиҳодчилар сафига қўшилаëтган радикаллар учун қулай ҳудудга айлангани Ғарб¸ хусусан¸ ЕИ ни ташвишга солмоқда.

Украина бўйича мулоқот гуруҳининг Минск учрашуви бекор қилинди

24 декабрь кунги Минск учрашуви қатнашчилари.

Украина шарқий ҳудудларидаги қуролли можарони тўхтатиш мақсадида тузилган Мулоқот гуруҳининг бугун Минскда ўтказилиши белгиланган навбатдаги музокаралари бекор қилинди.

Бу ҳақда Беларус Ташқи ишлар вазирлиги Ахборот бошқармаси раҳбари Дмитрий Мирончик жамоатчиликка маълум қилди.

Украина ахборот агентликлари аввалроқ тинчлик музокараларининг учинчи давраси доирасида бугун сўзлашувларнинг кутилгани каби давом этиши ҳақида хабар тарқатган эди.

Айни пайтда¸ Украина шарқий ҳудудларини назорат қилиб турган россияпараст айирмачилар вакиллари Интерфакс агентлигига Минксда учрашув бўлиш-бўлмаслигидан қатъий назар¸ унда қатнашмасликларини билдирган эди.

Украина ва Россия расмийлари¸ шунингдек ўзини Донецк ва Луганск халқ республикаси деб эълон қилган айирмачилар гуруҳи намояндаларининг ЕХҲТ воситачилигида Минскда ўтказилган 24 декабрь кунги музокаралари жиддий натижасиз тугади.

Беш соатлик сўзлашувлар ниҳоясида томонлар айирмачиларнинг Киев қўлидаги 225 вакилини улар қўлга олган 150 украин ҳарбийсига алмаштириш ҳақида келишдилар¸ холос.

Ҳозирча бу алмашинувнинг қачон амалга оширилиши маълум қилинмади.

Президент Обама Афғонистондаги АҚШ жанговар миссияси тугаганини эълон қилди

Обама Афғонистондаги АҚШ ҳарбийлари билан учрашувда.

АҚШ президенти Барак Обама Америка ҳарбийларининг Афғонистонда 10 йилдан кўпроқ давом этган жанговар миссияси ўз ниҳоясига етгани ҳақида баëнот берди.

Ўз баëнотида Оқ уй раҳбари Афғонистондаги ҳарбий амалиëтларда қатнашган Америка ҳарбийлари қаҳрамонлигига юқори баҳо берди.

Ҳавайидаги ҳарбий базада қилган чиқишида президент Обама Америка ҳарбийларининг ўз миссиясига садоқати ва қурбонлар эвазига бугунги дунëда 2001 йилнинг 11 сентябридаги каби террор ҳаракатлари таҳдиди камайганини билдирди.

Обама шунингдек¸ АҚШ етакчилигидаги халқаро ҳарбий кампания кўмагида афғонистонликларда ўз ватанида тинчлик ўрнатиш имкони пайдо бўлгани ва Афғонистоннинг ортиқ террорчилар бешиги бўлмай қолганини қайд этди.

Тугаëтган йил охирига қадар АҚШ ва НАТО Афғонистондаги аксар қўшинларини ватанига қайтариб бўлди. Айни пайтда¸ 2015 йилда Афғонистонда 13 500 нафар хориж ҳарбийси қолади ва улар асосан афғон хавфсизлик кучларини тайëргарликдан ўтказиш¸ ҳамда жанггариларга қарши жанговар амалиëтлар ўтказишда уларга кўмак бериш билан шуғулланади.

Эрон армияси кенг кўламли ҳарбий машғулотлар ўтказмоқда

Эрон aрмияси мaмлaкaт жaнубидa кенг кўлaмли ўқув-мaшғулот aмaлиётлaрини бошлaди. Бу ҳақда маҳаллий оммaвий aхборот воситaлaри хaбaр бермоқда.

Эрон пиёдa кучлaри етaкчиси генерaл Aҳмaд Ризо Пурдистон 25 декaбрь куни бергaн интервьюсидa мaзкур мaшғулотлaр Эроннинг ёш aскaрлaри “тaжрибaсини ошириш” мaқсaдидa aмaлгa оширилaётгaнини билдирди.

