Ҳозирча йўқ

Хайрли тонг¸ Ўзбекистон!
07:00 - 08:00
Янги кундан дараклар
08:00 - 09:00
Оқшом тўлқинлари I
19:00 - 20:00

Озодликка боғланиш

_{Ўзбекистондаги янгилик ва жараëнлар ҳақдаги хабарларингизни
+42 06 02 61 27 13 ëки +42 07 76 36 8434 рақамига қўнғироқ қилиш ëхуд SMS йўллаш орқали Озодликка йўллашингиз мумкин.
Озодлик ходимлари билан эса¸}_{uzbekweb@
rferl.org}_{электрон манзилига мактуб ëзиш орқали боғланишингиз мумкин.
Озодликнинг Skypeдаги манзили эса: ozodlikradiosi}

Линклар

Озодликнинг Прагадаги ходими бўлишни истайсизми? Ўзбек¸ инглиз ва рус тилларида мукаммал ëза олувчи журналист бўлсангиз¸ резюменгизни uzbekweb@rferl.org электрон манзилига йўлланг!

Ўзбекистон

Электр ҳам қимматлади

Янги қонунга мувофиқ¸ яна қимматлаган электр энергияси истеъмоли устидан назорат ҳам¸ жавобгарлик ҳам кучаядиган бўлди.

03.07.2009

Меҳрибон

Ўзбекистон парламенти электр ўғирлаганлик учун маъмурий жазони жиноийга айлантирганидан саноқли кун ўтиб¸ 1июлдан бошлаб мамлакатда электр энергияси тарифлари яна оширилди.

Бу ҳақда Ўзбекистонда электр энергияси тақсимоти билан шуғулланувчи “Ўзбекэнерго” давлат акциядорлик компаниясининг расмий сайтида эълон қилинди.

Наманган вилоят “Электр тармоқлари” идораси ходими аҳоли фойдаланадиган электр энергияси учун янги белгиланган нархларга тўхталади.

- Эски нарх 62 сўм 20 тийин. Ҳозир 64 сўму 80 тийин бўлди. Бу 1 июлдан ошди. Аҳоли эски нарх бўйича 15 июлгача қарзларни тўлаши керак. Аҳоли эски нархда 1 июлгача истеъмол қилганини тўлайди.

1 июлдан бошлаб янги нархда тўлайди. Масалан, 1 июл куни беш киловатт ишлатса, ўшани янги нархда тўлайди. 1 июлгача бўлганини эски нархда, деди Наманган вилоят “Электр тармоқлари” идораси ходими.

Биз электр нархининг оширилиш сабаблари билан ҳам қизиқдик.

- Бу Молия вазирлиги томонидан қабул қилинади. Буни электросет қабул қилмайди. Давлат томонидан регулировка қилинади.

Озодлик: Масалан¸ ўша ҳолатда нималар ҳисобга олинади?

- Биринчиси ёнилғи. Бунга мазут, кўмир, газ киради. Ўшанинг таннархи ошгани учун электрнинг нархи параллел равишда ошади, деди Наманган вилоят “Электр тармоқлари” идораси ходими.

Ўзбекистонлик иқтисодчи Комрон Алиев фикрича, кейинги пайтда ҳукумат томонидан турли хизматлар ҳақларининг пешма-пеш оширилаётгани молиявий бўҳрон билан боғлиқдир.

-Ўзбекистонда фақат электр энергиясининг нархи кўтарилаëтгани йўқ. Халқ истеъмол молларидан кўпчилик товарлар ҳам кўтарилиб бораяпти. Масалан, куни кеча буханка ноннинг нархи оширилди. 300 сўмдан 350 сўмга етди.

Демак, энг керакли маҳсулотлар ва халқнинг пули энг кўп кетадиган жойлар – масалан, электроэнергия ва бошқа хизматларнинг ошишини дунë бўйлаб кузатилаëтган кризис билан тушунтириш мумкин. Яъни давлатнинг маблағлари камайиб кетган¸ четдан келаëтган пуллар камайиб кетган¸ бозорлардан тушаëтган оборотлар кам.

