Рамзий маънога эга муваққат президентлик лавозимини келиб чиқиши сунний бўлган Ғози Машал Явар эгаллади. Шиалар вакили Иброҳим ал Жафарий ҳамда келиб чиқиши курд бўлган Ровш Шавайсларга эса вице-президентлик лавозимлари берилди. Улар январ ойига қадар, яъни Ироқда илк сайловлар бўлгунга қадар мамлакатни идора этадилар. Шунингдек, муваққат ҳукуматга кирган 30та вазир номлари ҳам эълон қилинди. Вазирлар махкамасини жума куни бош вазирликка тайнланган шиалар вакили Ияд Аллавий бошқаради.
Аднан Пачачининг президентликка тайнланишига Ироқ Бошқарув Кенгашининг кўпчилик аъзолари қарши чиқди. Душанба куни Пачачи номзоди деярли тасдиқлаб бўлинган эди. Аммо, кейинчалик Бошқарув Кенгашининг кўплаб аъзолари Ироқ собиқ ташқи ишлар вазири бўлган 81 яшар Пачачининг президентликка тайинланишини улар хоҳиш иродаларига зид дея таърифлаб, Пол Бремер маъмуриятини ўзбошимчаликда айблай бошлашган. Ўзини ноқулай аҳволда сезган Почачининг эса лавозимдан воз кечишдан бошқа чораси қолмади. Асли касби мухандис бўлган 45 яшар Ғози Машал ал Яварнинг президентликка тайнланиши ҳақида гапирадиган бўлсак, Ироқ Бошқарув Кенгаши унинг номзодини кўпдан бери қўллаб қуватлаётган эди. БМТнинг Ироқдаги вакили Лахдар Брохимий Ғози Яварнинг президентликка тайнланганини тасдиқлар экан, Ироқ Бошқарув Кенгашининг кўпчилик аъзоси Явар номзодини мақуллаганликларини маълум қилди.
Сўнгги пайтларда Ғози Машал ал Явар ўзининг Америка сиёсатига нисбатан танқидий чиқишлари билан Ироқ сиёсий сахнасида анча кўзга кўриниб қолди. Масалан, Явар хокимиятни ироқликларга топшириш борасидаги Америка илгари сурган резолюция лойиҳасига ҳам қарши чиқиб, бу резолюция Ироқ халқига улар хоҳлаётган суверенитетни бермаслигини ва мамлакат тўлиқ мустақилликка мухтож эканини таъкидлаган.
Аднан Пачачининг президентликка тайнланишига Ироқ Бошқарув Кенгашининг кўпчилик аъзолари қарши чиқди. Душанба куни Пачачи номзоди деярли тасдиқлаб бўлинган эди. Аммо, кейинчалик Бошқарув Кенгашининг кўплаб аъзолари Ироқ собиқ ташқи ишлар вазири бўлган 81 яшар Пачачининг президентликка тайинланишини улар хоҳиш иродаларига зид дея таърифлаб, Пол Бремер маъмуриятини ўзбошимчаликда айблай бошлашган. Ўзини ноқулай аҳволда сезган Почачининг эса лавозимдан воз кечишдан бошқа чораси қолмади. Асли касби мухандис бўлган 45 яшар Ғози Машал ал Яварнинг президентликка тайнланиши ҳақида гапирадиган бўлсак, Ироқ Бошқарув Кенгаши унинг номзодини кўпдан бери қўллаб қуватлаётган эди. БМТнинг Ироқдаги вакили Лахдар Брохимий Ғози Яварнинг президентликка тайнланганини тасдиқлар экан, Ироқ Бошқарув Кенгашининг кўпчилик аъзоси Явар номзодини мақуллаганликларини маълум қилди.
Сўнгги пайтларда Ғози Машал ал Явар ўзининг Америка сиёсатига нисбатан танқидий чиқишлари билан Ироқ сиёсий сахнасида анча кўзга кўриниб қолди. Масалан, Явар хокимиятни ироқликларга топшириш борасидаги Америка илгари сурган резолюция лойиҳасига ҳам қарши чиқиб, бу резолюция Ироқ халқига улар хоҳлаётган суверенитетни бермаслигини ва мамлакат тўлиқ мустақилликка мухтож эканини таъкидлаган.
