Линклар

Ўзбекистонда яна бир амалдор виртуал қабулхона очди


Ўзбек матбуоти шу кунларда Шавкат Мирзиëевнинг виртуал қабулхонаси аҳоли муаммоларини зудлик билан ҳал қилаëтганини мунтазам ëритмоқда.

Ўзбек матбуоти шу кунларда Шавкат Мирзиëевнинг виртуал қабулхонаси аҳоли муаммоларини зудлик билан ҳал қилаëтганини мунтазам ëритмоқда.

Ўзбекистон Бош вазири ва муваққат президент Шавкат Мирзиëевнинг виртуал қабулхонаси оммалашиб бораëтгани ортидан мамлакат Давлат рақобат қўмитаси раиси Даврон Хидоятов ҳам виртуал қабулхона очди.

Қўмита расмий сайтида ташкил этилган алоҳида саҳифада “Сизда ҳал этилмаган масалалар/муаммолар, ариза, шикоят ёки таклифлар борми? У ҳолда мурожаатингизни тўғридан-тўғри Ўзбекистон Республикасининг Хусусийлаштириш, монополиядан чиқариш ва рақобатни ривожлантириш давлат қўмитаси раисига 2 хил усулда:

қўнғироқ қилиш ёки мурожаат юбориш орқали амалга оширишингиз мумкин”¸ деган эълон 7 ноябрь куни пайдо бўлди.

Виртуал мурожаатни тўлдириш учун шахснинг ими-шарифи¸ яшаш манзили¸ туғилган жойи ва санаси¸ шунингдек электрон почта манзили ва телефон рақами талаб қилинади.

Қўмита раисига мурожаат қилмоқчи бўлганларга “мурожаатингиз тезкор равишда ҳал этилишини истасангиз, ҳар бир масала бўйича алоҳида мурожаат йўллашингизни ҳамда мазкур мурожаатни лўнда, оддий ва равон тилда баён этишингизни сўраймиз!” деган мазмунда маслаҳат берилган.

Айни пайтда¸ мурожаатчиларга ўз шикояти 259-21-37 телефон рақамига қўнғироқ қилиш орқали билдириш ва бу мурожаат мақомини виртуал текшириш имкони ҳам берилган.

XS
SM
MD
LG