АҚШ пойтахти Вашингтон шаҳри Дональд Трампнинг инаугурациясини ўтказишга тайёрланар экан, шаҳарга тантаналарда иштирок этмоқчилар ҳам, сайланган президентга қарши намойишга чиқмоқчилар ҳам - минглаб одам келмоқда.
19 январь куни ишчилар “Миллий аллея” парки атрофини 4,5 метр баландликдаги сим девор билан ўраб чиқди.
Шаҳар кўчаларида қўшимча хавфсизлик тўсиқлари ўлароқ фойдаланиш мумкин бўлган, қум ортилган юк машиналарини ҳам кўриш учун.
Кун давомида Линкольн ёдгорлиги яқинидаги саҳнадан рок мусиқа эшитилмоқда.
Вашингтонга 19 январда тушлик пайтида ҳарбий самолётда келган Трамп ва бошқа расмийлар Арлингтон миллий қабристонида гулчамбар қўйди.
Трамп Линкольн ёдгорлигида бўлиб ўтган концертдан кейин Вашингтонга “ҳақиқий ўзгаришларни” олиб келишни ҳамда бўлинган давлатни бирлаштиришни ваъда қилди.
Расмийларнинг билдиришича, янги президент қасамёди муносабати билан шаҳарга 900 мингга яқин одам келиши мумкин. Полиция ходимлари Трампни қўлловчилар ва уларга қаршилар тўқнашмаслигини таъминлаш учун курашади. Шаҳарни 28 минг полициячи назорат қилмоқда.
Дам олиш кунлари камида уч аксил-Трамп намойиш ўтказилиши режалаштирилган. Энг катта намойиш “Аёллар марши” деб аталади ва 21 январга режалаштирилган. Трампни қўлловчилар эса камида бир намойиш ўтказади. Трампни қўлловчи бир гуруҳ мотоциклчи 20 январь куни намойишга чиқмоқчи.
Трамп охирги 25 йил ичида энг паст рейтинг билан иш бошлаган президенилар қаторига кирди.
