Линклар

Шошилинч хабар
19 январ 2022, Тошкент вақти: 04:19

Гувоҳлар: Россия учоқлари Суриянинг исёнчилар назоратидаги Идлиб шаҳрини бомбалади


Иллюстратив фото

“Reuters” ахборот агентлиги хабар беришича, гувоҳлар ва исёнчилар манбаларига кўра, якшанба куни Россия ҳарбий учоқлари Сурия шимоли-ғарбидаги Идлиб шаҳри яқинидаги ҳудудларни бомбалади, бу эса мухолифат қўлидаги сўнгги истеҳкомга қарши янги йилдаги янги ҳужумлар бошланганидан дарак беради.

Бу ҳарбий учоқлар (кузатув марказлари уларни Россиянинг Сухой бомбардимончи учоқлари деб таъкидлаган) бир неча шаҳарчалар ва аҳолиси миллиондан ортиқ бўлган Идлиб шаҳрига хизмат кўрсатувчи бош сув насос станциясига бомба ташлаган.

Россия ёки Сурия армияси ҳозирча ҳеч қандай изоҳ бермаган, аммо улар минтақани назорат қилаётган жангари гуруҳлар яширинган жойлар нишонга олинаётгани, аммо тинч аҳолига қарши ҳужум бўлмаётганини таъкидламоқда.

Шаҳар сув хизмати вакилининг айтишича, насос иш ташлашлар сабабли ишламай қолган.

Ҳаво ҳужумида сув станцияси “жиддий зарар кўрганини” тасдиқлаган БМТнинг юқори мартабали расмийси, ҳужумлар миллионлаб сурияликларнинг аҳволини ёмонлаштирганини айтди.

“Фуқаролик инфратузилмасини вайрон қилишнинг давом этиши тинч аҳолининг азоб-уқубатларини янада оширади. Тинч аҳоли ва фуқаролик инфратузилмасига ҳужумларни тўхтатиш зарур”, деб твит ёзди БМТнинг гуманитар масалалар бўйича минтақавий координатори ўринбосари Марк Катс.

Гувоҳларнинг айтишича, сўнгги 24 соат ичида исёнчилар назоратидаги анклавга қилинган ҳужумлар Туркия билан чегарадаги Баб ал-Ҳава ўтиш жойи яқинидаги чорвачилик ва паррандачилик фермаларига ҳам таъсир қилган.

“Россияликлар инфратузилма ва иқтисодий активларга эътибор қаратмоқда. Бу халқнинг азобини янада кучайтиради”, деди мухолифат маъмурияти расмийси Абу Ҳазим Идлибий.

Бошқа нишонлар орасида Идлиб вилояти жанубидаги Жабал аз-Завийя туманидаги қишлоқлар ҳам бор, аҳоли ва қутқарувчилар ҳозирча қурбонлар ҳақида хабар бермаган.

Фуқаролик мудофааси хизмати маълумотларига кўра, Идлиб ғарбидаги Жиср аш-Шуғур яқинидаги минглаб кўчирилган оилалар истиқомат қиладиган вақтинчалик лагерларга шанба куни ярим тундан кейин рейд уюштирилган. Икки бола ўлган, бир аёл ва 10 нафар тинч аҳоли яраланган.

Сурия президенти Башар ал-Ассад кучларини қўллаб-қувватловчи Россия ва мухолифат гуруҳларини қўллаб-қувватловчи Туркия ўртасида деярли икки йил аввал тузилган келишув бир неча ой ичида миллиондан ортиқ одамни уй-жойини тарк этишга мажбур қилган ҳарбий ҳаракатларга барҳам берган эди.

XS
SM
MD
LG