"Халқаро амнистия" Қирғизистон раҳбариятини июн қирғини учун танқид қилди

"Халқаро амнистия" ташкилоти Қирғизистон раҳбариятининг мамлакат жанубида июн ойида юз берган тартибсизликлар давомидаги ҳаракатларини танқид қилди.

Ташкилот фикрича, Қирғизистон расмийлари 4 кун давом этган зўравонликларнинг минглаб қурбонлари учун адолатни таъминлаб бера олмаган.

"Халқаро амнистия"нинг "Чала ҳақиқат ва танланган адолат: 2010 йил июн воқеалари оқибатлари" деб номланган янги ҳисоботида таъкидланишича, Қирғизистон ҳукумати июн воқеалари объектив ўрганилишини таъминлаш учун етарли ҳаракат қилмаяпти.