Рюкзакда у турган жойдан ўтаётиб унинг ичида қуролни кўрган гувоҳ йўқ. Бир гувоҳ кейинчалик рюкзак ичида қуролни кўрган ва полицияга айтган. Ҳодиса юз бергандан кейин кимдир келиб, қуролни рюкзак ичига солиб кетган бўлиши мумкин, дея хулоса билдиради адвокат Конча.
Кончага кўра, ҳодисани ўз кўзи билан кўрган ёки Вольвони ҳодиса пайтида кўрган гувоҳ йўқ.
Биз Назаровга бошқа таҳдидлар бўлганини ҳам эшитдик. Бу ҳақда Довуд ва унинг онаси кўрсатма берган. У Довуд бир қўшнисидан гумонланганини ва суд бу жиҳатга ҳам эътибор қаратиши зарурлигини айтади.
Кончага кўра, Обид қорига қандай қуролдан ўқ узилгани маълум эмас. Чунки ўқ текширилгани йўқ. Кончанинг айтишича, ҳодиса прокурор айтганидан бошқача юз берган бўлиши мумин.