Линклар

Шошилинч хабар
25 август 2019, Тошкент вақти: 08:32

Халқаро янгиликлар

Париж ҳужумлари ортида тургани айтилаётган Абдулҳамид Абаауд ўлдирилди

Қаерда олингани ноаниқ бу расмда Абдулҳамид Абаауд тасвирлангани тахмин этилмоқда

Париждаги 13 ноябрь ҳужумлари ортида турганликда гумонланаётган Абдулҳамид Абаауд чоршанба куни Франция пойтахти яқинида ўтказилган рейд пайтида йўқ қилини. Париж шаҳар прокурорининг 19 ноябрь куни билдиришича, бельгиялик Абдулҳамид Абаауд бир кун аввал Париж четидаги Сен Дени туманида амалга оширилган махсус операция пайтида ўлдирилганлардан бири экани аниқланган.

Пайшанба куни Франция парламенти Париж ва унинг атрофида 129 кишининг ўлимига сабаб бўлган 13 ноябрь ҳужумлари ортидан жорий этилган фавқулодда ҳолат режимини уч ойга узайтиришни маъқуллади

Парламент олдида чиқиш қилган Франция Бош вазири Мануель Валлс янги ҳужумлар, жумладан “кимёвий ва биологик қуроллар” ишлатилиши эҳтимолидан огоҳлантирди.

Рус ва француз зобитлари ИДга қарши ҳамкорлик масаласини муҳокама қилдилар

Россия Мудофаа вазирлигининг маълум қилишича, юқори рутбали рус ва француз зобитлари Суриядаги “Исломий Давлат” гуруҳига қарши курашда ҳамкорлик масалаларини телефон орқали муҳокамa қилдилар.

Мудофаа вазирлининг айтишича, 19 ноябрда Россия бош штабининг бошлиғи Валерий Герасимов ўзининг француз ҳамкасби Пьер де Виллиерс билан “Суриядаги ИД террорчиларига қарши қуролли кучлар амиётларини мувофиқлаштириш” масаласида мулоқот ўтказди.

ИД гуруҳига қарши курашда АҚШ бошчилигидаги иттифоққа аъзо бўлган Франция ўтган ҳафта Парижда содир этилган террор ҳужумлар ортидан Суриядаги ҳаво амалиётларини кучайтирди.

Россия ҳам 30 сентябрдан буён Сурияда ҳаво амалиётларини ўтказиб келади.

Россия Ташқи ишлар вазири Сергей Лавровнинг айтишича, агар “Сурия суверенитетига ҳурмат кўрсатилса,” Россия АҚШ етакчилигидаги коалиция билан “амалий ҳамкорликка тайёр”.

Унинг ушбу баёноти Сурия президенти Башар Ассад тақдири масаласида Россия ва ғарб ўртасида келишмовчиликлар сақланиб қолаётган бир паллага тўғри келмоқда.

Қўшма Штатлар ва унинг иттифоқчилари Ассадни ўтиш даврида мобайнида ёки охирида истеъфо беришини исташади, аммо Москванинг ишонишича, Ассаднинг иқтидордан кетиши ёки қолиши масаласини фақат Сурия халқи ҳал қилиши лозим.

Россия ФСБси "Пулково" аэропортига марказий-осиёликларни ишга олишни ман қилди

Россия Федерал хавфсизлик хизмати “Пулково” аэропортига марказий-осиёлик муҳожирларни ишга олишни тақиқлади.

Бу ҳақда аэропортдаги манбага таяниб, хабар қилган LifeNews.ru нашрига кўра, “Пулково” аэропорти раҳбариятига бу ҳақда огоҳлантирув юборилган. Хабарга кўра, мазкур тавсия аивация соҳасида хавфсизликни ошириш масаласига бағишланган мажлисда янграган, лекин мазкур кўрсатма фақат оғзаки тарзда берилган.

Биринчи навбатда чекловлар тозалаш ишлари билан шуғулланадиган ширкатларга тааллуқли бўлади. Бундай ширкатлар одатда арзонроқ иш ҳақига рози бўладиган маркази-осиёлик муҳожирларни ёллайди.

Транспорт воситаларида хавфсизликни ошириш чораси ўтган ой охирида “Когалымавиа” ширкатига қарашли самолёт Миср осмонида портлатлиши ортидан жорий этилмоқда. Шарма аш-Шайх курортидан Санкт Петербургга парвоз қилган А321 учоғи ҳалокатига унинг бортига яширин тарзда олиб чиқилган қўлбола бомба портлаши сабаб бўлгани айтилмоқда. 224 одамнинг ўлимига сабаб бўлган портлаш учун масъулиятни “Исломий давлат” экстремист гуруҳи ўз зиммасига олди.

