НОРИН. “Наманган вилояти Норин туманидан ёзмоқдамиз. Туман деҳқон бозорида фаолият юритиб келамиз. Бозор замон талабига жавоб берадиган расталардан иборат эди. 6 ой аввал туппа-тузук бозор бузилиб, қайта қурилиши ҳақида гап чиқди. Биз – новвойлар, мева-чева ва сабзавотчилар, қуруқ мева сотувчилар, қассоблар ва бошқа савдогарларни бозор ҳудудидан ташқарига чиқаришди.
Биз олти ой давомида жазирамада бозор ташқарисидаги йўлакларда савдо қилдик. Бозор ходимлари патта пулини қолдирмай йиғиб олди. Аммо бизга озгина бўлса ҳам шароит яратиб беришмади.
Ярим йил ичида бозор битгандир деб ўйласангиз адашасиз. Ёз ўтиб куз келмоқда, аммо бозор бетон қуйилгани бўйича қолиб кетди. Яқинда ёғингарчилик бошланади. Хўш, биз қаерда савдо қиламиз?”
(Бу хабар Озодликка 18 август куни келган.)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagramсаҳифасида кузатинг!
|