Қурол-аслаҳа сотиш ҳақидаги Покистонга нисбатан жорий этилган эмбарго бекор қилинганидан буён илк бор АҚШ Исломободга ҳарбий техниканинг йирик партиясини етказиб беришни режалаштирмоқда.

АҚШ мудофаа вазирининг билдиришича, Покистонга сотиш учун 6 ҳарбий транспорт самолёти ва 75 миллион долларлик бошқа жиҳозлар тайёр турибди.
Исломободга қарши жорий этилган санкциялар ўтган йил кузда Покистон ҳукумати АҚШ бошчилигидаги аксил-террор кампаниясини қўллаб-қувватлагандан сўнг бекор қилинган эди.