Ўлими очиқ манбалар орқали тасдиқланган сафарбарлик асосида урушга олинган Россия аскарларининг 30 фоизи Украина қарши ҳужуми чоғида ҳалок бўлган – Би-би-си
Ўлими Би-би-си ҳамда “Медиазона” томонидан тасдиқланган 4 029 нафар россиялик сафарбар қилинган аскарлардан 1 205 нафари 2023 йил биринчи июндан 12 октябргача даврда ҳалок бўлган. Ушбу саналар Украина қарши ҳужуми саналарига тўғри келади.
Би-би-си урғулашича, бу сафарбар қилинган аскарлар ўлимини ҳисоблашнинг энг консерватив усулидир, чунки унда фақат очиқ манбалар орқали тасдиқланган ўлимларгина ҳисобланган.
Журналистлар ва волонтёрлар жамоаси Украинага тўлақонли босқин чоғида ҳалок бўлган жами 34 412 нафар россиялик ҳарбий исмларини аниқлашга муваффақ бўлишди.
Ушбу маълумотларга кўра, тасдиқланган ўлимларнинг знг кўпи маҳкумлар ва сафарбар қилинганлар ҳиссасига тўғри келади.
Аввалроқ Conflict Intelligence Team мутахассислари Россияда сафарбарлик доирасида камида 123 та янги ҳарбий қисм ташкил қилинганини аниқлашган эди.
Сафарбарлик бўйича хизматга олинганлар қайси қисмга тушганидан қатъи назар, сафарбар қилинган кунидан ўртача икки ҳафта ўтиб фронтга йўлланган.
РФ Мудофаа вазирлиги Россия ҳудуди узра 27 та дрон уриб туширилганини маълум қилди
РФ Мудофаа вазирлиги Россия ҳудуди узра 27 та дрон уриб туширилгани ҳақида маълумот берди. Вазирликка кўра, учоқ типидаги дронлар ҳужуми 15 октябрга ўтар кечаси навбатчи ҲҲМ воситалари томонидан даф қилинган.
Хабарномада 18 та дрон Курск вилояти устида, яна иккитаси Белгород осмонида йўқ қилингани айтилади. Қолган етти дрон қандай уриб туширилгани очиқланмаган.
Вазирлик дронлар ҳужуми учун жавобгарликни “Киев режими” зиммасига юклади.
15 октябрга ўтар тунда Курск вилояти губернатори Роман Старовойт вилоят осмонида 12 та дрон уриб туширилганини билдирди. Дрон парчалари шаҳар чеккасига ва Зорино қишлоғига тушган. Ҳеч ким жабрланмаган.
Аннексия қилинган Севастополга Россия томонидан “раҳбар” этиб тайинланган Михаил Развозжаев кечаси шаҳарда янграган гулдурак товушларни Қора денгиз флоти машқлар ўтказаётгани билан изоҳлади.
“Шимолий томондан гулдирак товушлар таралмоқда – бу Қора денгиз флотининг реактив бомбаотар қуроллари товуши. Флот машқлар ўтказяпти. Шаҳарда ҳамма ёқ тинч”, деб ёзди у ўз телеграм-каналида.
Охирги 24 соат ичида жами 57 та ҳарбий тўқнашув содир бўлган
Украина ҳудуди 7 та ракета ва 54 та ҳаво ҳужумига учраган. Ўлганлар ва ярадорлар бор. Россия Бош штаби бу хабарларга изоҳ бермади.
Украинанинг Запороже вилоятидаги Работино қишлоғи 2022 йил март ойида Россия армияси томонидан босиб олинган, 2023 йил август ойида эса Украина Қуролли кучлари томонидан озод қилинган.
Херсон вилояти бомбардимон остида
Охирги 24 соат ичида руслар Херсон вилоятига 514 дан ортиқ снаряд отди, отишма натижасида бир киши яраланди, деди душанба куни эрталаб вилоят ҳарбий бошқармаси раҳбари Александр Прокудин.