Қозоғистон Ташқи ишлар вазирлиги экстрадиция қилиш қарорини қочқинлар ўз ватанларида ўта оғир жиноятларда айбланаётгани билан изоҳлади.
Ўзбекистон бу тутқунларни турли диний экстремистик ташкилотларга аъзолик ва конституцион тузумга тажовуз қилиш каби айблар билан қидирувга берган эди.
Ўзини Умид деб танитган 28 яшар ўзбекистонлик диндор Ўзбекистонга экстрадиция қилинган қочқинлар билан бирга бир йил аввал Олмаотада ҳибсга олинган ва кейинчалик қўйиб юборилган эди.
Ҳозир Европа давлатларидан бирида бошпана топган Умид Озодлик билан суҳбатда ҳамюртлари асоссиз айбловлар билан Ўзбекистонга топшириб юборилгани ҳақида гапириб берди.
