Покистондаги сайлов комиссияси расмийлари собиқ Бош вазир Беназир Бхуттонинг октябр ойида бўладиган парламент сайловларида қатнашиш учун тақдим этган хужжатларини қабул қилишни рад этди.

Сайлов комиссияси расмий вакили Аҳлоқ Хуссайн Ладак пойтаҳт Исломободдан жануби шарқ томонда жойлашган Ларкана шаҳрида, Бхутто сургунда яшаётган пайтида Покистондаги суд унга нисбатан коррупция айби билан жиноий иш очгани сабабли унинг сайловларга ўз номзодини қўйиши ҳақидаги аризаси қабул қилинмаганини билдирди.