Линклар

Шошилинч хабар
30 ноябр 2021, Тошкент вақти: 14:30

Президент сайлови: Бошланганидан 3 соат ўтиб, сайлов бўлиб ўтгани эълон қилинди


Амалдаги президент ва президентликка номзод Ш. Мирзиёев оиласи билан бирга овоз бермоқда, 24 октябрь, 2021

Резюме

  • Якшанба куни Тошкент вақти билан соат 8:00 да мамлакат бўйлаб сайлов участкаларида Ўзбекистон президенти сайлови учун овоз бериш жараёни бошланди.
  • Овоз бериш соат 20:00гача давом этади.
  • Сайловда амалдаги президент Шавкат Мирзиёев (Ўзбекистон Либерал-демократик партияси) дан ташқари 4 номзод - Алишер Қодиров (Миллий тикланиш партияси), Баҳром Абдуҳалимов (Адолат социал-демократик партияси), ягона аёл номзод - Мақсуда Ворисова (Халқ-демократик партияси) ҳамда Нарзулла Обломуродов ( Экологик партия) қатнашмоқда.
  • Марказий сайлов комиссияси 19 миллион 859 минг 127 сайловчи рўйхатга олинганини эълон қилган.
  • МСК Тошкент вақти билан соат 11 да президентлик сайлови бўлиб ўтгани тўғрисида баёнот берди.
  • Олий Суд раиси соат 15:00 гача саловда овоз бериш жараёни билан боғлиқ қонунбузарлик ёки низо ҳақида маълумот келиб тушмади, деб баёнот берди.

Москвада, сайловда қатнашганларга озиқ-овқат ва иссиқ ичимликлар тарқатишди.

Бунга қадар элчихона олдида овоз беришни истовчи меҳнат муҳожирларининг фавқулодда тиқилинч навбати акс этган видеолар тармоқларда ёйилди.

Москвадаги ўзбекистонликларга кўра, элчихонада тузилган сайлов участкаси ва консуллик ходимлари, Россия пойтахтидаги йирик иш берувчи корхоналарга ўзбекистонлик ишчиларни овоз бериш участкасига юбориш ҳақида ёрдам сўраб, гўёки мурожаат қилган.

Натижада, меҳнат муҳожирлари автобусларда элчихонага ташилгани, айрим ҳолларда овоз беришга мажбурлангани айтилмоқда.

Tik-Tok тармоғида эса муҳожирлар овоз беришга мажбурланганини тасдиқлайдиган видео тарқалди.

Унда Ташқи Меҳнат миграцияси агентлиги раҳбари Саиднўъмон Мансуров "сайловда овоз бериш мажбурий эмас" деб таъкидлайди.

Масс-медиа фонди Васийлик кенгаши раиси, амалдаги президент ва президентликка номзод Шавкат Мирзиёевнинг собиқ матбуот котиби Комил Алламжонов ҳам оиласи билан бирга сайловда овоз берди.

Телеграм саҳифасида у "Келажагим учун овоз бердим!" деб ёзди ва #Мирзиёев21 хэштагини қолдирди.

Марказий сайлов комиссияси, маҳаллий вақт билан соат 17:00 гача сайловчиларнинг 71 фоизидан ортиғи овоз бериб бўлди, деб эълон қилди.

Соат 15:00 гача сайловчиларнинг 65 фоизга яқини овоз бериб бўлгани маълум қилинди

Давомини ўқинг

XS
SM
MD
LG