Намойишчилар тунелдан оғир юк машиналарини ўтказмаслик талаби билан чиқишган. Кечадан буён у ерда мингга яқин намойишчи тунел ичкарисида жонли тўсиқ ясаган эди. Бугун улар тарқатилиб, Монблан ер ости йўли орқали ҳаракат қайтадан йўлга қўйилди. Маълумотларга кўра, икки юк машинаси полиция ҳамроҳлигида тунел орқали ўтган. Монблан ер ости йўли бир неча фалокатларга сабаб бўлгани учун 1999 йилда ёпиб қўйилди. Ўшанда, оғир юк машинаси тунел ичкарисида ёниб кетгани боис 39 киши нобуд бўлган эди.