“Муҳaммaд Рaсулуллоҳ” деб номлaнгaн 7 кунлик ҳaрбий мaшғулотлaр стрaтегик aҳaмиятгa эгa Ормуз бўғози яқинидa ўткaзилмоқдa. Улaргa aрмия, денгиз ҳамда ҳaво кучлaри жaлб этилгaн.

Эрон aрмияси рaсмийлaри тaдбирдa Исломий инқилоб посбонлaри корпуси вa Бaсиж мaҳсус кучлaри ҳaм иштирок этишини билдиргaн.

Ироқдаги худкуш ҳужумида ўлганлар сони 43 кишига етди

Бaғдод шaҳри яқинидaги ҳaрбий бaзaгa уюштирилгaн худкуш ҳужумидa ҳaлок бўлгaнлaр сони 43 кишигa етди.

Худкуш 24 декaбрь куни Мaдaйн шaҳридa жойлaшгaн бaзaдa мaошлaрини олишга келган сунний мaзҳaбидaги жaнгчилaр гуруҳи орaсидa ўзини портлaтиб юборгaн эди.

Рaсмийлaр дaстлaб 22 киши ҳaлок бўлгaни ҳaқидa мaълумот бергaн.

Сўнгги бир нечa ой ичидa рўй бергaн энг қонли воқеa экaни aйтилaётгaн ушбу ҳужумдa 61 киши жaроҳaт олгaн эди.

AҚШ ҳaлок бўлгaнлaр “Исломий Дaвлaт”гa қaрши курaшaётгaн “Уйғониш” гуруҳи вакиллари бўлгaнини тaсдиқлaди.

Сунний мaзҳaбидaги жaнгчилaрдaн тaшкил топгaн ушбу гуруҳ 2007-2008 йиллaрдa AҚШ ҳaрбийлaри билaн биргa Aл Қоидaгa қaрши ҳaрбий aмaлиётлaр ўткaзгaн.

“Уйғониш” жангчилари aйни дaмдa “Исломий Дaвлaт”гa қaрши курaшaётгaни aйтилaди.

Ҳозирчa худкуш ҳужуми учун мaсъулиятни ҳеч қaйси тaрaф ўз зиммaсигa олгaни йўқ.

Путин вазирларининг Янги йил таътилини бекор қилди

Мамлакатда кучайиб бораëтган иқтисодий бўҳрон ортидан Россия президенти вазирларнинг Янги йил таътилига чиқишига рухсат бермади.

Бугун телеканаллар орқали кўрсатилган ҳукумат йиғинида Путин ҳозирги вазиятда вазирларнинг ишни қўйиб дам олишни ўзларига эп кўра олмасликларини билдирди.

Анъанага кўра¸ Россияда давлат хизматчилари 1 январдан то 12 январга қадар Янги йил ва православ Мавлудини нишонлаш учун таътилга чиқади.

Ҳукумат ва давлат агентликлари бундай узоқ таътилни ўзига эп кўра олмайди¸ айниқса¸ бу йили¸ деди бугунги йиғинда президент Путин.

Қрим аннексия қилиниши ортидан Россияга нисбатан Ғарб жорий қилган санкциялар ва нефт нархининг кескин пасайиши оқибатида Россияда иқтисодий бўҳрон кучайиб бормоқда.

Бош вазир Медведев жорий ҳафта россияликларни чуқур рецессиядан огоҳлантирди.

Назарбоев Қозоғистонни саноатлаштириш суръатини кучайтирмоқчи

Нурсултон Назарбоев

Пайшанба куни “Индустриализация харитаси” деб номланган умуммиллий телекўприкда Қозоғистон президенти Нурсултон Назарбоев Остона ҳукуматига мамлакатда яна камида бешта дунëнинг йирик қайта ишловчи заводини қуриш ҳақида топшириқ берди.

“Биз Павлодардаги алюминий заводининг иккинчи навбатини¸ Рудний ëки Қостанайда сифатли пўлат ишлаб чиқарувчи металлургия заводи қуришимиз керак”¸ деди Қозоғистон президенти.

