Татаристонда ҳалол маҳсулот чиқара бошладилар

Татаристонда ҳалол озиқ-овқат маҳсулотлари ишлаб чиқарадиган корхона иш бошлади.

Тадбиркор Линар Яқубовнинг Озодлик радиоси татар-бошқирд хизматига айтишича, у бошқарадиган "Ҳалол саноат парки" корхонасида исломий қоидалар асосида 30 дан зиёд турдаги озиқ-овқат маҳсулотлари ишлаб чиқарилади..

20 ноябр куни иш бошлаган "Ҳалол саноат парки" 4 гектар майдонни эгаллаган ишхона бўлиб, унда 200 дан зиёд ишчи-хизматчи меҳнат қилади.

Россияда 20 миллион нафар атрофида мусулмон бўлиб, кейинги йилларда исломий қоидалар асосида ишлаб чиқариладиган озиқ-овқат маҳсулотларига талаб кучайган.