Ўзбекистон делегацияси Чехияда
Чехия бош вазири Петр Фиала мамлакати Ўзбекистоннинг уран ва мис заҳираларига қизиқаётганини айтди. Бу ҳақда Фиала Прагада, Ўзбекистон бош вазири Абдулла Арипов билан музокаралардан сўнг гапирди.
Чехия бош вазирининг айтишича, чех томони Ўзбекистонга тоғ-кон қазилмалари техникасини таклиф қилиши мумкин. Шу йил апрелида Тошкентга ташриф чоғида Чехия ҳукумат делегацияси ўзбек томони билан Чехия машинасозлик компаниялари учун қатор шартномаларни муҳокама қилган эди.
Чехия компаниялари Ўзбекистондаги бошқа йирик лойиҳаларда ҳам иштирок этиши мумкинлиги айтилмоқда.
Бош вазир Фиаланинг сўзларига кўра, ўзбекистонлик ҳамкасби Арипов Чехияда ишлаб чиқарилган L410 самолётларидан кўпроқ сотиб олишга ҳам қизиқиш билдирган. Шу йилнинг ўзида Ўзбекистон иккита айни русумдаги самолётларни сотиб олди. Улардан биттаси президент Мирзиёев туғилган Жиззахнинг Зомин ҳудудини пойтахт билан боғлайди. Бунинг учун ўтган ой бошида Зоминда аэропорт ва 30 кишига мўлжалланган терминал ишга туширилган.
Россия ФСБси Марказий Осиёни “террорчи ташкилотлар” ҳужуми билан қўрқитмоқда
Терроризм мавзси МДҲга аъзо давлатлар махсус хизматлари раҳбарларининг Бокудаги йиғилишининг ҳам кун тартибида эди.
Ўзбекистон ДХХ раиси Абдусалом Азизов ҳам қатнашган йиғилишда сўзга чиққан Россия ФСБ директори Александр Бортниковнинг таъкидлашича, иқтибос - “халқаро террористик ташкилотлар сафига қўшилган Марказий Осиё республикалари фуқаролари чегара ҳудудларида разведка ўтказмоқда ва қўпорувчилик гуруҳлари ва террор воситаларини ўтказиш учун заиф ҳудудларни аниқламоқда”. Бортников, террорчиларнинг устувор мақсади Марказий Осиё мамлакатларида, хусусан, Тожикистон, Ўзбекистон ва Туркманистонда ҳокимиятни қўлга киритиш ва уларни глобал халифалик деб аталмиш давлат таркибига киритиш” эканлигини иддао қилди.
Россия хавфсизлик хизмати раҳбарининг даъво қилишича, бу Америка ва Британия разведка хизматларининг фаол иштирокида амалга оширилмоқда.
"Шу нуқтаи назардан, айни пайтда АҚШ ва НАТО афғон террорчилик таҳдидини жиловлаш баҳонасида Марказий Осиё республикаларидаги ҳамкорларимизга ҳарбий-техник ва ҳарбий-техник соҳада фаол равишда ўз хизматларини юклай бошлаганини табиий деб биламиз. Ишончимиз комилки, уларнинг вазифаси МДҲнинг ҳарбий маконини ривожлантириш, шунингдек, унинг иштирокчилари ўртасида бўлинишнинг янги йўналишларини жорий этишдир”, деди Александр Бортников.
Россия ФСБ раҳбари ўз иддаоларини тасдиқловчи бирон далил келтирмаган.
Экспертлар Россия Марказий Осиё давлатларини назорат қилиш учун минтақадаги терроризм хавфини бўрттириб кўрсатишини айтадилар.
Россия ИЛ-76ни ишлаб чиқаришни кўпайтирмоқчи
Россия илгари Тошкентда ишлаб чиқарилган ИЛ-76 транспорт учоғини уруш талабларига мувофиқ ишлаб чиқаришни кўпайтирмоқчи.