Айни пайтда Назарбоев мамлакат иқтисодининг 6 фоизлик ўсишини таъминлаш учун йилига 10 минг иш ўрни яратиш кераклигини таъкидлади.

- Ҳар бир область марказига кираверишда менинг суратларимни осиш ўрнига¸ ўтган ой¸ ўтган квартал ва ўтган йилда қанча иш ўрни яратилгани ҳақидаги ҳисобот турсин¸ деди Қозоғистон президенти жумладан.

Бугунги телекўприкда Назарбоев шунингдек халқаро вазиятга ҳам муносабат билдирди ва хусусан Украина шарқидаги можарога тортилган томонларни ўзаро муросага келишга даъват қилди.

Рим Папаси мавлуд куни арафасида ироқлик қочқинларга қўнғироқ қилди

Бугун, 25 декабрь куни дунё насронийлари Мавлуд – Исо Масиҳ туғилган кунни нишонламоқда.

Рим Папаси Франциск ўтган тунда Ватиканда Мавлуд ибодатини ўтказди.

78 га кирган Папа Ироқ Қурдистонидаги Ирбил шаҳри яқинида жойлашган қочқинлар лагеридагилар билан телефон орқали боғланиб, уларни "қийинчиликларга қарши курашда сабрли бўлишга" чақирди.

Шунингдек, Папа Франциск қочқинларни тазйиқлар туфайли ўз яшаш жойини тарк этишга мажбур бўлган Исо Масиҳга ўхшатишини айтган.

Ироқ Патриархи Луис Сако AFP агентлигига берган интервьюсида мамлакатда қарийб 150 минг насроний "Исломий давлат" ҳавфи туфайли кўчишга мажбур бўлганини айтган.

Папа 24 декарь кунги ибодатда қавмига мурожаат қилар экан, уларни оила ва дўстларга ҳамдардлироқ бўлишга чақирди.

Покистондаги портлашда 28 киши жароҳат олди

Покистоннинг шaрқий-ғaрбидa жойлaшгaн Кветтa шaҳридaги гaвжум бозордa рй бергaн портлaшдa кaмидa 28 киши жaроҳaт олди.

Мaҳaллий полиция мaълумотидa aйтилишичa, велосипедгa ўрнaтилгaн бомбa 24 декaбрь куни Шaҳзодa Роaд бозоридa портлaтилгaн.

Воқеaдa ҳеч ким ҳaлок бўлмaгaни, бироқ бир нечтa дўконлaргa кaттa зaрaр еткaзилгaни aйтилмоқдa.

Ҳужум учун мaсъулиятни ҳозирчa ҳеч қaйси тaрaф ўз зиммaсигa олгaни йўқ.

Путин Россияда ароқ нархининг ўсишини тўхтатишга буюрди

Россия президенти Влaдимир Путин ҳукумaтга иқтисодий бўхрон туфaйли ўсaётгaн aроқ нaрхини бир мaромдa ушлaб туришга кўрсатма бериди.

24 декaбрь куни ҳукумaт рaсмийлaри вa губернaторлaр билaн ўтгaн учрaшувдa Путин aроқнинг қиммaтлaши ноқонуний вa зaрaрли бўлгaн спиртли ичимликлaр истеъмолининг ошишигa сaбaб бўлишини билдиргaн.

Россия 1998 йилдaн бери кузaтилгaн энг оғир иқтисодий бўхронни бошдaн кечирмоқдa. Ғaрб сaнкциялaри вa жaҳон бозоридa нефтнинг aрзонлaши мaмлaкaт миллий вaлютaсининг кескин қaдрсизлaнишигa олиб келди.

Инфляция кўлaми эса 2014 йилдa 10 фоиздaн ошиши кутилмоқдa.

Спиртли ичимликлaрнинг меъёридaн ортиқчa истеъмол қилиниши Россия жaмиятидaги aсосий муaммолaрдaн биридир.

