Линклар

Покистон ва Ҳиндистон расмийлари бир-бирини террорни қувватлашда айблади


Ҳиндистон Ташқи ишлар вазири Сушма Свараж

Покистон ва Ҳиндистон расмийлари БМТ Бош ассамблеяси йиғинида бир-бирини террорни қувватлашда айблади.

Покистоннинг БМТдаги элчиси Малиҳа Лодҳи Ҳиндистонни Жанубий Осиёдаги "террорнинг онаси", деб қоралади.

Ундан аввал Ҳиндистон Ташқи ишлар вазири Сушма Свараж Покистонни "террорчилар тайёрлайдиган завод", "Террористон", деб атади.

Ҳиндистон томони даъвосича, Исломобод Кашмир минтақасидаги террорчи гуруҳларга ҳарбий машғулот ва қурол-яроғ билан ёрдам бермоқда.

23 сентябр куни Покистон элчиси айбловларни рад этиб, бу билан Ҳиндистон ўз хавфсизлик кучларининг аҳолиси катта қисми мусулмон бўлган Кашмир минтақасидаги "зўравонлиги"дан халқаро ҳамжамиятни чалғитишга уринмоқда, деб баёнот берди.

XS
SM
MD
LG