Бугун Переснинг айтишига кўра, ҳозир Исроил қўшинлари ишғол этган Фаластиннинг бошқа ҳудудларига қараганда Хеврон ва Байтулҳамда нисбатан осойишталик ҳукм сураëтгани сабабли бу икки шаҳар танланган. Фаластиннинг янги ташқи ишлар вазири Абдулразоқ ал-Яҳë Исроил ҳукуматига Исроил қўшинлари чиқиб кетиши билан Фаластин хавфсизлик кучлари назорат ўрнатиши хақдаги режани тақдим этди. Исроил ҳукумати, шунингдек, шу ой бошида ëпилган Ал-Қуддуз университетини қайта очишга ҳам руҳсат беришини билдирди.