Истанбуллик дўкондор болаларни китобга қизиқтириш йўлини топди
Истанбуллик 51 ёшли Қанбер Бўзан ўзининг озиқ-овқат дўконида чакана савдо билан шуғулланади. Сўнгги тўрт йилдан бери у дўконининг бир четига адабий китоблар қўйиб, болаларга текин тарқатиб келади. Ўқувчилар ўқиган китобининг мазмунини сўзлаб беришса, дўкондор уларга ширинлик улашишни одат қилган. Бундан мақсад болаларнинг китоб ўқишга бўлган қизиқишини орттиришдир.