Эрон Женева музокараларида Ғарбга ёнбосмаслигини айтди

Эроннинг ядровий дастури бўйича Бош музокарачиси Саид Жалилий давлат телевидениеси орқали қилган чиқишида “Эрон атом қувватидан фойдаланиш ҳуқуқига эга экани ва шу боис аввалги музокаралардаги каби бу масала сўзлашув мавзуси бўла олмаслиги”ни айтди.

Душанба куни Женевада Эрон ва дунёнинг олти етакчи давлати - АҚШ, Британия, Германия, Россия, Франция ва Хитой расмийлари ўртасида Теҳроннинг ядровий дастури борасида музокаралар бошланиши режаланган.