Франция Бош вазири парламентни янги ҳужумлар эҳтимолидан огоҳлантирди

Франция Бош вазири Мануель Валс

Франция Бош вазири Мануель Валс 19 ноябрь куни парламентда қилган чиқишида мамлакатда янги террор хуружлари, жумладан “кимёвий ва биологик қуроллар” ишга солиниши эҳтимолидан огоҳлантирди.

Валс бу ҳақда Фарнция парламенти 13 ноябрь ҳужумлари ортидан мамлакатда жорий этилган фавқулодда ҳолат режимини яна уч ойга узайтириш масаласини овозга қўйишидан олдин баён қилди. Париж ва шаҳар четида ўтган ҳафта рўй берган бир нечта ҳужум оқибатида 129 киши ҳалок бўлди.

Фавқулодда вазиятни узайтириш масаласи Франция сенатида 20 ноябрь куни овозга қўйилади ва маъқулланадиган тақдирда, дарҳол кучга киради.

Айни пайтда, Бельгия полицияси пойтахт Брюсселда олтита рейд ўтказди. Махсус амалиётлар Париж ҳужумларида Стад де Франс стадиони олдида ўзини портлатган уч худкушдан бири билан боғлиқлиги айтилмоқда.

Париж ҳужумлари ортида турган белгиялик Абдулҳамид Абаауд 18 ноябрь куни Парижда ўтказилган рейд пайтида ўлдирилганми, йўқми ҳозирча ноаниқ қолмоқда.

Белгия Париждаги ҳужумлар юзасидан ўтказилаётган терговнинг марказида қолмоқда.

АЭХА: Эрон ўз ядровий дастурини қисқартира бошлади

АЭХА раҳбари Юкиа Амано.

Атом энергияси бўйича халқаро агентлик Эрон жаҳондаги олти йирик давлат билан эришилган битимга мувофиқ ўз ядровий дастурини қисқартира бошлаганини билдирди.

АЭХАнинг БМТ Хавфсизлик кенгашига тақдим этилмиш ҳисоботида айтилишича, Эрон уранни бойитиш учун ишлатиладиган центрифугалари миқдорини сезиларли даражада камайтирган.

Бундан бир ой муқаддам АҚШ ва Европа Иттифоқи Теҳрон муайян шартларни бажарганидан кейин Эрондан санкцияларни олиб ташлашга оид қадамлар бўйича ўзаро келишиб олганди. Санкцияларни камайтиришнинг бошланғич шартлари орасида Эрон эга бўлган уранни бойитувчи центрафугалар сонини озайтириш ҳамда бойитилган уран заҳирасини камайтириш кабилар бор эди.

Жорий йил июлида Эрон ва жаҳондаги олти етакчи давлат Теҳрон ядровий дастурини жиловлаш бўйича келишувга эришганди. Ядровий дастури тинч мақсадларни кўзлашини таъкидлаган Эрон ўзига нисбатан киритилмиш санкцияларни қадам-бақадам олиб ташланиши эвазига бу дастурни чеклашга рози бўлган.

Парижда ўтказилган рейдлар чоғида камида икки киши ҳалок бўлди

Француз полициячиси Сен-Денидаги хонадонлардан бирида, 2015 йилнинг 18 ноябри.

13 ноябрдаги террор хуружлари муносабати билан Париж шимолидаги Сен-Дени мавзеида ўтказилган полиция рейдлари чоғида камида икки киши ҳалок бўлди, саккиз киши ҳибсга олинди.

Полициядаги манбалар бу рейдлар диққат марказида терактларнинг муҳтамал ташкилотчиси Абдулҳамид Абауд бўлганини айтмоқдалар. Бироқ Париж прокурори Франсуа Молленнинг журналистларга билдиришича, чоршанба куни ўлдирилган ва ҳибсга олинганлар ичида Абауд йўқ.

18 ноябрь кунги рейдлар чоғида ўлдирилган ва ҳибсга олинган шахслар исми ҳозирча очиқлангани йўқ.

Ўтган жума Парижнинг Сен-Дени мавзеи дохил 6 та жойида жангарилар томонидан уюштирилган портлашлар ва "Батаклан" концерт залидаги отишмалар оқибатида 132 одам нобуд бўлган, 300 дан зиёд одам жароҳатланганди. Бу ҳужумлар ортидан Францияда фавқулодда ҳолат эълон қилинган. Мазкур террор хуружлари учун масъулиятни “Исломий Давлат” гуруҳи ўз зиммасига олган.

