Бугун Европа иттифоқи Грузия ва Россия ўртасида муносабатлар кескинлашгани хақида хавотирланиш билдирди ва томонларни ҳудудий яхлитликни ҳурмат қилишга чақирди.

Яқинда Грузия Россияни Панкиси дарасига ҳаводан ҳужум қилиб, 1 кишини ўлдиргани ва 7 кишига тан жароҳати етказганида айблади. Россиянинг даъво қилишича, чеченистонлик жангчилар Панкиси дарасидан база сифатида фойдаланишмоқда.