Эрон президенти Муҳаммад Ҳотамий Ироқ теварагидаги вазияти ва унинг Форс Кўрфазига таъсири масаласини муҳокама қилиш учун бугун Саудия Арабистонига келди.

Расмий Саудия газетасининг хабар беришича, Ҳотамий Вали аҳд шаҳзода Абдуллоҳ бин Абдул Азиз ва бошқа расмийлар билан учрашади.
Саудия Арабистони ва Эрон АҚШнинг Ироққа қарши ҳарбий ҳужум уюштиришига қарши эканини билдирган.
Бугун эрталаб Эроннинг собиқ президенти Акбар Хошемий Рафсанжоний, БМТ Ироқ можаросида қайтадан рол ўйнай бошлаганини қутлади.