Тожик амалдорларига хорижий банкларда пул сақлаш тақиқланади

Тожик парламентидаги мажлислардан бири.

Тожикистонда давлат хизматчилари бундан буён мамлакат хорижидаги банкларда ҳисоб рақамини очиш, уларда пул ва қимматбаҳо ашёлар сақлаш имкониятига эга бўлолмайдилар. Шунингдек, амалдорларга бошқа давлатлар ҳудудида кўчмас мулк сотиб олиш ҳам тақиқланди. Бу меъёр 18 ноябрь куни Тожикистон парламенти қуйи палатаси томонидан “Давлат хизмати тўғрисида”ги қонунга киритилмиш тузатишлар билан белгилаб қўйилди.

Депутатларни қонунга ўзгартиш киритишга ундаган сабаб айтилмаяпти, бироқ бу тузатиш коррупцияга қарши кураш ва давлат амалдорлари даромадларида кўпроқ шаффофлик бўлишини таъминлаш мақсадида қабул қилинган бўлиши мумкинлиги тахмин қилиш мумкин, деб ёзади Фарғона.ру агентлиги.

2014 йил бошларига оид маълумотларга кўра, Тожикистонда давлат хизматчилари сони 19 минг кишини ташкил этади. Бунга куч ишлатар тузилмалар ва ҳуқуқ-тартибот идоралари кирмайди. Тожик амалдорининг шу кундаги ўртача маоши 1000 сомонийни (тақрибан 150 АҚШ доллари) ташкил этади.

Россия Башар Асадни сақлаб қолмоқчи

Россия ташқи ишлар вазири Сергей Лавров.

Агар Ғарб “Исломий Давлат” террор гуруҳига қарши халқаро коалиция тузилишини истаса Башар Асаднинг Сурия президентлигидан кетишини талаб қилишни тўхтатиши лозим. Бу фикрни Россия ташқи ишлар вазири Сергей Лавров 18 ноябрь куни билдирди.

“Террорга қарши ҳаракатларни бирлаштириш учун қандайдир шартларни илгари суришни қабул қилиб бўлмаслигига ҳеч қандай шабҳа қолмади”, деб баёнот берди Лавров.

Россия ташқи ишлар вазири фикрича, ўтган ҳафтада Парижда амалга оширилган террор ҳужумлари ҳамда сентябрда Россия самолётининг Мисрда ҳалокатга учрагани Ғарбнинг позицияси ўзгаришига туртки бўлган.

“Ғарблик ҳамкасбларимизнинг позициясида рўй берган ўзгариш ғарблик бошқа ҳамкорларимизга ҳам таъсир қилади, деб умид қиламан”, деди Лавров.

АҚШ ва унинг иттифоқчилари Башар Асаднинг истеъфо беришини талаб қилмоқда, айни пайтда Россия Сурия президентини қўллаб-қувватлаб келмоқда.

Париждаги террористик ҳуружларга алоқадорликда гумон қилинган 7 шахс ушланди

Парижда 13 ноябрь куни амалга оширилган террор ҳужумларига алоқадорликда гумон қилинган 7 шахс қўлга олингани хабар қилинди.

Франс-пресс агентлигига кўра, қўлга олинганлардан бири Бельгиялик икки шахсга квартирасини ижарага бергани тўғрисида айтиб берган. Полиция фикрича, айнан ўша икки одам террор ҳужумларини уюштирган.

Аввалроқ олинган хабарга кўра, Парижнинг Сен-Дени мавзесида полиция ўтказган рейд давомида 13 ноябрь куни амалга оширилган террористик ҳуружларга алоқадорликда гумон қилинган олти кишидан уч нафари қўлга олинган, қолган уч киши, жумладан ўзини ўзи портлатган аёл ўлган.

Бу ҳақда хабар қилган Франс Пресс агентлигига кўра, камида уч полициячи яраланган.

Бугун эрталаб полиция террористик ҳуружларни уюштирганликда гумон қилинаётган Абдулҳамид Абаудни қўлга олиш мақсадида амалиёт бошлади. У камида икки шериги билан яширинган, деб ишонилган кўпқаватли уй полиция томонидан ўраб олинди. Амалиёт ўтказилган мавзеда ўқ ва портлаш овозлари эшитилгани хабар қилинди.