Мана шуларнинг натижасида ҳукумат бюджетни тўлдирадиган қанақадир йўлларини қидираяпти, дейди Комрон Алиев.

Қашқадарёлик Муҳаммадсолиҳ Раимовга кўра, электр энергиясининг қимматлаши камбағал оилалар зиммасидаги қарз юкини янада оғирлаштириб юборади.

- Ўзи-ку ҳозир шундай ҳам одамлар бир амаллаб амал-тақал қилиб кунини ўтказаяпти. Қарийб бир йиллаб¸ олти ойлаб электрдан қарзини тўлай олмай юрганлар бор. Яна буни тўрт фоизга кўпайтиришга ақлим бовар қилмай қолди. Бу нарсани “ўлганнинг устига тепган”, дейди.

Билмадим, оддий халқимиз бунга қандай қилиб бардош берар экан. Оддий халқ қандай шароитда, қандай вазиятда бўлса ҳам “бир амаллаб қорнимни тўйдирсам” деб юрган бир пайтда¸ бу нарсанинг яна бўлиши жуда қийин нарса. Халқни ўйлайдиган бирорта раҳбар қолмади, деса ҳам бўлаверади, дейди Муҳаммадсолиҳ Раимов.

Ўзбек расмийлари электр нархини кўтариш билан бирга электрдан ноқонуний фойдаланганлик учун жазо чораларини кучайтираяпти.

24 июн куни Ўзбекистон парламенти қабул қилган янги қонунга мувофиқ, эндиликда электр ва иссиқлик тармоқларига ноқонуний йўл билан уланганлик учун маъмурий эмас, жиноий жазо қўлланиладиган бўлди.

Кўпчилик бу каби тадбирлардан кейин электр билан боғлиқ муаммолар ҳам барҳам топса яхши бўларди, деган фикрда. Чунки кейинги йилларда мамлакатнинг деярли барча жойларида электр энергиясида узилишлар бўлаётгани маълум.

Ўзбекистон Монополиядан чиқариш, рақобат ва тадбиркорликни қўллаб-қувватлаш қўмитаси маълумотига кўра, ташкилотга келаётган шикоятларнинг 25 % айнан электр энергияси муаммолари билан боғлиқ бўлиб, қиш мавсумида мамлакатнинг деярли барча вилоятларида кунига 14 соатдан чироқ ўчириб қўйилаётгани аниқланган.

Бу форум ёпилган

Шарҳларни саралаш

Шарҳлар

муаллиф: ozod қаердан: Ayta olmayman

03.07.2009 20:04

(Davomi)
Bizda shunday tushuncha bor, bir hil ovqatni to'yib eyish-yahshi ovqatlanish hisoblanadi. Ilmiy tibbiyotda esa, garchi qorin to'ymasada, iloji boricha bir ovqatlanishning o'zida turli hil masalliqlardan, salatlardan, va hakozalardan istemol qilish eng yahshi to'yishdir. Chunki faqat kartoshka, sabzi, piyoz va har har zamonda go'stdan tashkil topgan ovqatda faqat ushbu mahsulotlar o'zida ko'proq saqlaydigan moddalar mavjud. Siz ushbu ovqatdan ko'p eb "mazza qilib to'ydim" deganingiz bilan, faqat mana shu moddalarga to'yasiz, unda ham o'sha modda tanangizga qancha lozim bo'lsa o'shanigina oladi, ortig'ni.. o'zingiz bilasiz. Badanga kirishi lozim bo'lgan qanchadan qancha moddalar boshqa mahsulotlarda saqlanadi. Mana nima uchun ovqatlanishda to'yish emas, balki eyiladigan taomning har hilligi juda muhim. Mana nega kamqonlik, temir va ruh va boshqa moddalar etishmasligi qaerdan kelmoqda. Ko'pchilik bizdagi "siyosatdon"lar bu holni ekologiya bilan izohlashadi. Ho'sh ushbu ekologiya nega Evropa yohud turmush darajasi yuqori darajada bo'lgan davlat halqlariga tasir qilmaydi? Hullas shunday bir sharoitda elektr toki yohud boshqa hizmatlar haqqini oshirish shunchalar ham dolzarbmidi,...? Men halqning iqtisodiy turmush darajasini men va mening oilam misolida ko'rsatishni hohladim holos. Menga masalan ilmiy hayot juda yoqadi va men bu hayotdan juda qoniqaman, eh qani endi bizda shu erdagi kabi laboratoriyalar, jihozlar, sharoitlar bo'lsa mazza qilib o'z oilang oldida, vataningda ishlasang!!!!!!! O'rtoq boshliq esa "moliyaviy buhronni O'zbekiston sharoitida aylanib o'tish"ni yangidan yangi choralarini o'ylab topmoqda va negadir faqat shu sharoitda qo'llayaptida...?