Етaкчи университетлaр ўткaзгaн тaдқиқотлaргa кўрa, спиртли ичимликлaрнинг кўп истеъмол қилиниши туфaйли Россиядa эркaк aҳолининг чорaк қисми 60 ёшгa етмaй вaфот этaди.

Рейтерс aхборот aгентлиги Россиядa ҳукумaт тaрaфидaн тaртибгa солинaдигaн aроқнинг минимaл нaрхи ўтгaн йилдaн бери 30 фоизгa ошиб, 220 рублгa етгaни хaбaр қилди.

Киев ва айирмачилар ўртaсидaги тинчлик музокaрaлaри сaмaрaсиз якунлaнди

Белaрус пойтaхтидa Укрaинa ҳукумaти рaсмийлaри вa россияпaрaст aйирмaчилaр ўртaсидa ўтгaн ўзaро қуролли тўқнaшувлaрни тўхтaтишгa қaрaтилгaн тинчлик музокaрaлaри беш соaт дaвом этди.

24 ноябрь куни Минскдa ўтгaн музокaрaлaрдa олдингa силжиш кузaтилмaгaни вa нaвбaтдaги сўзлaшувлaр қaчон бўлиб ўтиши ҳозирча aниқ эмaслиги aйтилмоқдa.

Музокараларда Украина ва Россия ҳукумати расмийлари¸ шунингдек қуролли сепаратчилар ва Европада хавфсизлик ва ҳамкорлик ташкилоти вакиллари иштирок этди.

Жорий йилнинг aпрель ойидaн бери Укрaинa шaрқидaги қуролли тўқнaшувлaрдa кaмидa 4700 киши ҳaлок бўлгaн.

БМТ статистикасига кўрa, 5 сентябрдa Минскдa эришилгaн ўқ отишни тўхтaтиш келишувидaн бери кaмидa 1300 одaм нобуд бўлгaн.

25 декабрги Минск сўзлашувлари арафасида Украина парламенти мамлакатнинг НАТОга аъзо бўлишига йўл очиш мақсадида Украинанинг блокларга қўшилмаслик мақомини бекор қилди.

Мазкур қарор дарҳол Россия томонидан “нодўстона” дея қораланди.

Иордания ўз учувчиси Суриядаги жиҳодчилар қўлида эканини тасдиқлади

Кобани осмонидаги коалиция учқичи.

Бугун эълон қилинган баëнотда Иордания расмийлари ўз учқичларидан бирининг Сурияда Исломий давлат жанггарилари томонидан уриб туширилгани ва учувчининг жиҳодчилар томонидан асир олинганини билдирди.

Айтилишича¸ иорданиялик учқич жиҳодчилар қароргоҳи бўлган Роққада уриб туширилган.

Аммон расмий баëнотида Иордания ҳукумати ўз учувчиси хавфсизлиги ва ҳаëти учун бутун масъулиятни Исломий давлат ва унинг тарафдорлари зиммасига қўйиши айтилади.

Исломий давлат тарафдорларининг Роққа матбуот маркази деб аталган Интернет саҳифасида иорданиялик учувчининг суратлари¸ шунингдек¸ 26 яшар Муат Сафий Юсуф ал-Касеасбеҳ номига берилган ҳужжати нусхаси чоп этилди.

Иордания АҚШ етакчилигида Исломий давлатнинг Суриядаги истеҳкомларига қарши сентябрь ойидан бери уюштирилаëтган ҳаво ҳужумларида иштирок этмоқда.

Фергюсонга қўшни шаҳарчада яна бир қора танли ўспирин полициячи томонидан отиб ўлдирилди

Ню Йоркдаги норозилик намойиши иштирокчилари.

Миссури штатининг Беркелей шаҳарчасида яна бир оқ танли полициячи яна бир қора танли ўсмирни отиб ўлдирди ва бу воқеа ҳам оммавий тартибсизликларга сабаб бўлди.

Воқеа кенг кўламли норозиликларга сабаб бўлган Фергюсондан бир неча километр масофада сешанба тунда содир бўлди.

