Исроил вазири: Эрон уч йилда атом бомбасига эга бўлиши мумкин

Исроил расмийси Эроннинг ядровий дастури “қатор технологик ва бошқа қийинчиликларга дуч келгани” ва мамлакат уч йилдан кейин атом бомбаси яратиши мумкинлигини айтди.

Исроилнинг Стратегик масалалар бўйича вазири Моше Йаалоннинг бу шарҳи Эрон уранни бойитишда фойдаланилган центрифугалар саботаж қилинганини айтганидан бир ой кейин Исроил радиоси орқали берилди.

Ғарб давлатлари Эрон яширинча атом қуролини яратишга уринаётганидан хавотир билдириб келмоқда.

Аммо Эрон атом энергиясидан тинч мақсадда фойдаланмоқчи эканини таъкидлаб келади.