13 ноябрдан 14 ноябрга ўтар тунда Франция пойтахти Париж шаҳрининг 6та жойида жангарилар томонидан террор ҳужуми уюштирилди. Суиқасд ҳужумчилар уюштирган портлашлар ва "Батаклан" концерт залидаги отишмалар натижасида 132 одам нобуд бўлди, 300дан ортиқ одам жароҳатланди. “Исломий Давлат” террор гуруҳи ҳужум учун масъулиятни ўз зиммасига олган.

Туркия АҚШ билан Сурия чегараси устидан тўла назорат ўрнатмоқчи

Туркия ташқи ишлар вазири Фаридун Синирлиўғли

Туркия ва АҚШ расмийларига кўра, Туркия-Сурия чегарасини “Исломий Давлат” террор гуруҳи жангариларидан тозалашга қаратилган амалиётлар кучайтирилади.

“Уларнинг чегарамизда мавжудлигига барҳам бериш учун муайян режаларимиз бор”, деган Туркия ташқи ишлар вазири Фаридун Синирлиўғли маҳаллий Онадўли агентлигига 17 ноябрь куни.

“Бу режалар амлга оширилганидан сўнг, ҳаракатларимиз янада кучайтирилади ва бунга яқин кунларда гувоҳ бўласиз”, деб қўшимча қилган Туркия ташқи ишлар вазири.

“Исломий Давлат” террор гуруҳи Туркия-Сурия чегарасининг бир қисмини назорат қилади ва бундан жангариларни ва қурол-аслаҳани олиб ўтиш учун фойдаланмоқда.

“Чегаранинг (Туркия-Сурия чегарасининг) 75 фоизи ҳозир ёпиқ. Ва эндиликда биз чегаранинг қолган 98 километрини ҳам ёпиш учун Туркия билан амалиётларга киришаяпмиз”, деди АҚШ Давлат котиби Жон Керри CNN телеканали орқали.

Қирғизистонда бугун эрталаб яна ер қимирлади

Ўшга яқин қишлоқларда зилзиладан етган зарар кўлами ўрганилмоқда. 18 ноябрь куни Ўш атрофида олинган сурат.

Кучи 4 баллга етган зилзила бугун эрталаб соат 11.30 га яқин қайд этилгани тўғрисида Фавқулодда вазиятлар вазирлиги хабар қилди. Зилзила эпимаркази Ўш шаҳридан 35 километр масофадаги ҳудудда бўлган.

Чоршанбага ўтар кечаси маҳаллий вақт билан 23.29да (Тошкент вақти билан 22.29) Қирғизистонда содир бўлган зилзиланинг кучи 5,9 баллга етган. Зилзила эпимаркази Ўш шаҳридан 45 километр масофадаги ҳудудда бўлган.

Ер қимирлаши Тошкентда ҳам қайд этилди.

Европа - Ўрта Ер денгизи сейсмология марказининг билдиришича, Тошкентда зилзила 17 ноябрь куни маҳаллий вақт билан соат 22дан 35 дақиқа ўтганда сезилган ва унинг кучи 3 баллга тенг бўлган. Марказ зилзила эпицентри Қирғизистонда бўлганини хабар қилган.

Зилзила оқибатида жабрланганлар ҳақида маълумот йўқ.

Париждаги террористик ҳуружларга алоқадорликда гумон қилинган 3 киши ушланди

Парижнинг Сен-Дени мавзесида полиция ўтказган рейд давомида 13 ноябрь куни амалга оширилган террористик ҳуружларга алоқадорликда гумон қилинган олти кишидан уч нафари қўлга олинди, қолган уч киши, жумладан ўзини ўзи портлатган аёл ўлди.

Бу ҳақда хабар қилган Франс Пресс агентлигига кўра, камида уч полициячи яраланган.

Бугун эрталаб полиция террористик ҳуружларни уюштирганликда гумон қилинаётган Абдулҳамид Абаудни қўлга олиш мақсадида амалиёт бошлади. У камида икки шериги билан яширинган, деб ишонилган кўпқаватли уй полиция томонидан ўраб олинди. Амалиёт ўтказилган мавзеда ўқ ва портлаш овозлари эшитилгани хабар қилинди.

13 ноябрдан 14 ноябрга ўтар тунда Франция пойтахти Париж шаҳрининг 6та жойида жангарилар томонидан террор ҳужуми уюштирилди. Суиқасд ҳужумчилар уюштирган портлашлар ва "Батаклан" концерт залидаги отишмалар натижасида 132 одам нобуд бўлди, 300дан ортиқ одам жароҳатланди. “Исломий Давлат” террор гуруҳи ҳужум учун масъулиятни ўз зиммасига олган.

Чехия президенти мусулмонларга қарши намойишда иштирок этди

Чехия президенти Милош Земан.