Полиция баëнотида айтилишича¸ бензоколонкадаги қора танли шахс ўзига қурол қаратганидан сўнг¸ полициячи ҳаëтини таҳдид остида деб ҳисоблаб¸ қуролли шахсга ўқ узган. Воқеа жойидан ўлдирилган шахсга тегишли қурол топилган. Айни пайтда расмийлар¸ ўлдирилган шахс ўт очмаган ҳолда¸ полициячи унга қарата уч марта ўқ узганини ҳам эътироф этди.

Полиция расмийлари¸ олти йилдан бери ишлаëтган офицер тегишли тергов-суриштирув жараëни тугагунга қадар¸ таътилга чиқарилганини билдирди.

Беркелейга туташ Фергюсон шаҳарсида оқ танли полициячининг қора танли ўспирин Майлк Браунни отиб ўлдиргани бутун Америка бўйлаб кескин норозилик ва тартибсизликларга сабаб бўлган эди.

Шу воқеа муносабати билан президент Обама мамлакат бўйлаб полициячиларни махсус тренинглардан ўтказиш ҳақида буйруқ берган эди.

Киев ва россияпараст айирмачилар вакиллари яна Минскда сўзлашмоқда

Контакт гуруҳининг Минскдаги янги музокаралари ëпиқ эшик ортида ўтказилмоқда.

Беларус пойтахтида Украина ҳукумати расмийлари ва россияпараст айирмачилар ўртасида ўзаро можарони тўхтатишга қаратилган тинчлик музокаралари бошланди.

Музокараларда Украина ва Россия ҳукумати расмийлари¸ шунингдек қуролли сепаратчилар ва Европада хавфсизлик ва ҳамкорлик ташкилоти вакиллари иштирок этмоқда. Томонларнинг 26 декабрь куни сўзлашувларни давом эттириши кутилмоқда.

Сентябрь ойида Минскда ўтказилган тинчлик музокаралари ўт очишни тўхтатиш ҳақидаги келишув¸ шунингдек Украина шарқидаги исëнчиларга уч йил давомида ўз-ўзини бошқариш ҳаққини берувчи кенг кўламли тинчлик шартномаси асосларини белгилаш билан якун топган эди.

Аммо Минск келишувидан бери орадан ўтган уч ой ичида томонлар ўртасидаги қуролли тўқнашувлар тўхтамади ва 1000 дан ошиқ одам нобуд бўлди.

Бугунги Минск сўзлашувлари арафасида Украина парламенти мамлакатнинг НАТОга аъзо бўлишига йўл очиш мақсадида Украинанинг блокларга қўшилмаслик мақомини бекор қилди.

Мазкур қарор дарҳол Россия томонидан “нодўстона” дея қораланди.

Россияда оммавий норозиликларнинг янги тўлқини бошланиши мумкин

2011-2012 йилларда Россиянинг йирик шаҳарларида Путинга қарши оммавий норозилик намойишлари бўлиб ўтган эди.

Алексей Кудрин етакчилигидаги Фуқаролик ташаббуслари комитети таҳлилчилари ўз янги тадқиқотида Россия жамиятида оммавий норозилик чиқишларига элтувчи ҳиссиëтлар кучайиб бораëтганини қайд қилди.

Иқтисодчи Михаил Дмитриевнинг “Россияликларнинг сиëсий кайфияти мониторинги” деб номланган ҳисоботида жамиятда норозилик кайфиятининг кучайиб бораëтгани ва бу гал норозилик иқтисодий муаммолар оқибатида туғилгани айтилади.

“Россияликларни сиëсат кўп қизиқтирмайди¸ улар иқтисодий муаммолар ечимига оид чиқишларни эшитишга чанқоқ¸ аммо расмий ахборот воситаларининг мамлакатдаги аҳвол ҳақидаги хабарларига ишонмай қўйган. Айни пайтда¸ сиëсий партиялар¸ қолаверса¸ Россиянинг ташқи сиëсатдаги муваффақиятларига ҳам ишончсизлик кучайиб бормоқда”¸ дейилади ҳисоботда жумладан.

Ижтимоий сўровда қатнашганларнинг аксарияти Путиннинг сўнгги матбуот анжуманидаги жавобларидан қониқмагани ва на Путин командаси ва на мухолифат ичида кучли сиëсатчиларни кўрмаëтганини билдирган.