Россия Мудофаа вазирлиги 11 октябр куни мудофаа вазири Сергей Шойгунинг Россиянинг Уляновск шаҳридаги ҳарбий транспорт самолётлари ишлаб чиқарадиган заводга ташрифи акс этган кадрларни эълон қилди.
Улар орасида Ил-76 стратегик ҳаво юк ташувчи самолёти ва фаол хизмат кўрсатаётган дунёдаги энг йирик юк самолёти Ан-124 бор.
Ҳарбий қўмондонлар билан суҳбатда Шойгу Россиянинг Украинадаги ҳарбий кампанияси туфайли транспорт самолётларига бўлган талаб ўсишда давом этаётганини айтди.
"Украинада Махсус ҳарбий операцияни ҳисобга олган ҳолда, ҳарбий транспорт авиациясининг иш юки кўп марта ошди. Биз Совет Иттифоқининг даврларига нисбатан ҳарбий транспорт авиациясининг иш юкини икки бараварга оширдик. Ва бу иш юки тобора ортиб бормоқда ... Бугун биз қарор қабул қилишимиз ва АН-124 оғир транспорт самолётлари билан боғлиқ барча масалаларни кўриб чиқишимиз керак. 2025 йилга келиб уларнинг сонини икки баравар оширишимиз керак ", деди Россия Мудофаа Вазири.
Шу йилнинг 23 сентябрида Малида "Вагнер"га тегишли экани айтилган ИЛ-76 учоғи авиаҳалокатга учраганди.
Ил-76 илгари Ўзбекистонда В.П.Чкалов номидаги Тошкент авиация ишлаб чиқариш бирлашмасида серияли ишлаб чиқарилган. 2010 йилда транспорт учоғини ишлаб чиқариш расман Россияга Уляновскдаги Авиастар-СП заводига ўтказилган.
СБУ: Гроза қишлоғидаги кафени нишонга олишда кўмаклашган шахслар аниқланди
Украина Хавфсизлик хизмати Россия истилоси даврида Россия томонида ишлай бошлаган ва кейинроқ Россия ҳудудига кўчиб ўтган икки нафар маҳаллий аҳолини аниқлади. Украина разведкаси шу йилнинг Октябр ойи бошидан буён улар вафот этган ҳарбий хизматчини қайта дафн қилиш ҳақида маълумот йиғишаётгани аниқлаганини билдирмоқда. СБУ, кейинчалик дафн маросимининг вақти ва жойи ҳақидаги аниқ маълумотлар Россия армиясига ўтказилганини иддао қилмоқда.
Разведка гумон қилинган агентларнинг исмларини ҳам очиқлади: улар 30 ёшли Владимир Мамон ва унинг укаси, 23 ёшли Дмитрий Мамон. Улар давлатга хиёнат қилишда айбланмоқда.
Разведка хизматининг таъкидлашича, улар ҳужум натижасида тинч аҳоли, жумладан, уларга маълумот берганлар ҳам ҳалок бўлишини билишган.
Харков вилояти полицияси сешанба куни Россиянинг Купянский туманидаги Гроза қишлоғига ракета ҳужуми натижасида ҳалок бўлган 53 кишининг шахси аниқланганини маълум қилди. Ҳозирда 5 киши бедарак йўқолган деб ҳисобланади. Ҳаммаси бўлиб бедарак кетганлар ҳақида 22 та хабар келиб тушган, улардан тўрт нафари тирик топилган, 13 нафари ҳалок бўлганлар рўйхатига киритилган.
5 октябр куни Россия ракетаси Грозадаги кафе-дўконга келиб тушганди, ўша пайтда у ерда фронтда ҳалок бўлган украиналик ҳарбий хизматчининг дафн маросими бўлиб ўтаётган бўлган. Бомбардимон қурбонлари орасида марҳум эркакнинг ўғли ва бошқа оила аъзолари ҳам бор