Biloliddin
Чегара минтақасидаги вазиятнинг кескинлиги сабабли афғон қочқинларини Эрон ва Покистондан ўз уйларига қайтариш режаси тўхтатилди. Ташкилот матбуот вакили Муҳаммад Нурий қочқинларни қайтариш тўхтатилганини айтиб, сабабини маълум қилмади. Аммо Покистонда жойлашган Афғон Исломий матбуоти, икки қўмондон Афғонистоннинг Эрон чегарасига яқин Нимроз вилоятида хужум бошлаганини хабар қилди.
БМТ матбуот котиби бортида 14.000 афғон қочқини бўлган 800та машина Покистонда чегара яқинида тўхтаб қолганини билдирди.