Исроил мудофаа вазири Биньямин Бен Элиезер Фаластин муҳторияти билан Исроил қўшинларининг олиб чиқилиши ҳақидаги келишув кучда қолаëтганини эълон қилди.

Вазирнинг сўзларига кўра, ўтган ҳафта эришилган келишувни бажариш борасидаги музокаралар бугун давом эттирилади. Қўшинларнинг олиб чиқилиши шартларидан бири, фаластин расмийлари томонидан исроилликларга қарши ҳужумлар ва терактларни тўҳтатиш борасида қўшимча чораларнинг кўрилишидир.
Бугун Исроил қўшинлари Иордан дарëсининг ғарбий соҳилида қўшимча рейдлар ўтказишди. Женин шаҳрида отишмалар рўй берди. Қурбонлар бўлмаган. Тулкарм шаҳрида “Фатҳ” ҳаракати фаоли, кўплаб терактлар юзасидан айбланаëтган Мансур Шремнинг уйи вайрон бўлган.