Чехия президенти Милош Земан 17 ноябрда Прагада мусулмонларга қарши гуруҳ томонидан ўтказилган намойишда иштирок этди. Мазкур намойиш собиқ Чехословакияда коммунистик режимни ағдариб ташлаган Бахмал инқилобининг 26 йиллиги нишонланаётган бир пайтда ўтказилди.

Исломга қарши чақириқлари билан танилган Милош Земан Парагада ўтказилган мусулмонларга қарши намойишда “Биз эстремист эмасмиз”, деб айтди ва аҳолини “қотиллар ҳамда диний адоват маданиятига мансуб” муҳожирлардан огоҳ бўлишга чақирди.

Мусулмонларга қарши митинг Прагадаги Университет шаҳарчасида ўтказилди. Бу шаҳарчада 1989 йилда коммунистик режимга қарши инқилоб бошланган эди.

Нигерияда Боко Ҳарам 32 одамни ўлдирди

Боко Ҳарам жанггарилари.

Нигерия шимоли шарқида Боко Ҳарам гуруҳига мансуб ҳудкуш ўзини портлатиши оқибатида 32 одам ҳалок бўлди, 80 одам яраланди.

17 ноябрдаги худкуш ҳужум Нигерияда сўнгги уч ҳафта мобайнидаги биринчи террорчилик ҳаракати бўлди. Бундан аввал, яъни 23 октябрда Нигериядаги иқкита масжидда содир этилган террор ҳужумларида 42 одам ҳалок бўлган ва юздан ортиқ одам яраланганди.

Сешанба кунги террор ҳужуми Нигерия президенти Муҳаммад Бухорий Боко Ҳарам гуруҳи яқин кунларда мағлуб этилиши ҳақида баёнот берганидан сўнг содир этилди.

Бока Ҳарам гуруҳи 6 йилдан бери ўз наздиларида Исломий давлат қуриш учун курашиб келади. Олти йил давомида мазкур гуруҳ томонидан 20 мингдан ортиқ одам, жумладан, балоғатга етмаган болалар ўлдирилган.

Миср рус самолёти ҳалокатига алоқадор одамлар қўлга олинганини рад этди

А 321 учоғи парчаси.

Миср полицияси Россиянинг А321 самолёти ҳалокатига алоқдорликда гумонланган икки одамни қўлга олинганини рад этди. Бу ҳақда Миср Ички ишлар вазирлиги ўзининг Facebook саҳифасида хабар бергани ҳақида Марказий Осиё янгиликлар хизмати маълум қилди.

17 ноябрь куни Ройтерс агентлиги ўз манбаларига таянган ҳолда Шарм-ал-Шайх аэропортининг 2 ходими террорчиларга бомбани Россия самолёти бортига олиб ўтишга кўмак кўрсатганликда гумонланиб қўлга олингани ҳақида хабар тарқатган эди. РБК эса жами 17 одам қўлга олингани, лекин улардан фақат 2 нафари террорчиларга кўмаклашганликда гумонланаётганини хабар қилган.

Кеча Россия Федерал хавфсизлик хизмати раиси Александр Бортников президент Владимир Путинга 31 октябрь куни Мисрда ҳалокатга учраган рус самолётида террорчилик ҳаракати содир этилгани аниқлангани ҳақида ҳисобот берган эди. Унга кўра, самолётга қуввати 1 кило тротилга тенг бўлган портловчи модда ўрнатилган. Бундан ташқари портловчи модда излари самолёт бўлакларидан ва ҳалок бўлган йўловчиларнинг кийимларидан ҳам топилган.

Бунга жавобан Владимир Путин Россия самолётини портлатганлар дунёнинг қайси бурчагида бўлмасин топилиши ва жазога тортилишини ваъда қилди. Путин Россия ҳарбий самолётлари “жиноятчилар қасосдан қочиб қутилмасликларини англашлари учун” Суриядаги ҳаво зарбаларини кучайтиришини билдирди.

Россиянинг А321 аэробуси 31 октябрь куни Мисрнинг Синай ярим оролида ҳалокатга учраган эди. Самолёт бортидаги 224 одамнинг барчаси ҳалок бўлган. Самолёт ҳалокати ортидан “Исломий давлат” жанггарилари икки марта баёнот эълон қилиб, авиаҳалокат учун масъулиятни ўз зиммасига олган эди.

Тожикистонда террорчиликка қарши қонун ўзгартирилмоқда

Тожикистон парламенти сессияси.

Тожикистон парламенти террорчиликка қарши кураш тўғрисидаги қонунга ўзгартишларни қабул қилиш жараёнини бошлади.

