Германия ҳукумати сўзчисининг айтишича, Саудия қироли Салмон бин Абдулазиз 7 ва 8 июль кунлари Германиянинг Гамбург шаҳрида бўлиб ўтажак G20 cаммитида иштирок этмайди.
Стеффен Сейбертга кўра, Саудия ҳукумати Берлинни 81 яшар подишоҳ саммитда иштирок эта олмаслиги ҳақида огоҳлантирган.
Сейберт Қирол Салмон қарори сабабларини маълум қилмади.
Аммо Саудия дипломатик манбаларига кўра, G20 cаммитида иштирок этмаслик қарори Саудия Арабистонининг Қатар билан бўлган баҳсига боғлиқ.
Саммитда Қирол Салмон ўрнига Саудия Арабистони молия вазири Муҳаммад ал-Жадон қатнашади.