Сувнинг кучли тўлқини Элба дарёсининг қуйилиш жойига яқинлашар экан, Гамбург, Мекленбург ва Бранденбург шаҳарларида яшовчи 8 минг аҳоли соҳил бўйларидан бехавотир жойларга олиб ўтилди. Қуйи Саксонияда ҳам сув тошқинига қарши зарур чоралар кўрилмоқда. Расмий маълумотларга кўра, Германияда сув тошқинидан 21 киши нобуд бўлган, 25 киши бедарак йўқолган. Табиий офат келтирган моддий зарар эса 15 миллард еврони ташкил этади.
