Афғонистон вице-президенти Ҳожи Абдул Қодир ўлдириб кетилганидан сўнг¸ бугунги кун мамлакатда миллий мотам куни деб эълон қилинган.

Маълумки, Ҳожи Абдул Қодир ўтган шанба куни отиб кетилган. Афғонистон ўтиш даври ҳукумати раҳбари Ҳамид Карзайнинг билдиришича, мамлакатдаги халқаро хавфсизлик кучлари қотиллик сабабларини ўрганишда иштирок этади. Бу ҳақда душанба куни бўлиб ўтган ҳукумат йиғилишида қарор қабул қилинган.
Шу пайтгача Ҳожи Абдул Қодир ўлимида гумон этилган 12 киши ҳибсга олинган.