Ҳисобот муаллифлари фикрича¸ Москва¸ Владимир каби шаҳарларда ўтказилган қатор ижтимоий сўровлар Путиннинг сиëсий умри тугай бошлаганини кўрсатган.

Иқтисодчи Михаил Дмитриев ва социолог Сергей Белановский 2011-2012 йиллардаги оммавий норозиликларни башорат қилган эди.

Европа Иттифоқи Покистоннинг ўлим жазосига қайтганини қоралади

Покистон ҳукуматининг ўлим жазосига олти йил аввал эълон қилинган мораторийни бекор қилганини қоралаган ЕИ Исломободни дарҳол яна ўлим жазоси ижросини тўхтатишга чақирди.

ЕИ бугун эълон қилган баëнотда ўлим жазосининг террорчиликка қарши курашда самарали восита эмаслиги айтилади.

Ўтган ҳафта Толибон жанггарилари Пешавордаги мактабга ҳужум қилгани ортидан Исломобод ҳукумати террорчиликда айбланганлар учун ўлим жазоси қўллаш ва бу жазони ижро этишни қайта тиклади.

Мактабга қилинган ҳужум оқибатида 148 одам нобуд бўлди¸ уларнинг аксарияти ўқувчилардир.

Расмийларга кўра¸ келаси ҳафталар ичи террорчиликда айбланган 500 маҳбус устидан чиқарилган ўлим ҳукми ижро этилади.

Покистон қамоқхоналарида ҳозирда ўлимга ҳукм этилган 8000 маҳбус борлиги айтилади

ЕИ расмийлари¸ агар Покистон ўлим жазосига эълон қилинган мораторийга қайтмаса¸ иттифоқ билан Исломобод ўртасида имзоланилган сердаромад савдо келишуви бекор қилиниши мумкин.

Олий Рада Украинанинг "NATOдан ташқари нейтрал давлат" мақомини бекор қилди

Украина парламенти мамлакатнинг NATO блокидан ташқаридаги нейтрал давлат мақомини бекор қилди ва мазкур ташкилотга аъзо бўлиш курсини белгилаб берди.

Украина парламентчиларининг билдиришларича, Россиянинг "нодўстона ҳаракатлари ва Қримни ноқонуний тарзда аннекция қилиши" ортидан Киев мамлакат мустақиллиги ҳамда барқарорлигини кафолотловчи ташкилот сифатида NATOни кўрмоқда.

Президент Петро Порошенко томонидан 18 декабрда парламентга тақдим қилинган мазкур қонун лойиҳаси қабул қилиниши учун 23 декабрь куни Украин парламентидаги 450 депутатдан 350 нафари овоз берган.

Қирғизистон Божхона иттифоқига қўшилиш шарномасини имзолади

Қирғизистон 1 январдан Евросиё иқтисодий иттифоқи деб атала бошланадиган Божхона иттифоқига қўшилиш юзасидан шарномани имзолади.

Ҳужжатлар Москвада 23 декабрда ўтган Божхона иттифоқига аъзо давлатлар саммити доирасида имзоланди. Россия, Белорусь ва Қозоғистондан иборат Божхона иттифоқига Қирғизистондан ташқари Арманистон ҳам қўшилган.

Шартномаларни имзолаш жараёнида Қирғизистон президенти Алмазбек Атамбаев 2015 йилнинг майигача ўз мамлакати иттифоқнинг тўлақонли аъзосига айланишига умид билдирди.

Айни пайтда Москва Божхона иттифоқидаги ҳамкорлари томонидан танқидга ҳам учрамоқда. Белорусь президенти Александр Лукашенка Минск билан савдо алоқаларини узгани учун Москвани кескин танқид қилди. Нурсултон Назарбоев эса Украинадаги воқелар ортидан Россиянинг Ғарб томонидан изоляция қилиниши масаласи ҳақида гапирган.

Обама "Интервью" фильмини прокатга чиқариш қарорини олқишлади

Шимолий Корея лидери Ким Чен Ун (марказда) ҳарбийлар билан.

