Линклар

Шошилинч хабар
19 июл 2019, Тошкент вақти: 15:22

"Сунъий ақл" дунёнинг манаман деган олти қиморбозини доғда қолдирди


Карнеги-Меллон университети тадқиқотчилари Facebookнинг сунъий интеллект лойиҳаси доирасида ишлаб чиққан дастур олти нафар профессионал покер ўйинчиси устидан ғалаба қозонганини маълум қилишди.

Pluribus номи берилган дастурнинг ғалабаси ҳақида Science журналида ёзилди.

Карнеги-Меллон универститетининг информатика бўйича профессори Томас Сандхолм:

- Pluribus кўп иштирокчили покерда суперодам натижасини кўрсатди. Бу эса сунъий интеллект ҳамда ўйин назариясида катта юқутқидир, - деди.

Сандхолм тажрибани университетнинг докторанти ҳамда Facebook ходими Ноам Браун билан бирга ўтказган.

Университет эълон қилган баённомада “Бугунга қадар стратегик ўйлаш соҳасида суперодам сунъий идрок ютуқлари икки тарафлама рақобатга чекланиб келаётган эди”, дейилади.

Pluribus дастурини ишлаб чиққанларнинг айтишича, ушбу технология покер ўйини каби “муҳим маълумот яшириладиган ва иштирокчилар бошқаларни лақиллатишга уринадиган турли ҳақиқий муаммоларни” ечишда қўл келиши мумкин.

Бошида дастур ўзига қарши ўйнаб, покер стратегияларини ўрганиб чиққан.

Дастур муаллифлари унинг ўзгача жиҳатларидан бири аралаш стратегиялардан фойдаланиш қобилаяти эканлигини айтишди.

Браун ҳатто дастурнинг айрим стратегиялари одамлар покер ўйнашини ўзгартириши мумкинлигини башорат қилди.

XS
SM
MD
LG