Хабарларга қараганда, мазкур ўзгартишларга мувофиқ ҳукумат тузилмалари аҳолининг телефон алоқаларини ўзиб қўйиш, Интернетдан маҳрум қилиш ва сайтларга тўсиқ қўйиш ҳуқуқига эга бўлади.

Тожикистонда акислтеррор амалиётлари пайтида телефон алоқасининг узиб қўйилиши ва сайтларга тўсиқ қўйилиши авваллари ҳам кузатилган. Масалан, 2010-2012 йилларда Рашт водийси ва Хоруғда ўтказилган аксилтеррор амалиётлари пайтида маҳаллий аҳоли барча алоқа воситаларидан маҳрум қилинган эди.

Бироқ Тожикистон расмийлари телефон ва Интренетнинг узиб қўйилишига алоқадор эмаслигини билдириб келган.

Германияда Париждаги терактларга алоқадор кўрилган 3 киши ушланди

Германияда 13 ноябрь куни Парижда уюштирилган террор ҳужумларига алоқадорликда гумон қилинган уч шахс қўлга олинди.

DPA агентлиги тарқатган хабарга кўра, уччовлон Ахен шаҳрида ушланган.

Бунга қадар Париж ҳужумларига алоқадорликда гумон қилинган икки шахснинг Белгияда қўлга олингани айтилган эди. Францияда эса ҳозирга қадар 20 кишининг ҳибсга олингани хабар қилинмоқда.

13 ноябрдан 14 ноябрга ўтар тунда Франция пойтахти Париж шаҳрининг 6та жойида жангарилар томонидан террор ҳужуми уюштирилди. Суиқасд ҳужумчилар уюштирган портлашлар ва "Батаклан" концерт залидаги отишмалар натижасида 132 одам нобуд бўлди, 300дан ортиқ одам жароҳатланди. “Исломий Давлат” террор гуруҳи ҳужум учун масъулиятни ўз зиммасига олган.

Бугун Брюсселда учрашган Европа Иттифоқи мудофаа вазирлари Франция ҳукуматининг ҳарбий ёрдам ҳақидаги сўровини қувватлади.

Франция хавфсизлик хизматининг 115 минг ходими рейдларга жалб этилди

Франция Ички ишлар вазири Бернар Казнёв

Франция Ички ишлар вазири Бернар Казнёв куч ишлатар тузилмаларнинг 115 минг ходими мамлакат бўйлаб ўтказилаётган рейдларга сафарбар қилинганини маълум қилди.

17 ноябрь кунги баёнотида вазир ҳозирга қадар 128тадан ортиқ рейд ўтказилганини билдирди.

13 ноябрдан 14 ноябрга ўтар тунда Франция пойтахти Париж шаҳрининг 6та жойида жангарилар томонидан террор ҳужуми уюштирилди. Суиқасд ҳужумчилар уюштирган портлашлар ва "Батаклан" концерт залидаги отишмалар натижасида 132 одам нобуд бўлди, 300дан ортиқ одам жароҳатланди. “Исломий Давлат” террор гуруҳи ҳужум учун масъулиятни ўз зиммасига олган.

Бугун Брюсселда учрашган Европа Иттифоқи мудофаа вазирлари Франция ҳукуматининг ҳарбий ёрдам ҳақидаги сўровини қувватлади.

Франция Мудофаа вазири Жан-Ив Ле Дриан бу ёрдам "Франциянинг Ироқ ва Суриядаги ҳарбий амалиётларини қуватлаш ёки мамлакатда зарур бошқа амалиётларда кўмаклашиш" кўринишида бўлиши мумкинлигини айтди.

Франция учоқташир ҳарбий кемасини Ўрта Ер денгизи шарқига йўллайди

Франция президенти учоқташир ҳарбий кемасини Ўрта Ер денгизи шарқий қисмига чиқаришга буйруқ берди.

Шунингдек, 13 ноябрь куни Парижда амалга оширилган террор ҳужумларидан сўнг Франция ҳарбий самолётларининг Суриядаги бомбардимони ҳам кучайтирилди.

Президент Франсуа Олланд АҚШ ва Россия ҳукуматлари ҳам бу масаладаги зиддиятларга барҳам бериб, "Исломий давлат"га қарши ҳужумларини кучайтириши керак, деб таъкидлади.

16 ноябрда Франция полицияси Париж шаҳри ва мамлакат бўйлаб 150дан ортиқ рейд ўтказди. Белгияда эса Париждаги ҳужумларни уюштирган асосий шахслардан бирига тегишли кўрилган уйдаги рейд натижасиз тугади.