муаллиф: ozod қаердан: Ayta olmayman

03.07.2009 20:03

Bechora halq......, men hozir chet eldaman, yaqinda keldim, hotinim, farzandlarim bor, ilmiy hodimman. Qiziq O'zbekistonda oyligim yahshiroq edi (boshqalarga qaraganda), lekin ko'pincha go'shtsiz ovqat qilamiz, bechora ayolim nonsiz qolib ketgan kunlar bo'ldi (nafaqat non, balkim eyishga hech narsa). Men esa ko'chada uydagi hotinimni o'ylab qarz ilinjida ishhona va ko'chada o'tgan ketgan tanishlarga javdirab qarayman. Qilinadigan ovqat ham malum. Menimcha asosan ikki yoki uch hil ovqat hafta davomida aylanib kelaveradi. Birinchi, ikkinchi, desert, ichimlik degan narsalar haqida aslo gap bo'lishi mumkin emas, hattoki asosiy aholi bu haqida tasavvurga ham ega emas. Salat ko'proq shu mehmon keladigan vaqtlarda, u ham bo'lsa o'sha bizda hozir mashhur va malum bo'lgan sabzi va karam salat eyiladi. Ha aytgancha u ham iloji boricha tejalib eyilishi lozim. Hozir bu erda bir oyda bor yo'g'i ovqatga hammasi bo'lib 100 evro sarflayman, O'zbekistondan menimcha naqs 20 marotaba yahshi oyqatlanayapman. O'zbekistonda esa o'sha bor yo'g'i ikki yoki uch hil ovqat eyilayotgan sharoitda 100 evro urpoq ham bo'lmaydi. Narh evropa bilan deyarli bir hil ekan, bu erda bazi (balkim ko'p) mahsulotlar O'zbekistondan arzon. Bechora ayolim uyini tez sog'inib turardi, poytaht Toshkentda turardik, kulgilimi yoki achinarli, u bechora uyida to'yib yahshi ovqatlanardi...., bechora uyini tez-tez so'g'inib turardi....., lekin menga biror marta ham minnat qilgani y'oq, sababi garchi qarindoshlar orqali turmush qurib topishgan bo'lsakda meni qattiq sevadi. Alhamdulloh men ham. Katta farzandimni endi tili chiqa boshlagan. Pichi, Pichi deb yig'lab qolardi, pichiga esa pul yo'q, oylikdan esa umuman 2 oylab darak yo'q (yilning boshida butun O'zbekistonda, hatto poytahtda ham 3 oy to'liq oylik berilmadi). Men Vatanni yomonlamoqchi emasman. Bu erga ilk kelgan kularim vatanni shu qadar sog'indimki, bore deb ketib qolishimga ozgina qoldi. Vatanimni juda sevaman, halqimni dunyoning boshqa rivojlangan halqlari qatorida k'orishni judo hohlayman... nimadir qilgim keladi bu yo'lda. Bu muammoni aytishdan maqsad masalani echimini topish uchun avvalo ushbu masala ko'tarilishi, o'rtaga qo'yilishi lozim. Masalaning dolzarbligi tushuntirilishi lozim. Bundan maqsad shuki hozir O'zbekistonda turli hil kasalliklar, bolalar o'limi, bolalar o'rtasida har hil kasalliklar turi va ko'lami borgan sari ko'paymoqda.

Ўртоқлашинг