Эрон президенти 14 маслаҳатчини ишдан бўшатгани хабар қилинди

Эрон президенти Маҳмуд Аҳмадийнажод ҳукуматда кадрларни алмаштириш доирасида 14 нафар маслаҳатчини ишдан бўшатди.

Бу ҳақда ҳукуматига қарашли www.mashreghnews.ir интернет сайти маълум қилди.

Аммо бу хабар оммавий ахборот воситалари ва президент маъмурияти томонидан тасдиқланмади.

Ўтган ой Аҳмадийнажод узоқ вақтдан бери ташқи ишлар вазири лавозимида ишлаб келган Манучеҳр Муттақий ва ёшлар масалалари бўйича вице-президент Меҳрдод Бозрпашни кутилмаганда ишдан бўшатган эди.