13 ноябрдан 14 ноябрга ўтар тунда Франция пойтахти Париж шаҳрининг 6та жойида жангарилар томонидан террор ҳужуми уюштирилди.

Суиқасд ҳужумчилар уюштирган портлашлар ва "Батаклан" концерт залидаги отишмалар натижасида 132 одам нобуд бўлди, 300дан ортиқ одам жароҳатланди.

“Исломий Давлат” террор гуруҳи ҳужум учун масъулиятни ўз зиммасига олган.

Россия хавфсизлик хизмати A321 ҳалокати террор акти натижасидир, деб баёнот берди

Россия хавфсизлик хизмати раҳбари Мисрдаги Airbus A321 ҳалокати террорчилик акти натижасидир, деб баёнот тарқатди.

Мисрдаги Шарм ал-Шайх аэропортидан Санкт-Петербургга учаётган самолёт 31 окятбрь куни Синай ярим оролида қулаган эди. Унинг бортидаги 224 кишининг ҳаммаси қурбон бўлган.

"Исломий давлат"нинг Мисрдаги қаноти кўрилган террорчи гуруҳ ҳужум учун масъулиятни зиммасига олган.

Россия Федерал хавфсизлик хизмати раҳбари Александр Бортников 16 ноябрь оқшомида ўтган йиғилишда бортида қўлбола бомба портлаганидан сўнг самолёт ҳавода парчаланган, дея хулоса берди.

Йиғилишда иштирок этган президент Путин эса: "Биз Синайдаги террор ҳужуми ортида турган жиноятчиларни ернинг исталган нуқтасидан бўлса-да, топамиз ва жазолаймиз", деб таҳдид қилди. Шунингдек, у Суриядаги ҳаво ҳужумлари кўламини оширишини урғуларкан: "Жиноятчилар қасос муқаррарлигини билсин", деб қўшимча қилди.​

МРБ раҳбари ИД янги амалиётлар ўтказиши мумкинлигидан огоҳлантирди

МРБ директори Жон Бреннан.

АҚШ Марказий разведка бошқармаси директори Жон Бреннан ўтган ҳафта Парижда мудҳиш террор хуружларини амалга оширган “Исломий давлат” гуруҳи жангарилари янги амалиётларни амалга ошириши мумкинлигидан огоҳлантирди.

Бу баёнот Бреннан тилидан Стратегик ва халқаро тадқиқотлар маркази томонидан хавфсизлик бўйича 16 ноябрь куни Вашингтонда ўтказилган конференцияда янгради.

“Париждаги террор хуружлари ИШИД Яқин Шарқ хорижида ҳужумлар режалаётгани ва “хусусан, Европага кўз тикаётгани” ҳақида “стратегик огоҳлантирув”га эга бўлган АҚШ истихборат ҳамжамиятини ҳайрон қолдиргани йўқ”, деди Бреннан.

МРБ раҳбари Суриядан Европага қайтган экстремистларни кузатиш ишини энг асосий муаммолардан бири эканини айтди.

Эслатиб ўтамиз, шанбага ўтар кечаси Франция пойтахтида қатор терактлар содир этилиб, пировардида камида 129 киши ҳалок бўлганди. Ҳужумлар учун масъулиятни “Исломий давлат” гуруҳи ўз зиммасига олган.

Олланд АҚШ ва Россия ИДга қарши курашда бирлашиши лозимлигини айтмоқда

Франция президенти Ф.Олланд мамлакат парламенти икки палатаси олдида чиқиш қилмоқда, Париж, 2015 йил 16 ноябри.

Франция президенти Франсуа Олланд 13 ноябрь куни камида 129 киши ҳаётига зомин бўлган Париждаги ҳужумлардан сўнг АҚШ ва Россия “Исломий давлат” гуруҳига қарши курашда кучларни бирлаштириши лозимлигини билдирди.

16 ноябрь куни парламентда қилган чиқишида Олланд ҳамкорликка даъват учун яқин кунларда АҚШ президенти Барак Обама ва Россия президенти Владимир Путин билан учрашишни режалаётганини қайд этди.

Франция президенти парламент депутатларини Париждаги террор хуружлари ортидан киритилган фавқулодда ҳолат тартибини яна уч ойга узайтиришга чақирди.

Бу орада Франция хавфсизлик кучлари Париждаги терактлар бўйича кенг кўламли рейдлар бошлаб юборди. Маълумотларга кўра, душанба куни Францияда террор ҳужумларига алоқадорликда гумонланиб, 23 киши ҳибсга олинган.

