Бу ҳақда Ўзбекистон мустақил ҳуқуқ ҳимоячилари ташаббус гуруҳи хабар тарқатди.
Ташкилот раҳбари Суръат Икромовнинг Озодликка айтишича, бу маҳкамалар ўтган йил феврал ва март ойларида Тошкент вилоятининг турли туманларида яширин ва ёпиқ тарзда ўтказилган.
Суд ҳукмига кўра, 84 судланувчи 13 йилдан 18 йилгача бўлган муддатга озодликдан маҳрум қилинган. Ўзбекистон мустақил ҳуқуқ ҳимоячилари ташаббус гуруҳи маълумотига кўра, Анвар қори Турсунов ҳаётига суиқасд қилганлик ҳамда Ички ишлар вазирлиги ходими Ҳасан Асадовнинг ўлимида айбланиб мамлакат бўйича жами 200дан зиёд киши ҳибсга олинган.
Ўзбекистон мустақил инсон ҳуқуқлари ташаббус гуруҳи раҳбари Суръат Икромов билан суҳбатни тинглашингиз мумкин.