ҚАШҚАДАРЁ – “Авария ҳолатдаги мактаб зилзилада қулаб тушиши аниқ” (ФОТО-ГАЛЕРЕЯ)

ЧИРОҚЧИ. “Қашқадарё вилоят, Чироқчи туманидан ёзмоқдамиз. “Сиздан Телеграм”да туманимиздаги мактаблар ачинарли аҳволда экани ҳақида бир неча мактуб чоп этилди. Чиндан ҳам, ҳудудимиздаги мактаблар ўта абгор аҳволда.

Масалан, 170-мактаб биноси кўп йиллардан бери бир тадбиркорга тегишли. Бинони шу пайтгача ота-оналар амаллаб таъмирлаб келади. Авария ҳолатидаги бинода иссиқлик тизими ишламайди. Худо кўрсатмасин, зилзила рўй берса, бу бино қулаб тушиши аниқ. Хўш, у ҳолда 450 дан зиёд ўқувчи тақдири нима бўлади?!

40-мактаб ҳам ачинарли аҳволда. Хоналарнинг эшик-дераза ва поли чириб кетган. Жиҳозлар етарли эмас. Электр ва иситиш тизими яхши йўлга қўйилмаган.

116-мактаб 192 болага мўлжалланган, аммо бу ерда 350 дан зиёд бола 2 сменада ўқишга мажбур.

Туман халқ таълими бўлими раҳбарияти мактаблардаги муаммоларни ҳал қилиш ўрнига ўз шахсий дарди билан овора. Республика халқ таълими раҳбарларидан амалий ёрдам кутиб қоламиз”.

(Бу хабар Озодликка 2 сентябрь куни келган.)

Sizdan Telegram: “Қашқадарё вилояти Чироқчи туманидан ёзмоқдамиз. “Сиздан Телеграм”да туманимиздаги мактаблар ачинарли аҳволда экани ҳақида бир неча мактуб чоп этилди. Чиндан ҳам, ҳудудимиздаги мактаблар ўта абгор аҳволда.

Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagramсаҳифасида кузатинг!