13 ноябрдан 14 ноябрга ўтар тунда Франция пойтахти Париж шаҳрининг 6 жойида жангарилар томонидан террор ҳужуми уюштирилган. Бу ҳужумлар учун масъулиятни “Исломий давлат” радикал гуруҳи ўз зиммасига олган.

“Исломий давлат” гуруҳи Вашингтонга таҳдид қилмоқда

“Исломий давлат” гуруҳи душанба куни Интернет тармоғи орқали янги таҳдидлар акс этган видеони тарқатди. Мазкур видеода гуруҳ жангарилари Вашингтонда ҳам Париждаги каби террор хуружларини амалга ошириш билан пўписа қиладилар. Бу ҳақда Associated Press агентлиги хабар қилади.

12 дақиқали видеода экстремистлардан бири АҚШ бошчилигидаги коалиция Ироқда “Исломий давлат” гуруҳига ҳужум уюштираётгани учун мусулмонлар “Ғарбга зарба беришлари лозим”лигини таъкидлайди.

Бу гуруҳ ўтган жума Франция пойтахтида содир этилмиш қатор терактлар учун масъулиятни зиммасига олган. Аввалроқ эса “Исломий давлат” гуруҳи 31 октябрь кунги рус учоғи ҳалокатини ҳам ўзи уюштирганини иддао қилиб чиққанди. Мазкур авиаҳалокат чоғида 224 киши ҳаётдан кўз юмган.

Ўтган ҳафта Reuters агентлиги “Исломий давлат” гуруҳи Сурияда ҳарбий амалиётлар ўтказаётган Россияга қарши тез орада террор хуружлари содир этиш билан таҳдид қилгани ҳақида хабар берганди.

Туркманистонда доллар кескин қимматлаб кетди

Туркманистонда ҳуқуқ-тартибот ходимлари валюта айирбошлаш билан шуғулланган шахсларни тута бошлаши ортидан қора бозорда доллар курси кескин кўтарилиб кетди. Бу ҳақда “Хроника Туркменистана” нашри хабар тарқатди.

Нашрга кўра, “сарроф ови” бошлангунига қадар Туркманистонда бир АҚШ доллари 3,6 манатдан сотилган бўлса, шу кунда 4,5 манатдан сотилмоқда.

Айтилишича, шу йил 2 ноябридан бошлаб тартиб посбонлари валюта қора бозоридаги саррофларни тутиб кета бошлаган. Уларнинг аксарияти қайта қўлга тушгудек бўлса, жиноий жавобгарликка тортилиши ҳақида огоҳлантирув билан қўйиб юборилган.

Туркман банкларида валюта операциялари бўйича чеклов мавжуд бўлиб, у ерда бир киши бир харидда фақат минг долларгина сотиб олиши мумкин. Шунингдек, Туркманистонда бир киши йилига 8 минг доллардан кўп валюта сотиб ололмайди. Шу важдан кўпроқ долларга эҳтиёжи бўлганлар қора бозорга мурожаат қилишга мажбур бўладилар.

G20 саммитида терроризмга қарши курашни кучайтиришга келишилди

Туркиянинг Анталия шаҳрига ўтган G20 саммитида дунё лидерлари террорчиликка қарши курашни кучайтиришга келишиб олишди.

Саммит иштирокчилари Европа чегараларида назоратни яхшилаш, террорчиларнинг молиявий каналлари борасидаги разведка маълумотларини алмашиш бўйича ҳамкорликни мустаҳкамлашга ваъда беришган.

Россия Президенти Владимир Путинга кўра, Суриядаги вазиятни изга солиш ва терроризмга қарши курашда бирлашиш асосий масала ҳисобланади.

Буюк Британия Бош вазири Дэвид Кэмерон Путин билан алоҳида суҳбатдан сўнг "Суриядаги бўҳронни бартараф қилиш йўлида Россия билан Ғарб давлатлари ўртасида жуда катта бўшлиқ юзага келгани" ҳақида гапирди.

Кэмеронга кўра, ҳозирда барча томонлар муросага келишга тайёрлиги сезилмоқда.

Саммит доирасида АҚШ президенти Барак Обама ҳам президент Путин билан норасмий учрашув ўтказиб, Суриядаги урушни тўхтатиш масаласини муҳокама қилди. Оқ Уй маълумотида икки давлат раҳбари Сурия масаласи сиёсий йўл билан ҳал этилиши зарур, деган якдил фикрга келгани айтилади.

Давомини ўқинг

XS
SM
MD
LG