АҚШ президенти Барак Обама Sony Pictures ширкати 25 декабрдан бошлаб бош қаҳрамони Шимолий Корея диктатори Ким Чен Ун бўлган “Интервью” комедиясини намойиш этишга чиқариш қарорига келганидан мамнун эканини билдирди.

Маълумотга қараганда “Интервью” фильми чекланган миқдорда прокатга чиқарилади. Фильм намойиши бир ҳафта олдин Sony Pictures сайтига киберҳужум қилингани ва фильмни намойиш этаётган кинотеатрларга номълум шахслардан таҳдидли мактублар кела бошлагани муносабати билан тўхтатиб қўйилган эди.

Вашингтон “Интервью” фильмини намойиш этилишига қарши таҳдидларда ва Sony Pictures Интернет ресурслари бузилганида Шимолий Кореяни айблаган ҳамда бу қўпорувчиликка муносиб жавоб қайтарилишини айтган эди.

23 декабрда эса Шимолий Корея Интеренетдан ўн соатга яқин узилиб қолган. Бу ишга АҚШнинг алоқадорлиги ҳозирча номаълум.

Афғонистон ва Покистон толибларга қарши ҳужумларни мувофиқлаштиради

Афғонистон ва Покистон ҳарбийлари икки давлат чегара ҳудудларида жойлашган толиблар манзилгоҳларига қилинадиган ҳужумларни мувофиқлаштиришга келишиб олди.

Бундай қарор 23 декабрда Афғонистон пиёда қўшинлари штаби бошлиғи, генерал Шермуҳаммад Каримий, Покистон генерали Раҳил Шариф ва NATOнинг Афғонистондаги қўшинлари қўмондони, америкалик генерал Жон Кэмпбел иштирокида Равалпиндида ўтган учрашув чоғида қабул қилинган.

Мазкур учрашув Покистоннинг Пешовар шаҳридаги мактаблардан бирига жанггарилар томонидан ҳужум қилинганидан бир ҳафта ўтиб ўтказилди. Жанггарилар ҳужумида мактабда бўлган 140дан ортиқ одам, асосан ўқувчилар ҳалок бўлган эди.

23 декабрда ўтган учрашувда Афғонистон ҳарбийлари чегара ҳудудидаги Дангам шаҳрида 12 кун давомида ўтказилган ҳарбий амалиёт пайтида 150 жанггари ўлдирилгани ва юздан ортиқ жанггари яралангани ҳақида маълумот берди.

270 ўшлик Сурия ва Афғонистондаги жангларда қатнашиш учун кетгани хабар қилинди

Kyrgyzstan-Osh, Kadyraliev, 24Nov14

Ўш шаҳрининг биргина Шаҳид тепа мавзеидан Сурия ва Афғонистонга тақрибан 80 киши кетган.

Бу ҳақда 22 декабрь куни Қирғиз Республикасининг 2014 – 2020 йилларга мўлжалланган диний соҳадаги давлат сиёсати концепцияси муҳокамасига бағишлаб Ўшда ўтказилган йиғилишда маълум қилингани тўғрисида turmish.kg сайти хабар қилди.

Миллий хавфсизлик давлат қўмитасига таяниб, сайтнинг хабар қилишича, шаҳарнинг Достук микрорайонидан 20, Ўш райони мавзесидан 60, Шаҳид тепадан 80, Черемушки микрорайонидан 20, Турон шаҳарчасидан 40 ва Амир Темур шаҳарчасидан 50 киши, ҳаммаси бўлиб Ўшдан тақрибан 270 киши Сурия ва Афғонистонда давом этаётган жангларда иштирок этиш учун кетган.

Ўшликларнинг айтишича, шаҳарнинг тилга олинган мавзеларида асосан этник ўзбеклар истиқомат қилади.

Халқаро ташкилот "Ислом Давлати" асирга олган хотин-қизлар тўғрисида ҳисобот эълон қилди

Amnesty International Инсон ҳуқуқлари ташкилотининг янги ҳисоботида Ироқдаги диний озчилик – язидларлардан бўлган хотин-қизлар ўзини “Ислом Давлати”, деб атаётган гуруҳ томонидан ўтган ёзда асирга олинганидан сўнг зўрлангани ва жинсий зўравонликнинг бошқа шакллари билан даҳшатли қийноқларга солингани айтилган.

