Душанба кунги тасодифий бомбалашлар оқибатида 40га яқин тинч аҳоли ҳалок бўлган эди. Гувоҳларнинг маълум қилишларича, қурбон бўлганларнинг аксарияти тўй маросими қатнашчилари бўлишган. АҚШ ҳукумати вакилларининг баён қилишларича, ҳаво зарбалари зенит-артиллерия ҳужумларига қарши амалга оширилган. "Нью Йорк Таймс" газетасининг ёзишича, ўша пайтда коалиция кучлари мазкур ҳудудларда толибон жангариларига қарши йирик амалиётларни олиб бораётган эди.
