Линклар

16 декабр 2017, Тошкент вақти: 04:18

Швецияда яшаётган ўзбекистонликлар акциясида Стокхолмда амалга оширилган ҳужум қораланди


7 апрель куни Швеция пойтахтида номаълум шахс юк машинасини одамлар устига ҳайдаши оқибатида 4 одам ўлди, 15 одам жароҳатланди.

Бугун Швециянинг жануби-шарқидаги Остергётланд шаҳрида бу мамлакатдан бошпана олган бир неча ўн ўзбекистонлик Швеция халқи билан бирдамлик акциясини ўтказди.

Уюштирувчилардан бирининг Озодликка айтишича, акцияда қатнашганлар 7 апрел куни Стокхолмда амалга оширилган террор ҳужумини кескин қоралади.

Маълумотларга қараганда, Швецияда 4 минг нафарга яқин ўзбекистонлик яшайди.

Якшанба куни Стокхолмда “Муҳаббат намойиши” деб номланган оммавий акция бўлиб ўтди. Шаҳар марказида, террор ҳужуми амалга оширилган жой яқинида минглаб шаҳарликлар йиғилди. Акция иштирокчилари нобуд бўлганларнинг хотирасига бир дақиқалик сукут сақлади. Стокхолмликлар акциясида ўзбекистонликлар ҳам иштирок этди.

Швеция полицияси 7 апрель куни Стокҳолмдаги террорни содир этишда гумон қилинган 6 шахсни ушлади.

Улардан бири "Ислом давлати" экстремист гуруҳига мойил бўлган ва Швециядан депортация қилинишидан қўрқиб, яшириниб юрган 39 яшар ўзбекистонлик экани маълум қилинган.

Полиция айнан шу ўзбекистонлик 7 апрель куни шаҳар марказида бораётган йўловчилар устига солинган юк машинасини бошқарган, деб гумон қилмоқда.

Бундан ташқари, бу ўзбекистонликка жиноятни содир этишда гумон қилинган яна бир шахс мамлакатнинг шимолий қисмида қўлга олингани айтилди, аммо унинг шахсига оид маълумотлар ҳам очиқланмади.

7 апрель куни Швеция пойтахтида номаълум шахс юк машинасини одамлар устига ҳайдаши оқибатида 4 одам ўлди, 15 одам жароҳатланди.

Ўлганларнинг 2 нафари Швеция, бири Бельгия, яна бири Буюк Британия фуқаросидир. Жароҳатланганларнинг 10 нафари ҳануз шифохонада қолмоқда, улардан 4 нафарининг аҳволи оғирлиги айтилди.

XS
SM
MD
LG