Эрон ТИВ: ўлганлар "фақат юзлаб"
14 январь куни Fox News телеканали билан суҳбатда Эрон Ташқи ишлар вазири Аббос Ароқчи ҳалок бўлганлар сони «фақат юзлаб» деди, юқори рақамлар ҳақидаги хабарларни «ноқонуний маълумот кампанияси»нинг бир қисми, деб атади.
Ароқчи, Ислом Республикаси ўз рақамларини кейинроқ эълон қилишини билдирди.
Шунингдек, Эрон Ташқи ишлар вазири ҳеч қандай далил келтирмаган ҳолда, Исроил томонидан жиҳозланган террорчилар полиция ва одамларга қасддан ўқ отгани, бунинг натижасида ўлганлар сони кўпайгани ва шу тариқа ташқи кучлар бу вазиятга АҚШ президенти Дональд Трампнинг аралашиши учун шароит яратишга уринганини даъво қилди.
Ароқчи намойишлар тўхтаганини ҳам даъво қилди: «Сўнгги тўрт кун ичида намойиш ва норозилик бўлмади», — деди у.
Айни гапни, 14 январ қилган чиқишида АҚШ президенти Дональд Трамп ҳам таъкидлади:
«Бизга айтилганидек, Эрондаги қотилликлар тўхтаяпти, тўхтади ва тўхтамоқда, ва ҳеч қандай ўлим жазоси ёки ижро режаси йўқ. Биз жараённи кузатиб борамиз. Аммо вазиятдан хабардор шахслар томонидан бизга жуда яхши, жуда яхши баёнот берилди».
Лекин АҚШнинг Теҳронга қарши ҳарбий ҳаракат қилиш эҳтимоли сақланиб қолгани туфайли, Шарқий Осиёдаги кескинликлар давом этмоқда.
Рейтерc агентлигининг АҚШ ҳокимиятидаги манбасига таяниб хабар беришича, АҚШ Жанубий ва Шарқий Осиёдаги базалардан айрим ходимларни олиб чиқмоқда. Бу ҳаракат Эроннинг юқори лавозимли мансабдори АҚШ Трамп зарба берса, Теҳрон қўшни мамлакатлардаги Америка базаларига зарба беришидан огоҳлантирганидан сўнг амалга оширилмоқда.
Трамп эса бир неча бор Эрондаги намойишчиларни қўллаб-қувватлаш учун вазиятга ҳарбий аралашувидан огоҳлантирган.
"Эронда Интернет тамоман узилган"
“Эрондаги интернет ўчирилиши 156 соатдан ошиб кетди, шафқатсиз босимдан сўнг сукунат янада чуқурлашмоқда», — деб ёзди жумладан NetBlocks ташкилоти 15 январь куни эрта тонгдаги хабарда.
Шу кунларда Фардо радосига боғланаётган хориждаги эронликларга кўра, Эрон раҳбарияти 1979 йил Ислом инқилобидан бери кузатилаётган энг катта намойишларни мисли кўрилмаган шафқатсизлик билан бостирмоқда.
АҚШда жойлашган мустақил инсон ҳуқуқлари мониторинги ташкилоти - HRANAнинг 14 январь ҳолатига тасдиқланган ва текширилган маълумотларга таяниб хабар қилишича, ҳалок бўлганлар сони 2 435 нафарга етган, 18 мингдан ортиқ киши ҳибсга олинган.
Бироқ HRANA ва бошқа манбаларга кўра, аслида ҳалок бўлганлар сони бир неча баробар кўп бўлиши мумкинлигини ҳам қайд этмоқда.
Боиси, мамлакатда Интернет тамоман узилган, эронликлар ичкарида намойишчиларга нисбатан кучишлатар идоралар шафқатзилигига оид хабарларни ташқи оламга етказишда жуда қийналмоқда.
"Намойишдаги қурбонлар ўқотар қуролдан ўлган"
Эрондаги вазият, Озодлик Эрон хизмати - Фардо радиосига гапираётган эронликларларга кўра, жуда оғир, намойишлар эса ўта шафқатсизлик билан бостирилмоқда.
Қурбонларнинг аксари яқиндан отилган ўқлардан олинган жароаҳатлардан ўлгани айтилмоқда.
Ҳукуматга қарши намойишчиларда ўлдирилган минглаб қурбонлардан бири бўлган талаба - Теҳронда мода дизайни йўналишида таҳсил олаётган 23 ёшли курд аёли Робина Аминияндир.
Аминияннинг Норвегияда яшовчи аммаси Фардо радиосига айтишича, у бошининг орқа қисмига яқин масофадан ўқ узилиши натижасида ҳалок бўлган.
Шу кунларда Фардо радосига боғланаётган хориждаги эронликларга кўра, Эрон раҳбарияти 1979 йил Ислом инқилобидан бери кузатилаётган энг катта намойишларни мисли кўрилмаган шафқатсизлик билан бостирмоқда.
АҚШда жойлашган мустақил инсон ҳуқуқлари мониторинги ташкилоти - HRANAнинг 14 январь ҳолатига тасдиқланган ва текширилган маълумотларга таяниб хабар қилишича, ҳалок бўлганлар сони 2 435 нафарга етган, 18 мингдан ортиқ киши ҳибсга олинган.
ДХХ: Bayraktar билан қуролланган навбатчилар чегарага қўйилди
Хавфсизлик кенгашининг кенгайтирилган йиғилишида Давлат хавфсизлик хизмати раиси Баҳодир Қурбонов Ўзбекистон давлат чегарасида Bayraktar русумидаги учувчисиз бошқариладиган аппаратлар билан жиҳозланган янги махсус бўлинма навбатчилиги йўлга қўйилганини маълум қилди.
Қурбоновнинг айтишича, чегара ҳимояси кучайтирилган - давлат чегарасининг 42 фоизи видеокузатув тизими билан жиҳозланган, 1117 километр оптик толали алоқа линияси тортилганини айтиб ўтган.
«Чегара бўлинмалари замонавий учувчисиз учиш аппаратлари билан таъминланди. Bayraktar учувчисиз учиш аппаратлари билан бутланган янги махсус бўлинманинг жанговар навбатчилиги йўлга қўйилди. Жанговар тайёргарлик тадбирлари интенсивлиги ва сифат кўрсаткичлари оширилди», деди жумладан Давлат хавфсизлик хизмати раиси Баҳодир Қурбонов.
Ўзбекистон президенти Мирзиёев 13 январ куни Мудофаа кучлари тайёргарлигини шахсан кўздан кечирган эди.
Аммо, президент Мирзиёев ёки бошқа бирор ҳукумат расмийси Эронда қарийб 20 кундирки давом этаётган қонли намойишлар ҳақида ҳали бирор баёнот бергани йўқ.
Фақат, Ўзбекистон ташқи ишлар вазирлиги 14 январ куни бу давлатда бўлиб турган ўзбекистонликларни эҳтиёткорлик ва намойишларда қатнашмасликка чақирди ва шу кунгача бу намойишларда ўзбекистонликлар жабрланганига оид бирор маълумот йўқлигини айтиш билан чекланди.