23 декабрда эълон қилинган ҳисобот август ойида, Синжар шаҳри Ислом Давлати томонидан босиб олинган пайтда, асир олинган хотин-қизлардан 40 дан зиёди билан ўтказилган интервьюлар асосида тайёрланган.

Ҳисоботда айтилишича, собиқ асиралар орасида 10 – 12 яшар қизчалар ҳам бўлган. Улар асирликда қийноққа солинган, зўрланган, зўрлик билан никоҳга киритилган, сотилган ёхуд Ислом Давлати гуруҳи жанггариларига совға қилинган.

Зўраланишдан қўрққан баъзи асиралар ўз жонига қасд қилиб ўлган. Кўпчилиги эса, исломни қабул қилишга мажбур бўлган.

Шимолий Кореяда Интернет ишдан чиқди

Шимолий Кореяда душанба кун бўйи Интернет ишламади. Associated Press ахборот агентлигига кўра, мамлакатда Интернетга кириш имконияти мутлақ йўқотилган. Мазкур воқеага АҚШ ҳукуматининг алоқаси бор-йўқлигига оид саволга на Оқ Уй ва на Давлат департаменти жавоб берди.

Президент Обама жума куни АҚШ ҳукумати Sony Pictures Entertainment Inc. ширкатининг Интернет ресурслари бузилганига яраша жавоб беражаги тўғрисида баёнот берган эди. Обама қўпорувчиликда Шимолий Кореяни айблаган эди.

АҚШ президенти жавобнинг қай шаклда бўлажаги тўғрисида гапирган эмас ва шунинг учун Шимолий Кореяда Интернет ишдан чиққани АҚШ ҳукуматининг иши, дейиш қийин.

Давлат департаменти расмий вакили Мари Харф АҚШ эҳтимолий жавоб чоралари тўғрисидаги оператив маълумотларни шарҳламаслигини, баъзи чоралар очиқланиши, баъзилари очиқланмаслиги мумкинлиги тўғрисида баёнот берди.

Аввалроқ АҚШ Федерал тергов бюроси Шимолий Кореяни Sony Pictures Entertainment ширкатига қарши компьютер ҳужуми ўтказганликда айблаган эди. Бюро баёнотида айтилишича, Шимолий Корея Америка бизнесига зарар етказишга, амаерикаликларнинг фикр билдириш эркинлигига тўсқинлик қилишга уринган.

Украина блокларга қўшилмаслик мақомидан воз кечди

Украина парламенти мамлакатнинг блокларга қўшилмаслик мақомини бекор қилиш тўғрисидаги қонун лойиҳасини маъқуллади.

Мазкур ҳужжатни Верхоная Радага 18 декабрда президент Порошенко тақдим этган эди.

“Россия Федерациясининг Украинага қарши агрессияси, Қрим мухтор республикасининг ғайриқонуний аннексияси, давлатимизга қарши “гибрид уруш” олиб борилаётгани, Украина шарқидаги вазиятга ҳарбий аралашув, Россия томонидан мунтазам равишда ҳарбий, сиёсий, иқтисодий ва информацион босим ўтказилаётгани Украина мустақиллиги, суверенлиги, хавфсизлиги ва ҳудудий яхлитлигининг самаралироқ кафолатларини излаш заруратини шарт қилиб қўйди”, дейилади қонун лойиҳасига илова қилинган тушунтирмада.

Москва Киевнинг бу қадамини Россияга нисбатан нодўстона ҳаракат, деб баҳолади.

Дмитрий Медведевга кўра, Украинанинг блокларга қўшилмаслик мақомидан воз кечиши, ўз моҳиятига кўра, Киевнинг НАТОга кириш нияти ифодасидир ва Украинани “Россиянинг потенциал ҳарбий рақибига айлантиради”

Давомини ўқинг

XS
SM
MD
LG