Линклар

Марғилонда хусусий тадбиркор уйини тўнаш ҳаракатида гумонланганлар ушланди


Фарғона вилоятининг Марғилон шаҳрида ниқобли номаълум шахслар хусусий тадбиркорлардан бирининг уйига бостириб кирганлар.

Ўзбекистон ИИВ матбуот хизматининг маълум қилишича, босқинчилар жабрланувчининг уйда ёлғиз бўлган қизи – 6-синф ўқувчисини қўрқитиб, пул талаб қилишган, аммо уйдан ҳеч нарса тополмай чиқиб кетишган.

Жиноят содир бўлган жойга етиб келган милиция ходимлари воқеани жабрланувчи ва унинг қўни-қўшниларидан суриштириб, жойни кўздан кечириб, жиноятда гумонланаётганларнинг алоҳида белгиларини ўрганиб чиққанлар.
“Олиб борилган тезкор-қидирув ва суриштирув ҳаракатлари натижасида мазкур жиноятни содир этганликда гумонланиб, 4 нафар муқаддам судланган шахс қўлга олинди”, дейилади Ўзбекистон ИИВ матбуот хизмати хабарида.
Марғилондаги босқинчилик бўйича айни пайтда жиноят ишлари қўзғатилиб, тергов ишлари бошлангани айтилмоқда.

XS
SM
MD
LG