Фарғона вилояти Учкўприк туманида одамлар ҳожатхона ва молхоналарни тозалиги баҳонасида СЭС ходимлари аҳолидан гўнг талаб қилаётганидан норози.
Одамлар гўнгдан таппи тайёрлаб, қиш мавсимида уйларини иситишларини айтади.
Озодлик 9 июлда нашр қилган хабарга кўра, шифокор ва ҳамширалар маҳалла посбонлари билан биргаликда уйма-уй юриб, одамлардан камида икки қопдан гўнг беришни илтимос қилишмоқда.
“Наҳотки Бош вазирнинг куни аҳоли тезагига қолган бўлса, дўхтирларнинг гўнг тиланиб юриши жуда ачинарли кўринар экан," дейди воқеа гувоҳларидан бири.
Расмийларга кўра, Бош вазир Мирзиёев топшириғига кўра, ҳар икки дўхтир ёки ҳамширага биттадан маҳалла посбони биркитилган бу ҳақда вилоят ҳокимининг қарори бор.
Eltuz.com сайти айни ҳолатни рассом Kirpi чизган карикатурани Озодликка тақдим этди.
