АҚШ Молия вазирлиги ҳам Россияга қарши санкцияларнинг янги туркумини эълон қилди
Вазирлик матбуот хизматига кўра, бу гал Россиянинг 22 фуқароси ва 83 ширкатига, шунингдек учинчи мамлакатларнинг санкцияларни четлаб ўтишда Россияга ёрдам бераётган 30 ширкатига нисбатан чекловлар қўлланган.
Санкция солинганлар орасида Россия бош вазири ўринбосари ва президент администрацияси раҳбари ўринбосари Магомедсалам Магомедов дохил 9 нафар юқори мартабали мулозим ҳамда “Россия 1” телеканали бошловчиси Ольга Скабеевалар бор.
Юридик шахслардан “Сколково” технопарки ва унга алоқадор ширкатлар, “Московский кредитний банк”, МТС Банк, “Левобережний” банки, “Санкт-Петербург” банки, “Приморье” банки, “СДМ-Банк”, “Уральский банк реконструкции и развития", Уралсиб, “Зенит” банки ва бошқа молия муассасалари “қора рўйхат”га тиркалди.
Бундан ташқари, АҚШ Россия активларини бошқарувчи ҳарбий-саноат комплекси ва аэрокосмик соҳага оид бир неча корхона ҳамда микроэлектроника ишлаб чиқарувчиларни ҳам санкцияларга тортди. Шунингдек, 2023 йил 10 мартдан АҚШда Россиядан импорт қилинадиган алюминий маҳсулотларига 200 фоизлик бож белгиланмоқда.
Украина замонавий комплексларни бошқарувчи курсантларни ёлламоқда
Украина Қуролли Кучлари Ҳарбий-ҳаво бўлинмаси Ғарбий ҳаво мудофаа тизимларидан фойдаланиш бўйича машғулотлар учун курсантларни ёллаш ҳақида эълон қилди.
Украина Қуролли Кучлари Қуролли кучлари қайд этишича, Украина ҳаво ҳужумидан мудофаа бўлинмалари аллақачон дунёдаги энг замонавий зенит-ракета комплекслари – IRIS-T, NASAMS, Crotale, Aspid, Avenger, Cheetah ва бошқаларни олган. Кейинги навбат Patriot и SAMP/Tларга.
Бўлажак курсантлар Иван Кожедуб номидаги Харков миллий ҳаво кучлари университетида таҳсил олади.
Днепропетровск вилояти Россия ҳужуми остида
Россия эса Украинанинг тинч аҳоли яшайдиган ҳудудларини бомбардимон қилишда давом этмоқда. Ўтган тунда Россия қуроллик кучлари 9 маротаба Днепропетровск вилоятининг Никопол туманини ўққа тутди.
В.Зеленский: Мен болаларимни кам кўряпман
Украина президенти Владимир Зеленский Россия ҳужумининг йиллиги муносабати билан 24-феврал, жума куни бўлиб ўтган матбуот анжуманида оиласи ҳақида гапирганида кўз ёшларини тия олмади.
Ўтган йили у учун энг қийини нима бўлди саволига Зеленский бундай жавоб қайтарди.
" Бу мен учун энг қийин савол бўлишини айтганим рост, шунинг учун унга жавоб бериш мен учун осон эмас. Энг муҳими фарзандларимнинг мен билан фахрланиши. Улар Украинада экани ва Украинада ўқиётганидан мен бахтлиман. Мен уларни, аёлимни бутун вужудим билан яхши кўраман, болаларим мен учун энг муҳим одамлардир, мен уларни кам кўряпман. Ота-онамни эса умуман кўрмаяпман.