Лондонда жойлашган Сурия инсон ҳуқуқлари мониторинг гуруҳининг маълум қилишича, “Ислом давлати” жангарилари якшанба куни Дамашқ яқинидаги Ярмук анклавидан эвакуация қилинди.
Рейтер агентлигининг маълум қилишича, гуруҳ олиб чиқилганидан кейин бу ҳудудда Сурия президенти Башар Асад режими ўз назоратини ўрнатди.
Сурия давлат ОАВ анклавни тарк этиш борасида Ярмук яқинидаги қочқинлар лагери атрофида бўлган “исломчи”лар билан эришилган келишув ҳақида маълумот бермади. Шанба куни Суриядаги ҳарбий манба жангарилар билан қандайдир келишувга эришилгани борасидаги хабарларни инкор қилган эди.
Ярмук анклавида назорат ўрнатилиши билан Сурия ҳукумати мамлакат ғарбидаги исёнчиларнинг сўнги мавқеларини йўқ қила бошлади. Бироқ, Асад режими назоратида бўлмаган Туркия, Ироқ ва Иордания билан чегарадаги ҳудудлар ҳам бор.
Мониторинг гуруҳи вакилларининг хабар қилишларича, автобуслар тун ярмида анклавга келган ва жангариларни оилалари билан биргаликда у ердан олиб чиққан. Улар Дамашқдан шарқда жойлашган Сурия даштларининг шимолидаги кам сонли аҳоли истиқомат қиладиган Ал-Бадия томон йўлга чиқди.