Хотамий ва Туркманистон раҳбарлари ўртасида олиб бориладиган учрашувлар кун тартибида иқтисодий ҳамкорлик ва Афғонистонни қайта қуриш масалалари муҳокама қилиниши кутилади. Бу Хотамийнинг Туркманистонга қиладиган иккинчи ташрифи бўлади. У сўнгги марта 1997 йили у ерда бўлганида Эрон ва Туркманистон ўртасида газ қувурини очиш маросимида иштирок этган эди. Эрон президенти Туркманистон сафаридан кейин Қозоқистон, Ўзбекистон, Қирғизистон ва Тожикистонга ташриф буюради.