Бугун Кобулда миналардан тозалаш муаммоларига бағишланган халқаро конференция ўз ишини бошлади.

Анжуман Афғонистон ҳукумати ва пиёдаларга қарши миналардан фойдаланишни таъқиқлаш учун курашаётган турли халқаро ташкилотлар томонидан уюштирилди.
Қизил Хоч жамияти ҳисоб-китобларига кўра, уруш давом этган 23 йил ичида Афғонистонда 200 мингдан зиёд киши мина портлаши оқибатида нобуд бўлган.
Экспертларга кўра, бу мамлакатда ўрнатилган миналарни зарарсизлантириш учун камида 10 йил керак бўлади.