Британия парламентида 25 ёшли рус жосуси топилди

Буюк Британия парламентида ишлаётган россиялик Катя Затуливетер жосусликда айбланиб, ҳибсга олинди.

Sunday Times нашрининг ёзишича, Британия Ички разведка хизмати бўлган MI5 25 ёшли Катяни Россия разведкасига ишлашини таъкидлаб, уни “уйқудаги” жосус, деб топган.

Катя Затуливетер парламентдаги Либерал-демократлар партиясидан вакил Майк Ҳэнкокнинг ёрдамчиси бўлиб ишлар эди ва Ҳэнкок Sunday Timesга берган интервюсида айбловни асоссиз эканини таъкидлаган.