Линклар

Шошилинч хабар
29 март 2024, Тошкент вақти: 12:51

Конгресс раҳбарлари: Путин Вашингтонга келса, Капитолийга қадам босмасин


АҚШ Сенатидаги Кўпчилик етакчиси Митч МакКоннелл (чапда), АҚШ президенти Дональд Трамп ва Вакиллар палатаси спикери Пол Райан (ўнгда)
АҚШ Сенатидаги Кўпчилик етакчиси Митч МакКоннелл (чапда), АҚШ президенти Дональд Трамп ва Вакиллар палатаси спикери Пол Райан (ўнгда)

АҚШ Конгресси раҳбарлари Россия президенти Владимир Путин Дональд Трампнинг таклифини қабул қилиб, Вашингтонга ташриф буюрадиган бўлса, у Конгрессда маъруза қилиш учун таклиф этилмаслигини айтмоқда. Улар Путиннинг Капитолийга қадам босишини ҳам истамаяпти. Бунга Россиянинг АҚШ президенти сайловига аралашгани сабаб қилиб кўрсатилмоқда.

Конгресс раҳбарлари Райан билан МакКоннелл Путиндан Конгресснинг қўшма мажлисида маъруза қилишни сўраш режаси йўқ эканини айтди. Одатда чет мамлакатлар раҳбарлари Вашингтонга ташриф буюрганда уларга маъруза қилиш таклифи билан ҳурмат бажо келтирилади.

− Биз уни қўшма мажлисда маъруза қилиш учун таклиф этмаймиз, − деди Райан. – Бундай шарафни дўстларимиз учун асраб қўямиз.

− Спикер ҳам, мен ҳам Капитолийда Путинга ҳеч кимнинг кўзи учиб турганини йўқлигини очиқ-ойдин айтдик, − деди МакКоннелл.

24 июль куни Кремль вакили Трампнинг таклифини қабул қилишдан олдин “бўрон тиниши”ни кутиш кераклигини айтгандан сўнг, Конгресс палаталари раҳбарлари зикр этилган баёнотни берди.

Юрий Ушаков Кремдагиларнинг АҚШдаги “тутаб турган” сиёсий вазиятни ўт олдириб юбормаслик истаги борлигини айтди. Унга кўра, айни пайтда Вашингтонга сафарга тайёргарлик кўрилаётгани йўқ. Путин Трамп билан бошқа жойда, масалан, жорий йил кузида Аргентинада бўлиб ўтадиган G20 саммитида учрашиши мумкинлиги айтилмоқда.

Танқид бўрони

Райаннинг фикрича, Трампнинг Путин сингари чет мамлакатлар раҳбарлари билан музокара қилишига ҳеч қандай қаршилиги йўқ, лекин у ўша раҳбарларга тўғри гапни айта билиши керак.

− Агар ўша гап “Мамлакатимиз ички ишларига аралашманг, эгаменлигимизга дахл қилманг” қабилида бўлса, мен уни қўллаб-қувватлайман. Бу бамаъни гап бўлур эди, − деди Райан журналистларга.

Трамп Ҳельсинкида Путин билан учрашувидан кейин матбуот конференциясида айтган гаплари сабаб танқид бўронига дучор бўлди. Уни демократлар баробарида ўз партиядошлари ҳам аяб ўтирмади. Чунки у ўшанда Путиннинг, сайловга аралашмадик, деган гапига ишонишини айтиш билан бирга АҚШ разведка хизматларининг хулосаларини шубҳа остига олган эди.

Трамп саммит муваффақиятли ўтганини айтмоқда

XS
SM
MD
LG